ઇસ્‍લામાબાદ, તા.૧૭: અમેરિકાના રાષ્‍ટ્રપતિ ડોનાલ્‍ડ ટ્રમ્‍પ આગામી સપ્‍ટેમ્‍બર મહિનામાં પાકિસ્‍તાનની મુલાકાત લઈ શકે છે. આ દાવો પાકિસ્‍તાની મીડિયામાં કરવામાં આવ્‍યો છે. પાકિસ્‍તાનના સમા ટીવીએ રાજદ્વારી સૂત્રોને ટાંકીને અહેવાલ આપ્‍યો છે કે ટ્રમ્‍પ ૧૮ સપ્‍ટેમ્‍બરે પાકિસ્‍તાનની મુલાકાત લેવાની યોજના ધરાવે છે. આ સમય દરમિયાન તેઓ ભારતની પણ મુલાકાત લઈ શકે છે. ભારત સપ્‍ટેમ્‍બરમાં ક્‍વાડ નેતાઓની સમિટનું આયોજન કરવાનું છે, જે દરમિયાન ટ્રમ્‍પ નવી દિલ્‍હીની મુલાકાત લે તેવી શકયતા છે.