નવી દિલ્હી :રાષ્ટ્રપતિ દ્રૌપદી મુર્મુએ 5 હાઈકોર્ટ માટે મુખ્ય ન્યાયાધીશોની નિમણૂક કરી છે. કેન્દ્રીય કાયદા અને ન્યાય મંત્રાલય દ્વારા જારી કરાયેલા સૂચનાઓ અનુસાર, મધ્યપ્રદેશ, ઝારખંડ, કર્ણાટક, ગુવાહાટી અને પટના હાઈકોર્ટમાં નવા મુખ્ય ન્યાયાધીશોની નિમણૂક કરવામાં આવી છે.

રાષ્ટ્રપતિ દ્રૌપદી મુર્મુએ સોમવારે (14 જુલાઈ) 5 હાઈકોર્ટ માટે મુખ્ય ન્યાયાધીશોની નિમણૂક કરી. કેન્દ્રીય કાયદા અને ન્યાય મંત્રાલય દ્વારા જારી કરાયેલા સૂચનાઓ અનુસાર, મધ્યપ્રદેશ, ઝારખંડ, કર્ણાટક, ગુવાહાટી અને પટણા હાઈકોર્ટમાં નવા મુખ્ય ન્યાયાધીશોની નિમણૂક કરવામાં આવી છે. રાષ્ટ્રપતિએ મધ્યપ્રદેશ હાઈકોર્ટના મુખ્ય ન્યાયાધીશ તરીકે કાર્યકારી મુખ્ય ન્યાયાધીશ (મધ્યપ્રદેશ) સંજીવ સચદેવાની નિમણૂક કરી છે 

આ સાથે, દિલ્હીના ન્યાયાધીશ વિભુ બાખરુને કર્ણાટક હાઇકોર્ટના મુખ્ય ન્યાયાધીશ તરીકે, પટણાના કાર્યકારી મુખ્ય ન્યાયાધીશ આશુતોષ કુમારને ગુવાહાટી હાઇકોર્ટના મુખ્ય ન્યાયાધીશ તરીકે, પટણાના ન્યાયાધીશ વિપુલ મનુભાઇ પંચોલીને પટણા હાઇકોર્ટના મુખ્ય ન્યાયાધીશ તરીકે, હિમાચલ પ્રદેશના ન્યાયાધીશ તરલોક સિંહ ચૌહાણને ઝારખંડ હાઇકોર્ટના મુખ્ય ન્યાયાધીશ તરીકે નિયુક્ત કરવામાં આવ્યા છે.

સુપ્રીમ કોર્ટના મુખ્ય ન્યાયાધીશ બી.આર. ગવઈના નેતૃત્વ હેઠળના કોલેજિયમે વિવિધ હાઇકોર્ટના તે ન્યાયાધીશોને બઢતી આપવા અને તેમને હાઇકોર્ટના ન્યાયાધીશ તરીકે નિયુક્ત કરવાની ભલામણ કરી હતી.

કેટલાક ન્યાયાધીશોની પણ બદલી કરવામાં આવી છે. મણીન્દ્ર મોહન શ્રીવાસ્તવને રાજસ્થાન હાઇકોર્ટથી મદ્રાસ હાઇકોર્ટમાં ચીફ જસ્ટિસ તરીકે, અપરેશ કુમાર સિંહને ત્રિપુરા હાઇકોર્ટથી તેલંગાણા હાઇકોર્ટમાં ચીફ જસ્ટિસ તરીકે, એમએસ રામચંદ્ર રાવને ઝારખંડ હાઇકોર્ટથી ત્રિપુરા હાઇકોર્ટમાં ચીફ જસ્ટિસ તરીકે ટ્રાન્સફર કરવામાં આવ્યા છે, તેમજ કેઆર શ્રીરામને મદ્રાસ હાઇકોર્ટથી રાજસ્થાન હાઇકોર્ટમાં ચીફ જસ્ટિસ તરીકે ટ્રાન્સફર કરવામાં આવ્યા છે.