નવી દિલ્‍હી તા.૮, જૂન ૨૦૨૫માં પૂરા થયેલા ક્‍વાર્ટરમાં નવા સિસ્‍ટમેટિક ઇન્‍વેસ્‍ટમેન્‍ટ પ્‍લાન (SIP) નોંધણીમાં મોટો વધારો થયો હતો. આ સમયગાળા દરમિયાન, ૧.૬૭ કરોડ નવા ખાતા ખોલવામાં આવ્‍યા હતા. એસોસિએશન ઓફ મ્‍યુચ્‍યુઅલ ફંડ્‍સ ઇન ઇન્‍ડિયા (AMFI) ના ડેટા અનુસાર, જાન્‍યુઆરી-માર્ચ ક્‍વાર્ટરમાં ૧.૪૧ કરોડ ખાતા ખોલવામાં આવ્‍યા હતા. ડિજિટલ પ્‍લેટફોર્મ ‘ગ્રો' એકલા  ૪૧.૯ લાખ નવા SIP ખાતા ઉમેરીને ૨૫ ટકા બજારહિસ્‍સા સાથે આગળ હતું. ફક્‍ત જૂન મહિનામાં જ, Groww પર ૧૫.૭ લાખ નવા ખાતા ખોલવામાં આવ્‍યા હતા, જે કોઈપણ વિતરક દ્વારા એક મહિનામાં સૌથી વધુ છે.

મૂલ્‍યની દ્રષ્ટિએ, આ ક્‍વાર્ટરમાં Groww પર રૂ. ૧,૧૧૬ કરોડના SIP નોંધણીઓ કરવામાં આવી હતી, જે પાછલા ક્‍વાર્ટર કરતા ૩૨ ટકા વધુ છે. એન્‍જલ વન ૧૫ લાખ નવા લ્‍ત્‍ભ્‍ ખાતાઓ સાથે બીજા ક્રમે રહ્યું. પરંપરાગત વિતરકોમાં, NJ India Invest એ ૫.૯ લાખ ખાતા, SBI એ ૪.૩ લાખ અને HDFC Securities એ ૩.૮ લાખ ખાતા ઉમેર્યા. PhonePe એ પણ ૫.૯ લાખ ખાતા ઉમેર્યા જેમાં નાના રોકાણકારોનું વર્ચસ્‍વ હતું. જૂન ક્‍વાર્ટરમાં ઇક્‍વિટી બજારમાં અસ્‍થિરતા હોવા છતાં, છૂટક રોકાણકારોનો વિશ્વાસ મજબૂત રહ્યો. જૂન ૨૦૨૫ માં કુલ SIP રોકાણ રૂ. ૨૭,૨૬૯ કરોડ સુધી પહોંચી ગયું.(૩પ-૪