<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Saturday, 2nd August 2025

તો તમારી ધરપકડ કરવામાં આવશે: રાજઠાકરેના પડકાર સામે દેવેન્દ્ર ફડણવીસે આપ્યો વળતો જવાબ

રાજ ઠાકરેએ જનસુરક્ષા કાયદા પર કટાક્ષ કર્યો હતો. હવે, જો તે કાયદો બનશે તો શું થશે, અમારી શહેરી નક્સલી તરીકે ધરપકડ કરવામાં આવશે, પરંતુ અમારી ધરપકડ કરીને બતાવો

મુંબઈ: મનસે પ્રમુખ રાજ ઠાકરેએ રાયગઢમાં પોતાના ભાષણમાં શેકાપના નેતા જયંત પાટીલની પ્રશંસા કરી હતી અને અહીં ખેડૂતો અને કામદારોને મૂલ્યવાન સલાહ આપી હતી. તેમણે એમ પણ કહ્યું હતું કે અહીં ઉદ્યોગો સ્થાપવા માટે ખેડૂતોની જમીનો છીનવી લેવામાં આવી રહી છે અને પરપ્રાંતી કામદારોને નોકરીઓ આપવામાં આવી રહી છે.

આ દરમિયાન, સરકારની નીતિની ટીકા કરતા, રાજ ઠાકરેએ જનસુરક્ષા કાયદા પર પણ કટાક્ષ કર્યો હતો. હવે, જો તે કાયદો બનશે તો શું થશે, અમારી શહેરી નક્સલી તરીકે ધરપકડ કરવામાં આવશે, પરંતુ અમારી ધરપકડ કરીને બતાવો, એવો પડકાર રાજ ઠાકરેએ ફેંક્યો હતો. એના પર જવાબ આપતાં મુખ્ય પ્રધાન દેવેન્દ્ર ફડણવીસે કહ્યું હતું કે જો તમે શહેરી નક્સલ જેવું વર્તન કરશો, તો તમારી ધરપકડ કરવામાં આવશે.

મુખ્ય પ્રધાનને રાજ ઠાકરે દ્વારા જનસુરક્ષા કાયદાની ટીકા અંગે સવાલ પૂછવામાં આવ્યો હતો. શું તમે કાર્યકરોની ધરપકડ કરી શકશો? એમ રાજ ઠાકરેએ પુછ્યું હતું. આનો જવાબ મુખ્ય પ્રધાને આપ્યો.

‘આ કાયદો તમારા જેવા લોકો માટે બનાવવામાં આવ્યો નહોતો, પરંતુ જો તમે શહેરી નક્સલ જેવું વર્તન કરશો, તો તમારી ધરપકડ કરવામાં આવશે અને જો તમે શહેરી નક્સલ જેવું વર્તન નહીં કરો તો તમારી ધરપકડ કરવાનું કોઈ કારણ નથી,’ એમ દેવેન્દ્ર ફડણવીસે રાજ ઠાકરેની ટીકાનો જવાબ આપતા સ્પષ્ટ કર્યું હતું.

આ ઉપરાંત, આ કાયદાના રાજ્યના વિરુદ્ધ હોય તેવા લોકો માટે કાયદો છે, આ કાયદો પ્રદર્શનકારીઓ વિરુદ્ધ નથી. સરકાર વિરુદ્ધ બોલવાનો અધિકાર છે, તેથી મને લાગે છે કે કાયદો વાંચ્યા વિના ટિપ્પણીઓ કરવામાં આવે છે, એમ પણ ફડણવીસે રાજ ઠાકરેની ટીકા કરતાં કહ્યું હતું.

મરાઠી ભાષાના સંદર્ભમાં બોલતા ફડણવીસે કહ્યું હતું કે મારો મક્કમ મત છે કે મહારાષ્ટ્રમાં મરાઠી શીખવી જોઈએ. તે ફરજિયાત હોવી જોઈએ, અમે તેને ફરજિયાત બનાવી દીધી છે. પરંતુ, જો મહારાષ્ટ્રમાં મરાઠી બાળકોને મરાઠીની સાથે બીજી ભારતીય ભાષા શીખવા મળે તો તેમાં શું ખોટું છે?

રાજ ઠાકરેની મરાઠી ભાષાના મુદ્દે કરવામાં આવેલી ટીકા પર પણ વળતો પ્રહાર કરતાં તેમણે કહ્યું હતું કે તેઓ ભારતીય ભાષાઓનો વિરોધ કરવાની અને અંગ્રેજી ભાષાઓના જૂતા પહેરવાની માનસિકતાની વિરુદ્ધ છે.

રાજ ઠાકરેએ કહ્યું હતું કે, રાજ્ય સરકારે બધી જમીનો પર કાયદો લાવ્યો છે અને આ વિશે શું કહેવું. તમે કોણ છો, તમે શહેરી નક્સલ છો. શહેરોમાં રહેતા નક્સલવાદી. જો તમે કોઈ પણ વસ્તુ, કોઈપણ પ્રોજેક્ટનો વિરોધ કરો છો, તો સરકાર તમારી ધરપકડ કરી શકે છે એમ જણાવતાં રાજ ઠાકરેએ સરકારને જનસુરક્ષા કાયદા વિશે ચેતવણી આપી હતી.

ઉપરાંત, મહારાષ્ટ્રમાં મરાઠી લોકોની કબરો પર ઉદ્યોગોને ઊભા રહેવા દેવામાં આવશે નહીં એમ જણાવતાં તેમણે કહ્યું હતું કે જો ઉદ્યોગો અહીં લાવવાના હોય, તો તે ઉદ્યોગો મરાઠી લોકોના સન્માનને ધ્યાનમાં રાખીને અહીં લાવવા પડશે. નહીં તો, તમે તેમને લાવી શકશો નહીં. કોઈને ખબર નથી કે કોણ ક્યાંથી આવે છે અને શું કરે છે. આ આખા રાજ્યમાં કેવા પ્રકારની પ્રગતિ થઈ રહી છે

 

(10:24 PM IST)