તા. ૧૮ નવેમ્બર ર૦ર૬ વિક્રમ સંવત ર૦૮૩ કારતક સુદ – ૯ બુધવાર
News of Monday, 11th August 2025
પોતાને બોસ સમજતા કેટલાક લોકો ભારતની પ્રગતિ સહન કરી શકતા નથીઃ રાજનાથ સિંહ
અમેરિકાના પ્રમુખ ડોનાલ્ડ ટ્રમ્પનું નામ લીધા વિના આકરા પ્રહાર

નવી દિલ્હી,તા.૧૧: સંરક્ષણ મંત્રી રાજનાથસિહે ભારતને વિશ્વમાં સૌથી ઝડપી વિકાસ કરનારો દેશ ગણાવ્યો છે. તેમણે અમેરિકાના પ્રમુખ ડોનાલ્ડ ટ્રમ્પનું નામ લીધા વિના આકરા પ્રહાર કરીને કહ્યું કે કેટલાક લોકો ખુદને દુનિયાના બોસ સમજે છે, તેમનાથી ભારતની પ્રગતિ સહન થતી નથી.
ભારત પર વધારાનો ૨૫ ટકા ટેરિફ લાદવાની ટ્રમ્પની જાહેરાત સામે સંરક્ષણ મંત્રી રાજનાથસિહે આકરી પ્રતિક્રિયા આપી છે. તેમણે ટેરિફની આકરા શબ્દોમાં ટીકા કરીને દાવો કર્યો કે કોઈ પણ વૈશ્વિક શક્તિ ભારતને મહાશક્તિ બનતા રોકી શકશે નહીં. કેટલાક લોકો ભારતની પ્રગતિનો સ્વીકાર કરી શકતા નથી. તેમને(ટ્રમ્પ) લાગી રહ્યું છે કે પોતે સૌના બોસ છે. તો પછી ભારત આટલું ઝડપથી આગળ કેવી રીતે વધી રહ્યું છે? હવે ભારતમાં ઉત્પાદન થતી ચીજવસ્તુઓને અન્ય દેશમાં નિકાસ કરતા સમયે વધુ મોંઘી બનાવવાની કોશિશ કરવામાં આવી રહી છે. પરંતુ જે ગતિએ ભારત પ્રગતિ કરી રહ્યું છે, હું તમને વિશ્વાસ અપાવી શકું છું કે કોઈ પણ વૈશ્વિક શક્તિ આપણને મહાશક્તિ બનતા રોકી શકશે નહીં.
આ સાથે રાજનાથસિહે ઉમેર્યું કે, ભારત જે ગતિએ આગળ વધી રહ્યું છે, તેનાથી સ્પષ્ટ છે કે આપણે(ભારત) જલદી મહાશક્તિ બનવા તરફ આગળ વધી રહ્યું છે. ભોપાલ પહેલા રાયસેનમાં રાજનાથસિહે કહ્યું કે, પહેલગામ ઘટના પછી પાકિસ્તાને માની લીધું હતું કે ભારત શાંતિથી બેસી રહેશે. પરંતુ વડાપ્રધાનનો સંકલ્પ હતો કે આપણે તેનો જડબાતોડ જવાબ આપીશું. (૪૦.૧૩)
(9:19 AM IST)









છેલ્લા 8 દિવસમાં સૌથી લોકપ્રિય 
