નવી દિલ્‍હી, તા.૧૮: આરજેડીના વડા અને બિહારના ભૂતપૂર્વ મુખ્‍યમંત્રી લાલુ પ્રસાદ યાદવને સુપ્રીમ કોર્ટમાંથી રાહત મળી નથી. સુપ્રીમ કોર્ટે નોકરી માટે જમીન કૌભાંડમાં નોંધાયેલ એફઆઈઆર રદ કરવાની અને ટ્રાયલ રોકવાની તેમની માંગણી ફગાવી દીધી છે. સુપ્રીમ કોર્ટે કહ્યું કે, તે હાલમાં હાઈકોર્ટમાં પેન્‍ડિંગ આ કેસમાં દખલ કરશે નહીં. કોર્ટે સ્‍પષ્ટ કર્યું કે, ટ્રાયલની કાર્યવાહી પર કોઈ સ્‍ટે આપવામાં આવશે નહીં અને ટ્રાયલ ચાલુ રહેશે.

જોકે, કોર્ટે નિર્દેશ આપ્‍યો હતો કે હાઈકોર્ટ આ કેસની ઝડપથી સુનાવણી કરે. આ ઉપરાંત કોર્ટે એમ પણ કહ્યું કે, લાલુ યાદવની ઉંમર અને તેમની જાહેર સ્‍થિતિને ધ્‍યાનમાં રાખીને તેમને ટ્રાયલ દરમિયાન વ્‍યક્‍તિગત રીતે કોર્ટમાં હાજર રહેવાની જરૂર રહેશે નહીં.

સુનાવણી દરમિયાન વરિષ્ઠ વકીલ કપિલ સિબ્‍બલે કહ્યું કે, આ ખૂબ જ ચોંકાવનારો કેસ છે. લાલુ યાદવ ૨૦૦૨થી મંત્રી છે, પરંતુ સીબીઆઈએ ૨૦૧૪માં તપાસ શરૂ કરી હતી અને અત્‍યાર સુધી તેમના વિરુદ્ધ કાર્યવાહી માટે મંજૂરી લેવામાં આવી નથી, જ્‍યારે બાકીના બધા માટે મંજૂરી મળી ગઈ છે. આના પર કોર્ટે કહ્યું કે, આ મામલો હાઈકોર્ટમાં નક્કી થવો જોઈએ અને સર્વોચ્‍ચ અદાલત તેમાં દખલ કરવા માંગતી નથી. આ નિર્ણય પછી ઁજમીન માટે નોકરીઁ કૌભાંડમાં લાલુ યાદવ સામેની ટ્રાયલ કાર્યવાહી હવે કોઈપણ અવરોધ વિના આગળ વધશે.(૨૩.૧૮)