તા. ૧૮ નવેમ્બર ર૦ર૬ વિક્રમ સંવત ર૦૮૩ કારતક સુદ – ૯ બુધવાર
News of Sunday, 10th August 2025
પાકિસ્તાની આર્મી ચીફની ભારતને પરમાણુ યુદ્ધની ધમકી : અમેરિકાની ભૂમિ પરથી કહ્યું- અમે હારી ગયા તો અડધી દુનિયાને સાથે લઈને જઈશું
પાકિસ્તાનના આર્મી ચીફ જનરલ અસીમ મુનીરે અમેરિકામાં આપેલા નિવેદનોએ આંતરરાષ્ટ્રીય સ્તરે ખળભળાટ મચાવી દીધો

પાકિસ્તાનના આર્મી ચીફ ફિલ્ડ માર્શલ અસીમ મુનીરે અમેરિકાની ભૂમિ પરથી ભારતને સીધી પરમાણુ યુદ્ધની ધમકી આપી છે. એક કાર્યક્રમમાં તેમણે સ્પષ્ટ કર્યું કે જો ભારત સાથેના સંઘર્ષમાં પાકિસ્તાનને અસ્તિત્વનો ખતરો લાગશે, તો તે પરમાણુ શસ્ત્રોનો ઉપયોગ કરતા અચકાશે નહીં. આ નિવેદન આપતાં તેમણે કહ્યું, "અમે એક પરમાણુ રાષ્ટ્ર છીએ, જો આપણે હારી રહ્યા હોઈશું તો અડધી દુનિયાને પણ સાથે લઈને જઈશું." આંતરરાષ્ટ્રીય સ્તરે આ પ્રકારની ધમકીઓ આપવી એક ગંભીર ઘટના માનવામાં આવે છે.
અમેરિકાના ફ્લોરિડામાં એક કાર્યક્રમ દરમિયાન પાકિસ્તાની આર્મી ચીફ અસીમ મુનીરે ભારતને પરમાણુ યુદ્ધની ધમકી આપી હતી. તેમણે કહ્યું કે જો પાકિસ્તાન હારશે તો તે આખા ક્ષેત્રને પરમાણુ યુદ્ધમાં ધકેલી દેશે. આ સિવાય, તેમણે સિંધુ જળ સંધિ પર પણ કડક નિવેદન આપ્યું હતું, જેમાં તેમણે ભારતને બંધ બાંધવા પર દસ મિસાઈલોથી હુમલો કરવાની ધમકી આપી હતી. મુનીરે પાકિસ્તાનની યુદ્ધ વ્યૂહરચના સમજાવી અને ભારતની સરખામણી મર્સિડીઝ કાર સાથે કરી, જ્યારે પાકિસ્તાનની સરખામણી ડમ્પ ટ્રક સાથે કરી. તેમણે ધાર્મિક સંદર્ભોનો પણ ઉપયોગ કરીને પાકિસ્તાનને એક ઈસ્લામિક રાષ્ટ્ર તરીકે રજૂ કર્યું હતું.
અસીમ મુનીરે પોતાના ભાષણમાં સ્પષ્ટ કહ્યું કે જો ભારત સાથેના યુદ્ધમાં પાકિસ્તાન હારના આરે પહોંચશે, તો તે પરમાણુ શસ્ત્રોનો ઉપયોગ કરતા અચકાશે નહીં. આ ઉપરાંત, તેમણે સિંધુ જળ સંધિ પર પણ આક્રમક વલણ અપનાવ્યું. તેમણે ધમકી આપી કે જો ભારત આ સંધિનો ભંગ કરીને બંધ બનાવશે, તો પાકિસ્તાન તેને 10 મિસાઈલોથી નષ્ટ કરી દેશે. તેમણે કહ્યું, "સિંધુ નદી ભારતની ખાનગી મિલકત નથી. અમારી પાસે મિસાઇલોની કોઈ કમી નથી."
આ ધમકીઓ ફ્લોરિડાના ટામ્પામાં એક પ્રતિષ્ઠિત કાર્યક્રમમાં આપવામાં આવી હતી. આ કાર્યક્રમની વિશેષતા એ હતી કે મહેમાનોને મોબાઈલ ફોન કે અન્ય ડિજિટલ ઉપકરણો લઈ જવાની મંજૂરી નહોતી અને મુનીરના ભાષણનો કોઈ લેખિત દસ્તાવેજ પણ જારી કરવામાં આવ્યો નહોતો. આ ઘટનાએ અમેરિકન ભૂમિ પર પાકિસ્તાની સેનાના વડા દ્વારા કરવામાં આવેલી પ્રથમ પરમાણુ ધમકી તરીકે ઇતિહાસમાં સ્થાન મેળવ્યું છે.
(10:20 PM IST)









છેલ્લા 8 દિવસમાં સૌથી લોકપ્રિય 
