નવી દિલ્હી 22 જુલાઈ 2025: તાજેતરમાં અમદાવાદમાં થયેલા ભયાનક વિમાન દુર્ઘટના (Boeing 787 Dreamliner crash) બાદ એર ઇન્ડિયા સતત રડાર પર છે! આ દુર્ઘટનામાં 260 લોકોના કરૂણ મોત થયા હતા, અને ત્યારથી એરલાઇનની સુરક્ષા વ્યવસ્થા પર પ્રશ્નાર્થ ઊભા થયા છે.

આ મામલે સનસનાટીપૂર્ણ ખુલાસો થયો છે! કેન્દ્રીય નાગરિક ઉડ્ડયન રાજ્યમંત્રી મુરલીધર મોહલે સોમવારે સંસદમાં જણાવ્યું કે એર ઇન્ડિયાને છેલ્લા છ મહિનામાં સુરક્ષા નિયમોના ભંગ બદલ કુલ નવ 'શો કોઝ' નોટિસ પાઠવવામાં આવી છે. જોકે, તેમણે આ પાંચ સુરક્ષા ઉલ્લંઘનોની વિગતવાર માહિતી આપી નથી.

મંત્રીશ્રીએ એમ પણ ઉમેર્યું કે, "એક ઉલ્લંઘન સંબંધિત અમલીકરણ કાર્યવાહી પૂર્ણ થઈ ગઈ છે."

આ ઘટનાક્રમ દર્શાવે છે કે અમદાવાદ દુર્ઘટના બાદ સરકાર અને નિયમનકારી સંસ્થાઓ એર ઇન્ડિયાની સુરક્ષા વ્યવસ્થાને લઈને કેટલી ગંભીર છે. શું આ નોટિસો એરલાઇનને તેની સુરક્ષા પ્રણાલીઓને વધુ મજબૂત કરવા દબાણ કરશે? અને શું આ દુર્ઘટનાઓ પછી મુસાફરોનો વિશ્વાસ પાછો મેળવી શકાશે? આ સવાલો હાલ ચર્ચાના કેન્દ્રમાં છે.