તા. ૨૨ નવેમ્બર ર૦ર૬ વિક્રમ સંવત ર૦૮૩ કારતક સુદ – ૧૩ રવિવાર
News of Saturday, 9th August 2025
જુલાઈ ૨૦૨૪ પછી પ્રોપર્ટી વેચનારા NRIsને તગડો ટેક્સ ભરવાનો : ગણિત ખોરવાયા
બજેટમાં લોંગ ટર્મ કેપિટલ ગેઈન્સને લગતા ટેક્સ સ્ટ્રક્ચરમાં ફેરફાર કરાતા હવે NRIsને પ્રોપર્ટીમાં મળતા નફા પર તગડો ટેક્સ ચૂકવવો પડશે

નવી દિલ્હી, તા.૯: ગુજરાતમાં પ્રોપર્ટીમાં ઈન્વેસ્ટ કરનારા NRIsની સંખ્યા ઘણી મોટી છે પરંતુ છેલ્લા ઘણા સમયથી પ્રોપર્ટી માર્કેટ ડાઉન હોવાથી તેમાં રોકાણ કરનારા NRIs સહિતના ઈન્વેસ્ટર્સ ફસાયેલા છે. આટલું ઓછું હોય તેમ જુલાઈ ૨૩, ૨૦૨૪ પછી પ્રોપ્રટી વેચનારા NRIsને તગડો ટેક્સ પણ ભરવાનો આવતા સલામત રોકાણમાં સારી કમાણી કરનારા અનેક લોકોના ગણિત ખોરવાયા છે.
ગત બજેટમાં લોંગ ટર્મ કેપિટલ ગેઈન્સ એટલે કે LTCG ટેક્સ સ્ટ્રક્ચરમાં ફેરફાર કરવામાં આવ્યા હતા જેના લીધે છેલ્લા ૧૨ મહિનામાં પ્રોપર્ટીનું વેચાણ કરનારા ફય્ત્તને તગડો ટેક્સ ચૂકવવાનો આવી રહ્યો છે. નવા રિજિમ હેઠળ NRIsને LTCG પર ઈન્ડેક્શન વિના ફ્લેટ ૧૨.૫ ટકા ટેક્સ ભરવાનો આવે છે, મતલબ કે તેઓ પ્રોપર્ટી ખરીદી હોય તે કિંમતને ઈન્ફ્લેશન સાથે એડજસ્ટ નથી કરી શકતા. અગાઉ LTCG પર તમામ લોકો પાસેથી ફ્લેટ ૨૦ ટકા ટેક્સ લેવાતો હતો પરંતુ હવેઆ બેનિફિટ માત્ર રેસિડેન્ટ ઈન્ડિયન્સને જ અપાઈ રહ્યો છે.
આ મામલે અમદાવાદમાં પ્રેક્ટિસ કરતા ચાર્ટર્ડ અકાઉન્ટન્ટ કરીમ લાખાણીએ ટાઈમ્સ ઓફ ઈન્ડિયા સાથે વાત કરતા જણાવ્યું હતું કે મોટાભાગના ફય્ત્ને નવા નિયમની કોઈ જાણકારી જ નથી અને રિટર્ન ફાઈલ કરતી વખતે જેટલો ટેક્સ ભરવાનો આવે છે તેનો આંકડો જોઈને લોકો ચોંકી રહ્યા છે.
NRIs ઓરિજિનલ પરચેઝ પ્રાઈશ અને કોસ્ટ ઓફ ઈમ્પ્રુવમેન્ટ ઓફ પ્રોપ્રટીને જ સેલ અમાઉન્ટમાંથી બાદ કરી શકે છે અને બાકીની રકમ પર તેમણે ૧૨.૫ ટકા ફ્લેટ ટેક્સ ભરવો પડે છે, જેમાં હવે ઈન્ફ્લેશનનો દર પણ એડજસ્ટ નહીં થઈ શકે. તેના કારણે NRIની ટેક્સ લાએબિલિટી ઘણી જ વધી જાય છે.
ખાસ તો જે NRI વર્ષો જૂની પૈતળક સંપત્તિનું વેચાણ કરશે તેમને હવે સારો એવો ટેક્સ પે કરવો પડી શકે છે. જોકે, તેમના માટેનો TDS રેટ ૨૦ ટકાથી ઘટાડીને ૧૨.૫ ટકા કરવામાં આવ્યો છે પણ કન્ફયુઝન અહીંથી પૂરું નથી થઈ જતું.
NRI સાથે સંયુક્ત માલિકીની પ્રોપર્ટી ધરાવતા રેસિડેન્ટ ઈન્ડિયન્સને પણ ફાઈનાન્શિયલ ટ્રાન્ઝેક્શન્સ દર્શાવતા એન્યુઅલ ઈન્ફોર્મેશન સ્ટેટમેન્ટ એટલે કે AIS તરીકે ઓળખાતા ડિજિટલ ટેક્સ રેકોર્ડમાં જે આંકડા બતાવાઈ રહ્યા છે તે ખૂબ જ વધારે છે. ટેક્સ એક્સપર્ટ્સનું માનીએ તો એન્યુઅલ ઈન્ફોર્મેશન સ્ટેટમેન્ટમાં ઘણીવાર સમગ્ર વેચાણ કિંમત દરેક કો-ઓનરના નામ પર બતાવાઈ રહી છે.
આ વાતને સરળ ભાષામાં સમજીએ તો જો ત્રણ ભાઈ પોતાની સંયુક્ત માલિકીની એક કરોડ રૂપિયાની પ્રોપર્ટીનું વેચાણ કરે તો દરેકનાં AISમાં ૩૩.૩૩ લાખ રૂપિયા બતાવવા જોઈએ પરંતુ તેને બદલે તમામ કો-ઓનરના AISમાં એક કરોડ રૂપિયા બતાવાઈ રહ્યા છે અને તેના આધારે તેમની ટેક્સ લાએબેલિટી શૉ થઈ રહી છે.
ઈન્ટરનેશનલ ટેક્સ એક્સપર્ટ મુકેશ પટેલે આ અંગે ટાઈમ્સ ઓફ ઈન્ડિયા સાથે વાત કરતા જણાવ્યું હતું કે પતિ-પત્નીના જોઈન્ટ બેન્ક અકાઉન્ટના કેસમાં પણ ઈનકમ અથવા ટ્રાન્ઝેક્શન બંને ખાતેદારના ખ્ત્લ્માં બતાવાઈ રહી છે, જેથી ટેક્સ ભરવાને પાત્ર થતી હોય તેવી રકમ ડબલ થઈ જાય છે. તેમણે એવી પણ સલાહ આપી હતી કે દરેક ટેક્સ પેયરે પોતાના ખ્ત્લ્ને ખૂબ જ બારીકાઈથી ચેક કરવું જોઈએ અને જો તેની એન્ટ્રીમાં કોઈ ભૂલ હોય તો તુરંત જ તેના પર ફીડબેક રેઈઝ કરવો જોઈએ.
કેપિટલ ગેઈન્સ રિજિમને સરળ બનાવવાના હેતુથી લોંગ ટર્મ કેપિટલ ગેઈન્સ ટેક્સમાં ફેરફાર કરવામાં આવ્યા હતા. તેના હેઠળ રેસિડેન્ટ ઈન્ડિયન્સને ૨૦ ટકા ઈન્ડેક્સેશન સાથેના જૂના સ્ટ્રક્ચર અને નવા ૧૨.૫ ટકાના વિધાઉટ ઈન્ડેક્સેશનના સ્ટ્રક્ચરમાંથી કોઈ એકને પસંદ કરવાનો ઓપ્શન મળે છે, પરંતુ NRIsને આવો કોઈ ઓપ્શન નથી અપાયો. ઈનકમ ટેક્સ ફાઈલ કરવાની છેલ્લી તારીખ હવે નજીક આવી રહી છે ત્યારે રેસિડેન્ટ્સ અને NRI બંને ટેક્સ પ્રોફેશનલ્સને કન્સલ્ટ કરીને AISની તમામ એન્ટ્રી સાવચેતીથી ચેક કરવી જરૂરી છે.
ખાસ તો જેમણે પ્રોપર્ટીનું વેચાણ કર્યું છે તેમજ મોટા જોઈન્ટ ટ્રાન્ઝેક્શન્સ કર્યા છે તેમણે ઈનકમ ટેક્સ ડિપાર્ટમેન્ટ સાથે કોઈ ડિસ્પ્યુટ ઉભો ના થાય તે સુનિશ્ચિત કરવા રિટર્ન ફાઈલ કરતી વખતે ખાસ ધ્યાન રાખવું તેવી પણ એક્સપર્ટ્સ સલાહ આપી રહ્યા છે.
(3:50 PM IST)









છેલ્લા 8 દિવસમાં સૌથી લોકપ્રિય 
