EDના દરોડા વચ્ચે અનિલ અંબાણીને મળ્યો બિગ બીનો સપોર્ટ, તરફેણમાં કર્યું ટ્વિટ
મુંબઈ,તા.૨૮: બોલિવૂડના દિગ્ગજ અભિનેતા બિગ બી અમિતાભ બચ્ચને રિલાયન્સ ગ્રુપના ચેરમેન અનિલ અંબાણીને સોશિયલ મીડિયા પર ટેકો આપ્યો છે. બિગ બીએ આ એવા સમયે કર્યું જ્યારે એન્ફોર્સમેન્ટ ડિરેક્ટોરેટ (ઈડી) એ મની લોન્ડરિગ તપાસના ભાગ રૂપે અનિલ અંબાણી સાથે જોડાયેલી મિલકતો અને સંસ્થાઓ પર દરોડા પાડ્યા હતા. અભિનેતાએ આડકતરી રીતે દરોડાઓ પર પણ સવાલ ઉઠાવ્યા હતા, કારણ કે તેમણે ‘ઇડીના દરોડાનો વિચિત્ર સમય‘ એવા શીર્ષકવાળી એક રિપોર્ટ શેર કરી હતી. બિગ બીએ રવિવારે બપોરે પોતાના એક્સ હેન્ડલ પર સમાચાર અહેવાલની લિક, “#anilambani #reliance” હેશટેગ્સ સાથે મૂકી દીધી
બિગ બી અને અનિલ અંબાણી વચ્ચે ઘણા લાંબા સમયથી મિત્રતા રહી છે, અને ઘણીવાર મુશ્કેલીના સમયે એકબીજાને મદદ કરવા માટે આગળ આવ્યા છે. જૂનમાં, રિલાયન્સ પાવર અને રિલાયન્સ ઇન્ફ્રાસ્ટ્રક્ચરે પુનઃપ્રાપ્તિના સંકેતો દર્શાવ્યા પછી બિગ બીએ અંબાણીને અભિનંદન આપ્યા હતા. દ્રઢતા અને સખત મહેનત માટે કોઈ અવરોધો હોઈ શકે નહીં, બિગ બીએ ઇન્સ્ટાગ્રામ પોસ્ટમાં અંબાણીનું સ્વાગત કરતા લખ્યું હતું.
નોંધનીય છે કે, અનિલ અંબાણીએ ૯૦ ના દાયકામાં બિગ બીને ટેકો આપ્યો હતો, જ્યારે તેમની પ્રોડક્શન કંપની, ABCorp લિમિટેડની નિષ્ફળતા પછી તેઓ નાદાર થઈ ગયા હતા. એટલું જ નહીં, અંબાણીની પત્ની, ભૂતપૂર્વ અભિનેત્રી ટીના અંબાણી પણ બિગ બીની ખૂબ નજીક છે, અને તેમણે ૧૯૮૩ ની ફિલ્મ ‘પુકાર' માં તેમની સાથે કામ કર્યું હતું. માત્ર એટલું જ નહીં, બચ્ચન પરિવારે ઐશ્વર્યા રાય બચ્ચનને લગતી કટોકટીની પરિસ્થિતિ માટે અનિલ અંબાણીના ખાનગી જેટનો ઉપયોગ પણ કર્યો હોવાના અહેવાલ છે.(૪૦.૬)
(10:07 AM IST)
છેલ્લા 8 દિવસમાં સૌથી લોકપ્રિય 
