જયપુર તા.૧૯: IPL ૨૦૨૫ ૨૨ માર્ચથી ૩ જૂન દરમિયાન ૧૩ શહેરોમાં ૭૪ મેચો સાથે ક્રિકેટને ઉત્‍સવમાં ફેરવી દેશે. આનાથી પર્યટન અને સ્‍થાનિક અર્થતંત્રને પણ અભૂતપૂર્વ વેગ મળ્‍યો. જયપુર, મુંબઈ, અમદાવાદ, બેંગલુરુ, ચેન્નાઈ, લખનૌ, ધર્મશાલા જેવા શહેરોમાં હોટલ, રેસ્‍ટોરન્‍ટ અને સ્‍થાનિક વ્‍યવસાયોમાં ૨૦-૩૦ ટકાનો વધારો જોવા મળ્‍યો. EaseMyTrip અને Skyscammer ના અહેવાલો અનુસાર, ફલાઇટ અને ટ્રેન બુકિગમાં ૬૦-૬૫ ટકાનો વધારો થયો છે, જ્‍યારે હોટેલ ઓક્‍યુપન્‍સી ૮૦-૯૦ ટકા સુધી પહોંચી ગઈ છે. સમગ્ર સીઝન દરમિયાન ૧.૨ લાખ હંગામી અને કાયમી નોકરીઓનું સર્જન થયું.

રાજસ્‍થાન રોયલ્‍સની જયપુરમાં ૭ મેચો (૫ સવાઈ માનસિહ સ્‍ટેડિયમ, ૨ ગુવાહાટી) થી ૨૦૦ કરોડ રૂપિયાનું ટર્નઓવર થયું, જે ૨૦૨૪ કરતા ૨૦ ટકા વધુ છે. વૈશાલી નગર, સી-સ્‍કીમ અને ટોંક રોડ પર પ્રીમિયમ હોટલોમાં ઓક્‍યુપન્‍સી ૮૫% રહી. રૂમના ભાડા ૮,૦૦૦ રૂપિયા સુધી પહોંચી ગયા.

બાપુ બજાર અને જોહરી બજારમાં હસ્‍તકલા અને મસાલાના વેચાણમાં ૧૮%નો વધારો થયો. ટેક્‍સી અને કેબ સેવાઓની માંગમાં ૩૫%નો વધારો થયો. સ્‍થાનિક ડ્રાઇવરોની આવકમાં ૧૫%નો વધારો થયો. જયપુરમાં પ્રવાસીઓની સંખ્‍યા ૧૨.૫ લાખ (૨૦૨૪) થી વધીને ૧૪ લાખ થઈ ગઈ.

ખાસ ક્રિકેટ થાળીઃ જયપુરમાં રાજસ્‍થાની રેસ્‍ટોરન્‍ટ ચલાવતી મમતા અગ્રવાલે ત્‍ભ્‍ન્‍ ચાહકો માટે ખાસ ક્રિકેટ થાળી રજૂ કરી. તેને જબરદસ્‍ત પ્રતિસાદ મળ્‍યો. તેમના રેસ્‍ટોરન્‍ટનો ટર્નઓવર ૧૫ લાખ રૂપિયા હતો. આ ગયા વર્ષ કરતાં ૪૦%વધુ છે.

હોટેલમાં ઓક્‍યુપન્‍સી ૮૦-૯૦% સુધી પહોંચી

ફલાઇટ અને ટ્રેન બુકિગમાં ૬૦-૬૫%નો વધારો.

ટેક્‍સી-કેબ સેવાઓની માંગમાં ૩૫%નો વધારો થયો.

હસ્‍તકલા અને ખાદ્ય પદાર્થોના સ્‍ટોલ્‍સના વેચાણમાં ૨૦%નો વધારો થયો.(૩૮.૭)