મહારાષ્ટ્રમાં હિન્દી-મરાઠી વિવાદ વચ્ચે જગદગુરુ શંકરાચાર્ય સ્વામી અવિમુક્તેશ્વરાનંદે કહ્યું કે ઉદ્ધવ ઠાકરે કોઈને મરાઠી શીખવવા માંગતા નથી. તેઓ ફક્ત મરાઠી પર રાજકારણ કરી રહ્યા છે. તેમણે કહ્યું કે ઉદ્ધવ ઠાકરેએ તેમને મરાઠી શીખવવા માટે શિક્ષકની પણ વ્યવસ્થા કરી નથી. હવે   જગદગુરુ શંકરાચાર્ય સ્વામી અવિમુક્તેશ્વરાનંદ સરસ્વતીએ મરાઠી શીખવાનું શરૂ કર્યું છે. તેમને મરાઠી શીખવવા માટે બે શિક્ષકોની પણ નિમણૂક કરવામાં આવ્યા છે. શંકરાચાર્યે બાલ ભારતી પુસ્તકથી મરાઠી શીખવાનું શરૂ કર્યું છે. 

આ દરમિયાન તેમણે ઉદ્ધવ ઠાકરેના ભાષા પ્રત્યેના પ્રેમને રાજકીય રીતે પ્રેરિત ગણાવ્યો છે. તેમણે એકનાથ શિંદેની પ્રશંસા કરી છે. સ્વામી અવિમુક્તેશ્વરાનંદે થોડા સમય પહેલા શિંદેની આકરી ટીકા કરી હતી. હવે શંકરાચાર્યએ કહ્યું કે, એકનાથ શિંદેએ મહારાષ્ટ્રમાં ગાયને ગૌ રાજ્ય માતાનો દરજ્જો આપ્યો હતો. આનાથી તેમના પાપ ધોવાઈ ગયા છે. તેમણે કહ્યું કે તેમનો મરાઠી વર્ગ શરૂ થઈ ગયો છે. શિક્ષક શિવાજી શેંડગે તેમને મરાઠી શીખવી રહ્યા છે.

જગદગુરુ શંકરાચાર્ય સ્વામી અવિમુક્તેશ્વરાનંદ સરસ્વતીએ વધુમાં કહ્યું હતું કે, હવે અમે કંઈ કહી રહ્યા નથી, અમે આ વાતાવરણનો લાભ લઈ રહ્યા છીએ. અમારી ભાષા હિન્દી છે, અમે ઠાકરે સાહેબના પુત્રને પણ શિક્ષક નિયુક્ત કરવા કહ્યું કારણ કે અમે મરાઠી શીખવા માંગીએ છીએ, પરંતુ તેમણે અમારો સંપર્ક કર્યો નહીં. એક ધારાસભ્યએ અમને બે શિક્ષકો આપ્યા છે. કોઈપણ અમને શીખવી શકે છે. અમે આજથી શરૂઆત કરી છે. અમે પહેલા ધોરણના બાલ મિત્ર પુસ્તકથી શરૂઆત કરી છે.