પુણેના રસ્તાઓ પર ‘સૈયારા' સ્ટાઈલ પ્રેમઃ પ્રેમિકા બાઈકની ટાંકી પર બેઠી, બોયફ્રેન્ડ સાથે કરવા લાગી અભદ્ર હરકતો!
પ્રેમીપંખીડાએ રસ્તા પર અશ્લીલતાની હદ પાર કરી!
પુણે, તા.૨૯: મહારાષ્ટ્રના પુણેનો એક ચોંકાવનારો વીડિયો સોશિયલ મીડિયા પર વાયરલ થઈ રહ્યો છે, જેમાં એક પ્રેમી યુગલ બાઇક પર ખતરનાક સ્ટંટ કરતા જોવા મળે છે. આ વીડિયો પુણેના શિંદેવાડી વિસ્તારમાં ખેડ-શિવપુર રોડ પર રેકોર્ડ કરવામાં આવ્યો હોવાનું કહેવાય છે. વીડિયોમાં સ્પષ્ટપણે જોઈ શકાય છે કે એક યુવતી બાઇકની પેટ્રોલ ટાંકી પર ઊંધી બેઠી છે, જ્યારે યુવક બાઇક ચલાવી રહ્યો છે.
આ સમય દરમિયાન, બંનેએ ન તો ટ્રાફિક નિયમોની પરવા કરી કે ન તો કોઈ જાહેર શિષ્ટાચારની. એવું કહેવામાં આવી રહ્યું છે કે નજીકના લોકોએ આ દ્રશ્ય પોતાના મોબાઈલ ફોનમાં રેકોર્ડ કર્યું અને તેને સોશિયલ મીડિયા પર શેર કર્યું, જેના પછી આ વીડિયો ચર્ચાનો વિષય બન્યો. હવે, કેટલાક લોકો તેને અતિશય પ્રેમ કહી રહ્યા છે. જોકે, કેટલાક લોકો એવા પણ છે જેમણે તેને અશ્લીલ અને અત્યંત જોખમી ડ્રાઇવિંગ ગણાવ્યું છે.
બાઈક પર રોમાન્સનો ટ્રેન્ડ હાલ ખૂબ જ લોકપ્રિય છે. રોજબરોજ સોશિયલ મીડિયા પર આવા વીડિયો ખૂબ જ વાયરલ થાય છે. હાલમાં એવો જ એક વીડિયો ફરીથી સામે આવ્યો છે, જેમાં એક યુવક પોતાની પ્રેમિકાને બાઈકની ટાંકી પર બેસાડીને તેની સાથે રોમાન્સ કરતો દેખાયો. આ ઘટના પૂણેના સાતારાથી શિંદે વાડી કાત્રજ ટનલ વચ્ચેની છે, જેને એક બાઈક સવારે રેકોર્ડ કર્યો. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયો જોઈને લોકો આ કપલ પર સમાજમાં અશ્લીલતા ફેલાવવાનો આરોપ લગાવી રહ્યા છે અને તેમની સામે કાર્યવાહી કરવાની માંગ કરી રહ્યા છે.
વાયરલ વીડિયોમાં દેખાઈ રહ્યું છે કે એક યુવક મોટરસાયકલ ચલાવી રહ્યો છે, જ્યારે તેની પ્રેમિકા બાઈકની ટાંકી પર સૂઈ ગઈ છે. બંને હેલ્મેટ વગર દેખાઈ રહ્યા છે. યુવક ઝડપથી બાઈક ચલાવતો દેખાઈ રહ્યો છે, જે માત્ર ટ્રાફિક નિયમોનો ભંગ નથી, પરંતુ તેની અને બીજા લોકોની જિંદગી માટે પણ જોખમ છે. વીડિયોમાં યુવતી બાઈકની ટાંકી પર સૂઈને કયારેક પોતાના પ્રેમીને ગળે લગાવી રહી છે તો કયારેક તેને કિસ કરી રહી છે. વીડિયોમાં બંનેની અશ્લીલ હરકતો સાફ રીતે દેખાઈ રહી છે. વીડિયો વાયરલ થયા પછી પૂણે પોલીસે આ મામલાની તપાસ શરૂ કરી છે. જોકે, હજુ સુધી કોઈ ઠોસ કાર્યવાહી અથવા ધરપકડની ખબર સામે આવી નથી. સોશિયલ મીડિયા પર લોકો પોલીસથી કડક કાર્યવાહી કરવાની માંગ કરી રહ્યા છે જેથી ભવિષ્યમાં આવી ઘટનાઓને રોકી શકાય.
સોશિયલ મીડિયા પર આ વીડિયો લગભગ તમામ પ્લેટફોર્મ્સ પર વાયરલ થઈ રહ્યો છે. આ વીડિયોને લઈને લોકોમાં ભારે ગુસ્સો પણ જોવા મળી રહ્યો છે. વીડિયોને લઈને એક યુઝરે કોમેન્ટ કરી અને લખ્યું, સોશિયલ મીડિયા રીલ્સનું જુનૂન લોકોને જીવ જોખમમાં મૂકવા માટે મજબૂર કરી રહ્યું છે. એક યુઝરે રોડ સુરક્ષાને લઈને ચિંતા વ્યક્ત કરી. લોકોનું કહેવું છે કે આવી હરકતો માત્ર વ્યક્તિગત સુરક્ષાને જોખમમાં મૂકે છે, પરંતુ સમાજમાં ખોટો સંદેશ પણ આપે છે. (
(10:29 AM IST)
છેલ્લા 8 દિવસમાં સૌથી લોકપ્રિય 
