સાચો ભારતીય કોણ છે? સુપ્રીમ કોર્ટ નક્કી નહીં કરેઃ પ્રિયંકા ગાંધી ભાઈ રાહુલના બચાવમાં ઉતરી
પ્રિયંકાએ ખોખારો ખાધોઃ મારો ભાઈ સેના વિરૂધ્ધ કયારેય ન બોલેઃ ખોટુ અર્થઘટન કરવામા આવ્યું
નવી દિલ્હી, તા.૫: કોંગ્રેસ સાંસદ પ્રિયંકા ગાંધીએ પોતાના ભાઈ અને વિપક્ષના નેતાનો બચાવ કરતા સ્પષ્ટ શબ્દોમાં કહ્યું છે કે સાચો ભારતીય કોણ છે? સુપ્રીમ કોર્ટ આ નક્કી કરી શકતી નથી. તેમણે કહ્યું કે રાહુલ ગાંધીનું કર્તવ્ય છે કે તેઓ સરકારને સવાલ ઉઠાવે કારણ કે તેઓ લોકસભામાં વિપક્ષના નેતા છે. પ્રિયંકા ગાંધીનું આ નિવેદન સુપ્રીમ કોર્ટની ટિપ્પણી બાદ આવ્યું છે, જેમાં કોર્ટે કહ્યું હતું કે કોઈ પણ સાચો ભારતીય આવી વાત કહી શકતો નથી.
કોંગ્રેસ નેતા પ્રિયંકા ગાંધીએ કહ્યું, માનનીય ન્યાયાધીશો પ્રત્યે સંપૂર્ણ આદર સાથે, હું કહેવા માંગુ છું કે તેઓ નક્કી કરી શકતા નથી કે કોણ સાચો ભારતીય છે? સરકારને સવાલ ઉઠાવવાની વિપક્ષના નેતાની ફરજ છે. મારો ભાઈ કયારેય સેના વિરુદ્ધ નહીં બોલે, તેમને તેમના માટે ખૂબ માન છે. આનું ખોટું અર્થઘટન કરવામાં આવ્યું છે. સુપ્રીમ કોર્ટની ટિપ્પણી શું હતી?
તમને જણાવી દઈએ કે સોમવારે સુપ્રીમ કોર્ટે ભારત જોડો યાત્રા દરમિયાન ભારતીય સેના વિશે કથિત અપમાનજનક ટિપ્પણી કરવા બદલ કોંગ્રેસ નેતા રાહુલ ગાંધીની ટીકા કરી હતી અને કહ્યું હતું કે, જો તમે સાચા ભારતીય છો, તો તમે આવી વાત નહીં કહો. જોકે, સુપ્રીમ કોર્ટે આ કેસમાં લખનૌની કોર્ટમાં ગાંધી વિરુદ્ધ કાર્યવાહી પર રોક લગાવી દીધી હતી.
જસ્ટિસ દીપાંકર દત્તા અને જસ્ટિસ ઓગસ્ટિન જ્યોર્જ મસીહની બેન્ચે કહ્યું હતું કે, તમે વિપક્ષના નેતા છો. તમે સંસદમાં કેમ કંઈ નથી કહેતા, તમે સોશિયલ મીડિયા પર કેમ કહો છો? બેન્ચે પૂછયું હતું કે, તમને કેવી રીતે ખબર પડી કે ૨૦૦૦ ચોરસ કિલોમીટર જમીન પર ચીનીઓએ કબજો કરી લીધો છે? શું તમે ત્યાં હતા? શું તમારી પાસે કોઈ વિશ્વસનીય માહિતી છે? બેન્ચે પૂછયું હતું કે, તમે કોઈ પુરાવા વિના આ નિવેદનો કેમ આપી રહ્યા છો? જો તમે સાચા ભારતીય છો, તો તમે આવી વાત નહીં કહો. જો વિપક્ષી નેતાઓ મુદ્દાઓ ઉઠાવી શકતા નથી, તો તે એક દુર્ભાગ્યપૂર્ણ પરિસ્થિતિ હશે. ગાંધી તરફથી હાજર રહેલા વરિષ્ઠ વકીલ અભિષેક સિંઘવીએ કહ્યું હતું કે જો વિપક્ષી નેતાઓ મુદ્દાઓ ઉઠાવી શકતા નથી, તો તે એક દુર્ભાગ્યપૂર્ણ પરિસ્થિતિ હશે. તેમણે દલીલ કરી હતી કે, જો તેઓ પ્રેસમાં પ્રકાશિત થયેલી આ વાતો કહી શકતા નથી, તો તેઓ વિપક્ષના નેતા ન હોઈ શકે. બેન્ચની સાચા ભારતીય ટિપ્પણી પર, સિંઘવીએ કહ્યું, એવું પણ શકય છે કે કોઈ સાચો ભારતીય કહે કે આપણા ૨૦ ભારતીય સૈનિકોને માર મારવામાં આવ્યા હતા અને મારી નાખવામાં આવ્યા હતા. આ પણ ચિંતાનો વિષય છ. આના પર, સર્વોચ્ચ અદાલતે કહ્યું, જ્યારે સરહદ પાર સંઘર્ષ થાય છે, ત્યારે શું બંને બાજુ જાનહાનિ થવી અસામાન્ય છે? સિંઘવીએ કહ્યું કે ગાંધી ફક્ત યોગ્ય ખુલાસો અને માહિતી દબાવવા અંગે ચિંતા વ્યક્ત કરવાની વાત કરી રહ્યા હતા. આના પર, ન્યાયાધીશ દત્તાએ કહ્યું કે, વિપક્ષના જવાબદાર નેતા હોવાને કારણે, ગાંધીએ આવું ન કહેવું જોઈએ કારણ કે આવા પ્રશ્નો ઉઠાવવા માટે એક યોગ્ય મંચ છે. સિંઘવી સંમત થયા કે ગાંધી આ મામલે વધુ સારી ટિપ્પણી કરી શકયા હોત. તેમણે કહ્યું કે આ ફરિયાદ અરજદારને હેરાન કરવાનો -યાસ સિવાય બીજું કંઈ નથી. (રર.૧૭)
(4:07 PM IST)
છેલ્લા 8 દિવસમાં સૌથી લોકપ્રિય 
