નવી દિલ્‍હી તા.૨૯: લોકસભામાં ઓપરેશન સિદૂર પર ચર્ચા થઈ રહી છે. તેમાં ભાગ લેતા વિદેશ મંત્રી એસ જયશંકરે વિગતવાર માહિતી આપી. તેમણે કહ્યું કે આતંકવાદ સામે અમારી શૂન્‍ય સહિષ્‍ણુતા નીતિ છે. અમે યુએનએસસીમાં અમારો મુદ્દો રજૂ કર્યો. દુનિયાને કહ્યું કે આતંકવાદ પર અમારી શૂન્‍ય સહિષ્‍ણુતા નીતિ છે. યુએનએસસીએ ભારતનો પક્ષ સ્‍વીકાર્યો. વિદેશ મંત્રાલયનું કામ પાકિસ્‍તાનના કાવતરાનો પર્દાફાશ કરવાનું હતું. અમારે ખૂબ જ કડક પગલાં લેવા પડ્‍યા. પહેલગામ આતંકવાદી હુમલા પછી અમે કડક પગલાં લીધાં. અમે પાકિસ્‍તાનને દુનિયા સમક્ષ ખુલ્‍લું પાડ્‍યું. આ દરમિયાન, તેમણે યુએસ રાષ્ટ્રપતિ ડોનાલ્‍ડ ટ્રમ્‍પના યુદ્ધવિરામના દાવાને પણ નકારી કાઢ્‍યો.

ગૃહમાં બોલતા, વિદેશ મંત્રી એસ જયશંકરે કહ્યું કે, પહેલગામ હુમલા પછી સ્‍પષ્ટ, મજબૂત અને મક્કમ સંદેશ મોકલવો જરૂરી હતો. અમારે સ્‍પષ્ટ કરવું પડ્‍યું કે આના ગંભીર પરિણામો આવશે.