તા. ૭ સપ્ટેમ્બર ર૦ર૫ વિક્રમ સંવત ર૦૮૧ ભાદરવો સુદ – ૧૫ રવિવાર
પાકિસ્તાનમાં ફરી પૂર-વરસાદથી ૧૧૬ના મોત
સૌથી વધુ અસરગ્રસ્ત વિસ્તાર પૂર્વ પંજાબ
ઇસ્લામાબાદ, તા.૧૭: પાકિસ્તાનમાં ૨૬ જૂનથી સતત પડી રહેલા મુશળધાર વરસાદ અને અચાનક આવેલા પૂરે ભારે તબાહી મચાવી છે. આ પૂર અને વરસાદને કારણે પાકિસ્તાનના વિવિધ વિસ્તારોમાં અત્યાર સુધીમાં ઓછામાં ઓછા ૧૧૬ લોકોના મોત થયા છે. આ સમયગાળા દરમિયાન, ૨૫૩ લોકો ઘાયલ થયા હતા. પાકિસ્તાનની રાષ્ટ્રીય આપત્તિ વ્યવસ્થાપન સત્તામંડળ એ મંગળવારે આ માહિતી આપી હતી. NDMA ના તાજેતરના અહેવાલ મુજબ, છેલ્લા ૨૪ કલાક દરમિયાન વરસાદ સંબંધિત ઘટનાઓમાં વધુ પાંચ લોકોના મોત થયા છે જ્યારે ૪૧ લોકો ઘાયલ થયા છે.
પાકિસ્તાનમાં સૌથી વધુ મળત્યુ પૂર્વી પંજાબ પ્રાંતમાં નોંધાયા હતા, જ્યાં ૪૪ લોકો મળત્યુ પામ્યા હતા. આ પછી, ઉત્તરપﾍમિ ખૈબર પખ્તુનખ્વામાં ૩૭, દક્ષિણ સિંધમાં ૧૮ અને દક્ષિણપﾍમિ બલુચિસ્તાન પ્રાંતમાં ૧૬ લોકોના મોત થયા. પાકિસ્તાનના કબજા હેઠળના કાશ્મીરમાં એક વ્યક્તિનું મોત અને પાંચ ઘાયલ થયાના અહેવાલ છે, જ્યારે ગિલગિટ-બાલ્ટિસ્તાન અને ઇસ્લામાબાદ રાજધાની પ્રદેશમાં કોઈ જાનહાનિ થઈ નથી.
સતત બગડતી હવામાન પરિસ્થિતિઓને ધ્યાનમાં રાખીને, NDMA એ હવામાન ચેતવણી જારી કરી છે, જેમાં પંજાબ, ખૈબર પખ્તુનખ્વા અને બલુચિસ્તાનના કેટલાક ભાગોમાં વધુ ભારે વરસાદ અને સંભવિત પૂરની આગાહી કરવામાં આવી છે. આ વરસાદ ગુરુવાર સુધી ચાલુ રહેવાની શકયતા છે.
(4:17 PM IST)
છેલ્લા 8 દિવસમાં સૌથી લોકપ્રિય 
