નવી દિલ્‍હી,તા.૨૮: ફિલ્‍મોના ગેરકાયદે પ્રસારણ અને પાયરસી રોકવા માટે સરકારે કાયદામાં સુધારો કર્યો છે. સુધારેલાં કાયદા અનુસાર, ફિલ્‍મોના ગેરકાયદે રેકોર્ડિગ અને તેનું પ્રસારણ કરવાની પ્રવૃત્તિમાં સંડોવાયેલા લોકોને ફિલ્‍મના પ્રોડક્‍શન ખર્ચના પાંટ ટકા સુધીનો દંડ તથા ત્રણ વર્ષ સુધીની જેલની સજા થશે.સરકારે ફિલ્‍મોની પાયરસી રોકવા માટે સિનેમાટોગ્રાફ એક્‍ટમાં સુધારો કર્યો છે. આ અંગે માહિતી આપતાં કેન્‍દ્રના માહિતી અને પ્રસારણ મંત્રાલયના રાજ્‍ય કક્ષાના મંત્રી એલ. મુરુગને જણાવ્‍યું હતું કે, ફિલ્‍મોના ગેરકાયદે રેકોર્ડિગ કે પાયરસીમાં સંડોવાયેલા લોકોને ઓછામાં ઓછી ત્રણ મહિનાની સજા અને રૂ. ત્રણ લાખનો દંડ કરાશે. જે વધારીને ત્રણ વર્ષની જેલ અને ફિલ્‍મના કુલ પ્રોડક્‍શન ખર્ચના પાંચ ટકા સુધી થઈ શકે છે. (૪૦.૭)