છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ટ્રમ્પ ટેરિફથી ભારતને ઓછુ અમેરિકાને વધુ નુકસાન
ટ્રમ્પે પોતાના પગ ઉપર કુહાડો માર્યો : અમેરિકામાં મોંઘવારીનો રાક્ષસ ઘુણશેઃ જોબ-ગ્રોથને લાગશે લપડાક
નવી દિલ્હી, તા.૩૧: અમેરિકાના રાષ્ટ્રપતિ ડોનાલ્ડ ટ્રમ્પ પોતાની જીદમાં એટલા આંધળા થઈ ગયા છે કે તેઓ સાચા અને ખોટા વચ્ચે ભેદ કરી શકતા નથી. ભારત પર ટેરિફ લાદતી વખતે, તેઓ ભૂલી ગયા કે તેની મોટાભાગે અમેરિકન નાગરિકો પર અસર થશે. કમાણી ઘટશે, ફુગાવો વધશે અને પહેલાથી જ તણાવગ્રસ્ત યુએસ અર્થતંત્ર વધુ ધીમું પડી શકે છે. આ દાવો બીજા કોઈ નહીં પણ અમેરિકાની યેલ યુનિવર્સિટી દ્વારા જ કરવામાં આવી રહ્યો છે. યુનિવર્સિટીએ ચેતવણી આપી છે કે ટ્રમ્પ દ્વારા ભારત અને દક્ષિણ કોરિયા જેવા દેશો પર ટેરિફ લાદવાથી અમેરિકન નાગરિકોને સૌથી વધુ નુકસાન થશે. આના કારણે અમેરિકાનો GDP પણ ધીમો પડી શકે છે.
યેલે પોતાના રિપોર્ટમાં કહ્યું છે કે ભારત પર ૨૫ ટકા ટેરિફ લાદવા ઉપરાંત, ટ્રમ્પે રશિયા પાસેથી તેલ, ગેસ અને શષાો ખરીદવા પર દંડની પણ જાહેરાત કરી છે. આ નિર્ણયથી દરેક અમેરિકન નાગરિકની ઘરની આવકમાં $૨,૪૦૦ (રૂ.૨.૧૦ લાખ)નો ઘટાડો થશે અને તેમને નુકસાન સહન કરવું પડશે. આ નુકસાન તેમની રોજિંદી જરૂરિયાતની ચીજવસ્તુઓના ભાવમાં વધારાને કારણે થશે. આ ટેરિફ અમેરિકામાં ફુગાવામાં સીધો વધારો કરશે. એવી પણ પ્રબળ શકયતા છે કે જો યુએસ ફેડરલ રિઝર્વ ફુગાવાને નિયંત્રિત કરવાનો પ્રયાસ નહીં કરે તો સામાન્ય માણસ પર સીધી અસર પડશે.
યેલે તેના અહેવાલમાં કહ્યું છે કે ૧૯૩૦ થી, અમેરિકાના ઇતિહાસમાં સરેરાશ ટેરિફ ફક્ત ૧૮.૪ ટકા રહ્યો છે અને લગભગ ૯૫ વર્ષમાં પહેલી વાર આટલો ઊંચો ટેરિફ લાદવામાં આવ્યો છે. ટ્રમ્પના આ વેપાર યુદ્ધની અસર ઓછી આવક ધરાવતા જૂથથી લઈને ઉચ્ચ આવક ધરાવતા જૂથના લોકો પર પડશે. ઓછી આવક ધરાવતા અમેરિકન નાગરિકોને સરેરાશ $૧,૩૦૦ (રૂ.૧.૨૦ લાખ) નું નુકસાન થશે, જ્યારે ઉચ્ચ આવક ધરાવતા નાગરિકોને સરેરાશ ઼૫,૦૦૦ (લગભગ રૂ.૪.૫ લાખ) નું નુકસાન થઈ શકે છે.
ટેરિફ વોરને કારણે અમેરિકામાં ઘણી પ્રોડક્ટ્સના ભાવ વધશે. જૂતા અને હેન્ડબેગ જેવા ચામડાના ઉત્પાદનોના ભાવમાં ૪૦ ટકાનો વધારો થશે, જ્યારે કપડાં ૩૮ ટકા મોંઘા થશે. અન્ય કાપડના ભાવમાં પણ ૧૯ ટકાનો વધારો થઈ શકે છે. ખાદ્ય ચીજવસ્તુઓના ભાવમાં ૩.૪%નો વધારો થઈ શકે છે અને ઉત્પાદિત વસ્તુઓ ૭% મોંઘી થઈ શકે છે. કાર ખરીદનારાઓએ ૧૨.૩ ટકા વધુ અથવા લગભગ $ ૫,૯૦૦ ચૂકવવા પડશે. આનો અર્થ એ થયો કે કારની કિંમતમાં લગભગ ૫ લાખ રૂપિયાનો વધારો થશે.
યેલ યુનિવર્સિટીના અહેવાલમાં જણાવાયું છે કે વધતી જતી ફુગાવાની અમેરિકન અર્થતંત્ર પર વ્યાપક અસર થવાની શકયતા છે. ટેરિફ યુદ્ધના કારણે ચાલુ નાણાકીય વર્ષમાં જ અમેરિકામાં ૫ લાખથી વધુ નોકરીઓ ગુમાવી શકે છે, જ્યારે અમેરિકાનો GDP વળદ્ધિ દર ૦.૫ ટકા ઘટયો હોત. બેરોજગારી દરમાં પણ ૦.૩૦ ટકાનો વધારો થશે. સ્વાભાવિક છે કે, આ ટેરિફ યુદ્ધનો માર અમેરિકનોને ભોગવવો પડશે.
રિપોર્ટમાં એમ પણ કહેવામાં આવ્યું છે કે અમેરિકાના આ ટેરિફને કારણે, ૨૦૨૫ માં જ યુએસ ટ્રેઝરીને ૧૬૭.૭ બિલિયન ડોલર (લગભગ ૧૫ લાખ કરોડ રૂપિયા) નો ફાયદો થશે, પરંતુ દરેક અમેરિકન નાગરિકને ૧,૩૦૦ ડોલર (૧.૨૦ લાખ રૂપિયા) નો વધારાનો કર બોજ પણ સહન કરવો પડશે. યેલ કહે છે કે ટેરિફ પાછળ ટ્રમ્પનો હેતુ અમેરિકાની વેપાર ખાધ ઘટાડવાનો છે, પરંતુ તેનાથી વિપરીત થશે અને આયાત વધવાને કારણે આ અંતર વધી શકે છે. આ ટેરિફને કારણે ભારતને નુકસાન થશે તે અલગ વાત છે, પરંતુ અમેરિકનોને તેનાથી વધુ અસર થશે. (રર.૨૬)
(2:55 PM IST)
