પ્રતાપગઢ  શનિવાર, 12 જુલાઈ, 2025: ઉત્તર પ્રદેશના પ્રતાપગઢમાં આવેલા પ્રસિદ્ધ મા બેલ્હા દેવી મંદિરમાં એક લગ્ન સમારોહમાં અચાનક એવો વળાંક આવ્યો કે આખું વાતાવરણ જ બદલાઈ ગયું! લગ્નની વિધિઓ ચાલી રહી હતી ત્યાં જ પૂજારીની નજર વરરાજા પર પડી અને તેમને કંઈક ગડબડ લાગી. પછી શું હતું, પૂજારીએ તરત જ પોલીસને બોલાવી અને જ્યારે હકીકત સામે આવી, ત્યારે મંદિરમાં હાજર દરેક વ્યક્તિ સ્તબ્ધ થઈ ગયા.

 
ઓળખ છુપાવી હિન્દુ યુવતી સાથે લગ્ન કરવા આવ્યો હતો 'મતલૂબ'!
વાસ્તવમાં, આ આખો મામલો લવ જેહાદ સાથે જોડાયેલો છે. પ્રયાગરાજ જિલ્લાના ચંદ્રપુરનો રહેવાસી 45 વર્ષીય મતલૂબ અહમદ પોતાની સાચી ઓળખ છુપાવીને પ્રતાપગઢના બેલ્હા દેવી મંદિરમાં 20 વર્ષની એક હિન્દુ યુવતી સાથે લગ્ન કરવા આવ્યો હતો. તેણે પોતાનું નામ "રાજીવ" જણાવ્યું હતું અને મંદિરમાં વિધિવત લગ્નની વિધિઓ પણ શરૂ થઈ ચૂકી હતી. પરંતુ જેવા પૂજારી મંગલા પ્રસાદને કંઈક શંકા ગઈ, તેમણે તરત જ પોલીસને જાણ કરી દીધી.
 
પહેલેથી જ પરણેલો નીકળ્યો આ દગાબાજ વરરાજા!
પોલીસ તપાસમાં ચોંકાવનારો ખુલાસો થયો કે, મતલૂબના લગ્ન લગભગ 20 વર્ષ પહેલા જ થઈ ચૂક્યા છે. તેમ છતાં, તે પોતાનો ધર્મ છુપાવીને મંદિરમાં હિન્દુ રીતિ-રિવાજો અનુસાર પોતાના બીજા લગ્નની તૈયારીમાં હતો. તેણે મંદિર પ્રશાસન અને યુવતીના પરિવારજનોને સંપૂર્ણપણે અંધારામાં રાખ્યા હતા.
 
પુજારીની ફરિયાદ પર ગુનો દાખલ, પોલીસની ઊંડી તપાસ શરૂ!
પોલીસ ઘટના સ્થળે પહોંચી અને વરરાજા તેમજ કન્યા, બંનેને પોલીસ સ્ટેશન લઈ ગઈ, જ્યાં તેમની પૂછપરછ કરવામાં આવી રહી છે. હાલ, પોલીસે પૂજારી મંગલા પ્રસાદની ફરિયાદ પર મતલૂબ વિરુદ્ધ ધર્મ પરિવર્તન કાયદો, ધાર્મિક ભાવનાઓ આહત કરવા અને છેતરપિંડીની કલમો હેઠળ નગર કોતવાલીમાં ગુનો નોંધી લીધો છે.

પ્રતાપગઢના એસપી શૈલેન્દ્ર પ્રતાપે જણાવ્યું કે, "આજે બપોરે લગભગ 12 વાગ્યે એક સૂચના મળી હતી કે એક વ્યક્તિ ઓળખ છુપાવીને મા બેલ્હા દેવી મંદિરમાં લગ્ન કરવા આવ્યો છે. તરત જ પોલીસ ઘટના સ્થળે પહોંચી અને બંનેને પોતાની સાથે લઈ ગઈ, જ્યાં બંનેની પૂછપરછ કરવામાં આવી રહી છે." તેમણે કહ્યું કે, પૂછપરછ બાદ જે પણ માહિતી સામે આવશે, તે મુજબ આગળની કાયદેસર કાર્યવાહી કરવામાં આવશે.

આ ઘટનાએ ફરી એકવાર ધાર્મિક ઓળખ છુપાવીને લગ્ન કરવાના કેસો પર ગંભીર સવાલો ઉભા કર્યા છે.