<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Monday, 11th August 2025

સિંહના વિચરણનો વિસ્‍તાર અઢી દાયકામાં ૧૧ જિલ્લા સુધી વિસ્‍તર્યોઃ ભૂપેન્‍દ્રભાઇ પટેલ

બરડા વન્‍યજીવ અભ્‍યારણ ખાતે મુખ્‍યમંત્રી ભૂપેન્‍દ્રભાઈ પટેલ અને કેન્‍દ્રીય મંત્રી ભૂપેન્‍દ્ર યાદવની ઉપસ્‍થિતિમાં વિશ્વ સિંહ દિવસની ગૌરવભેર ઉજવણી : બરડામાં સિંહોનો પુનઃ વસવાટ થતા બરડાની જૈવ વિવિધતામાં નવી ઊર્જાનો સંચાર થશે, ઇકો ટુરિઝમને વેગ મળશેઃ કેન્‍દ્રીય વન અને પર્યાવરણ મંત્રી ભૂપેન્‍દ્ર યાદવઃ ૧૪૩ વર્ષ પછી ‘બરડા વન્‍યજીવ અભયારણ્‍ય' માં સિંહો પુનઃ વસવાટ કરી રહ્યા છેઃ રાજ્‍યના વન અને પર્યાવરણ મંત્રી મુળુભાઈ બેરા : રાજ્‍યની ૨૪ જેટલી ઇકો ટુરીઝમ સાઇટ માટે હવે ઘરે બેઠા બૂકિંગ થઈ શકે તે માટેનું પોર્ટલ કાર્યરત થયું છે : મુખ્‍યમંત્રીના હસ્‍તે રૂ.૧૮૦ કરોડના ખર્ચે વન વિભાગના વિવિધ વિકાસ પ્રકલ્‍પોનું ઈ-લોકાર્પણ-ખાતમુહૂર્તઃ બરડા અભયારણ્‍ય વિસ્‍તારમાં રૂ.૭૫ કરોડના ખર્ચે નવો સફારી પાર્ક અને પ્રવાસીઓની સુવિધાના કામો હાથ ધરાશેઃ ભૂપેન્‍દ્રભાઈ પટેલ : સાંસદ પૂનમબેન માડમ, સાંસદ પરિમલભાઈ નથવાણી, ધારાસભ્‍ય અર્જુનભાઈ મોઢવાડીયા, હેમંતભાઈ ખવા, પોરબંદર જિલ્લા પંચાયત પ્રમુખ પરબતભાઇ પરમાર, ડી.જી. ફોરેસ્‍ટ સુશીલ અવસ્‍થી, દેવભૂમિ દ્વારકા જિલ્લા કલેકટર રાજેશ તન્ના, પોરબંદર જિલ્લા કલેકટર એસ. ડી. ધાનાણી સહિતના ઉપસ્‍થિત

(મુકુંદ બદિયાણી - કૌશલ સવજાણી દ્વારા)ખંભાળિયા-જામનગર તા. ૧૧ :..  ગુજરાતના સાવજ આજે દેશની અસ્‍મિતાનું વૈશ્વિક પ્રતીક બન્‍યા છે, તેવું દેવભૂમિ દ્વારકા જિલ્લાના બરડા વન્‍યજીવ અભ્‍યારણ ખાતે યોજાયેલા વિશ્વ સિંહ દિવસની ઉજવણીમાં રાજ્‍યના મુખ્‍યમંત્રી ભૂપેન્‍દ્રભાઈ પટેલે જણાવ્‍યું હતું. દેશ અને દુનિયાભરના સિંહ પ્રેમીઓ અને પ્રકળતિ પ્રેમીઓને વિશ્વ સિંહ દિવસની શુભેચ્‍છાઓ પાઠવીને મુખ્‍યમંત્રીશ્રીએ જણાવ્‍યું હતું કે, ભગવાન શ્રી કળષ્‍ણએ કુરૂક્ષેત્રના મેદાનમાં અર્જુનને આપેલા ગીતા સંદેશમાં કહ્યું છે કે, પ્રાણીઓમાં હું મળગરાજ સિંહ છું.

૧૪૩ વર્ષના લાંબા સમય બાદ બરડા ડુંગરમાં સિંહોએ કુદરતી રીતે પુનઃ વસવાટ શરૂ કર્યો છે, તે વાતનો આનંદ વ્‍યક્‍ત કરીને મુખ્‍યમંત્રી ભુપેન્‍દ્રભાઈ પટેલે  ઉમેર્યું હતું કે, વડાપ્રધાન નરેન્‍દ્રભાઈ મોદીએ બરડામાં સિંહ સંરક્ષણ માટે તમામ જરૂરી સહાય સુવિધાઓ આપવાની જાહેરાત કરી છે. વડાપ્રધાનશ્રીના વિઝન અને વન વિભાગની પ્રો-એક્‍ટિવ પ્રેક્‍ટિસીસને લીધે ગીરમાં સિંહોની સફળ સંવર્ધન-ગાથા વૈશ્વિક બની છે. આપણા વનરાજનો વૈભવ જળવાઈ રહે અને ભવિષ્‍યમાં પણ સતત વધતો રહે તે માટે વડાપ્રધાનશ્રીએ ‘પ્રોજેકટ લાયન' શરૂ કરાવ્‍યો છે. આ પ્રોજેક્‍ટમાં સિંહના હેબિટેટ અને વસતિ પ્રબંધન, વન્‍ય પ્રાણી આરોગ્‍ય, માનવ અને પ્રાણી ઘર્ષણ, સ્‍થાનિક લોકોનો સહકાર, પ્રવાસન વિકાસ, વૈજ્ઞાનિક સંશોધન અને તાલીમ, ઇકો ડેવલપમેન્‍ટ તેમજ જૈવ વિવિધતાના સંરક્ષણ જેવી બાબતોને આવરી લેવામાં આવી છે.

મુખ્‍યમંત્રીશ્રીએ ઉમેર્યુ હતુ કે, વન્‍યજીવોની માવજત અને સંરક્ષણની વાતને વડાપ્રધાનશ્રીના દિશા દર્શનમાં અગ્રીમતા અપાઈ છે. જેની ફલશ્રુતિરૂપે સિંહોની સંખ્‍યા ૬૭૪થી વધીને ૮૯૧ થઈ છે. સિંહોની વધતી વસ્‍તી આપણા  સૌ માટે ગૌરવની વાત છે.

વડાપ્રધાનશ્રીએ હંમેશા પ્રકળતિ, પર્યાવરણ અને પ્રાણીઓના સંરક્ષણને આપણી જવાબદારી ગણાવી છે, એવું કહીને મુખ્‍યમંત્રીશ્રીએ ઉમેર્યું હતું કે, સ્‍થાનિક લોકો અને ગીરના સિંહો વચ્‍ચે ઇમોશન અને ઇકોનોમી બંન્નેનો સંબધ કેળવાયો છે. સિંહના વિચરણનો વિસ્‍તાર પાછલા અઢી દાયકામાં ૩ જિલ્લાથી વધીને ૧૧ જિલ્લા સુધી વિસ્‍તર્યો છે. સ્‍થાનિક રહેવાસીઓમાં ‘સિંહ છે તો અમે છીએ અને અમે છીએ તો સિંહ છે' એવી ભાવના જાગળત થઈ છે.

ભગવાન દ્વારકાધીશની પાવન ભૂમિ પર વિશ્વ સિંહ દિવસના અવસરે નવા રહેઠાણ અને વન - પર્યાવરણ વિભાગની નવીન પરિયોજનાઓના લોકાર્પણની શુભકામના પાઠવી કેન્‍દ્રીય વન અને પર્યાવરણ મંત્રી ભૂપેંદ્ર યાદવે કહ્યું હતું કે, વડાપ્રધાન નરેન્‍દ્રભાઈ મોદીના નેતળત્‍વમાં વન્‍યજીવોના સંરક્ષણ અને સંવર્ધનના દૃઢ સંકલ્‍પને રાજ્‍ય સરકારે સુપેરે પાર પાડ્‍યો છે. ગૌરવની વાત છે કે એશિયાઈ સિંહો માત્ર ગુજરાતના ગીર પ્રદેશમાં જોવા મળે છે. વડાપ્રધાનશ્રીના પ્રકળતિ સંરક્ષણના પ્રેરણારૂપ માર્ગદર્શન હેઠળ મુખ્‍યમંત્રી શ્રી ભૂપેન્‍દ્ર પટેલના નેતળત્‍વ રાજ્‍ય સરકારના સંનિષ્ઠ પ્રયાસો ફળશ્રુતિ રૂપે સિંહો સંખ્‍યામાં ૧૭ ટકાનો વધારો થયો છે. સમગ્ર વિશ્વમાં જ્‍યારે જળવાયુ પરિવર્તનની સમસ્‍યાઓ ગંભીર રૂપે આકાર લઈ રહી છે ત્‍યારે વડાપ્રધાનશ્રી નરેન્‍દ્રભાઈ મોદીએ વિશ્વને રિન્‍યુએબલ એનર્જી તથા ક્‍લાઇમેટ ચેન્‍જ માટે એક્‍શન પ્‍લાન રજૂ કરી વિશ્વને નવી રાહ ચીંધી છે.

રાજ્‍યના વન અને પર્યાવરણ મંત્રી મુળુભાઈ બેરાએ જણાવ્‍યુ હતું કે, રાજ્‍યમાં ગીર સિવાય પ્રથમ વખત બરડા અભયારણ્‍ય ખાતે વિશ્વ સિંહ દિવસની ઉજવણી થઈ રહી છે. દેશનું ગૌરવ એવા એશિયાટિક સિંહો આપણા ગુજરાતમાં વસવાટ કરે છે તે વાતનું સૌને ગર્વ છે. વડાપ્રધાનશ્રી નરેન્‍દ્રભાઈ મોદીના વિઝન અને સિંહોનું સંરક્ષણના પ્રયાસોથી રાજ્‍યમાં સિંહોની સંખ્‍યામાં નોંધપાત્ર વધારો થયો છે. રાજ્‍યમાં ઙ્કથમ વખત અદ્યતન ટેકનોલોજીની મદદથી સિંહોની ગણતરી કરવામાં આવી છે. દેવભૂમિ દ્વારકા જિલ્લાના ભાણવડ તાલુકાના  ટીંબડી પાસે આવેલા બરડા વન્‍યજીવ અભયારણ્‍યમાં ૧૪૩ વર્ષ પછી સિંહોનો પુનઃ વસવાટ થઈ રહ્યો છે. બરડામાં ૪૦૦થી વધુ ઔષધીય વળક્ષો, છઠ્ઠી સદીનો નવલખા મંદિર થી માંડીને વિવિધ  ધાર્મિક સ્‍થાનો, કુદરતી ઝરણા આવેલા છે.  પરિણામે સિંહોએ બરડા અભયારણ્‍યને પોતાના બીજા ઘર તરીકે સ્‍વીકાર્યું છે.

રૂ.૧૮૦.૧૨ કરોડના ખર્ચે મુખ્‍યમંત્રીશ્રીએ લોકાર્પણ અને ખાતમુહૂર્તના કામો તથા યોજનાઓની જાહેરાત કરી હતી. જેમાં બરડા અભયારણ્‍ય ખાતે મુખ્‍યમંત્રીશ્રીએ ૨૪૮ હેકટર વિસ્‍તારમાં નવીન સફારી પાર્ક અને ઇન્‍ટરપ્રિટેશન સેન્‍ટર તેમજ પ્રવાસી સુવિધાઓ અંગેની જાહેરાત કરી હતી. આ સુવિધાઓ રૂપિયા ૭૫ કરોડના ખર્ચે વિકસાવવામાં આવશે. આ ઉપરાંત તળણાહારી પ્રાણીઓના સંવર્ધન પ્રજનન કાર્યક્રમ માટે ૧૦.૯૬ કરોડના ખર્ચે બ્રીડિંગ સેન્‍ટરોનું નિર્માણ, વન વસાહતી ગામો અને ઇકો સેન્‍સેટિવ ઝોન વિસ્‍તારમાં ઇકો ડેવલપમેન્‍ટની કામગીરી માટે રૂ.૭.૫૭ કરોડના ખર્ચે ૧૩૭ કામો, જે.આઈ.સી.એ પ્રોજેક્‍ટ હેઠળ ૭૨૦ ગામડાઓમાં રૂ ૩૫.૬૨ કરોડના ખર્ચે સામૂહિક વિકાસ કામો અંગેની જાહેરાત, રૂ.૭ કરોડના ખર્ચે વન્‍યપ્રાણી માટે રેસ્‍કયુ સેન્‍ટર અને ક્‍વિક રિસ્‍પોન્‍સ સિસ્‍ટમ, રૂ.૨૧ કરોડના ખર્ચ બરડા વિસ્‍તારના માલધારીઓ માટે સ્‍વૈચ્‍છિક સ્‍થળાંતરની યોજના, ૯.૯૪ કરોડના ખર્ચે ફ્રન્‍ટ લાઈન સ્‍ટાફ માટે કુલ ૨૦ આવાસ અને ઓફિસ બિલ્‍ડીંગના કામો, રૂ.૫ કરોડના ખર્ચે ચાડવા રખાલમાં કેરાકલ (હેણોતરા) સંવર્ધન, રૂ. ૬૫ લાખના ખર્ચે સી.એસ.આ.ર હેઠળ ગીર વિસ્‍તારના ટ્રેકર્સનો વીમા અને સ્‍વાસ્‍થ્‍ય કવચ, રૂ.૬.૯૮ કરોડના ખર્ચે પેટ્રોલિંગ અને મોનિટરિંગ માટે ૩ રેસ્‍કયુ વ્‍હિકલ ૨૦૦ બાઇક અને ૪૪ યુટિલિટી વ્‍હિકલ અર્પણ કરવામાં આવ્‍યા હતા તથા ૨૪ ઇકો ટુરિઝમ સાઇટના બુકિંગ પોર્ટલનો શુભારંભ કરાવ્‍યો હતો.

 વન અને પર્યાવરણ વિભાગના અગ્રસચિવ  સંજીવ કુમારે મહાનુભાવોનું શાબ્‍દિક સ્‍વાગત કરીને જણાવ્‍યું હતું કે, તત્‍કાલિન મુખ્‍યમંત્રી શ્રી નરેન્‍દ્રભાઈ મોદીએ શરૂ કરાવેલ ગુજરાતના ગૌરવ એવા એશિયાટિક લાયનના સંવર્ધનનું કાર્ય મુખ્‍યમંત્રી શ્રી ભૂપેન્‍દ્રભાઈ પટેલના નેતળત્‍વમાં આગળ વધારવામાં આવી રહ્યું છે, જેમાં મંત્રી ભૂપેંદ્ર યાદવના નેતળત્‍વ હેઠળ કેન્‍દ્રીય વન અને પર્યાવરણ મંત્રાલયનો સહયોગ સાંપડ્‍યો છે. સિંહોનું બીજું ઘર અને ઙ્કાકળતિક સૌંદર્ય, ઐતિહાસિક મહત્‍વ અને ભવ્‍ય સાંસ્‍કળતિક ધરોહર ધરાવતો બરડો ડુંગર પ્રવાસીઓ માટે આકર્ષક સ્‍થળ બન્‍યું છે.

વિશ્વ સિંહ દિવસની ઉજવણી નિમિતે સાંસદ પૂનમબેન માડમ, સાંસદ પરિમલભાઈ નથવાણી, ધારાસભ્‍ય અર્જુનભાઈ મોઢવાડીયા તેમજ હેમંતભાઈ ખવા, પોરબંદર જિલ્લા પંચાયત પ્રમુખ પરબતભાઇ પરમાર, ડી.જી. ફોરેસ્‍ટ સુશીલ અવસ્‍થી,  દેવભૂમિ દ્વારકા જિલ્લા કલેકટર રાજેશ તન્ના, પોરબંદર જિલ્લા કલેકટર એસ.ડી.ધાનાણી, દેવભૂમિ દ્વારકા જિલ્લા વિકાસ અધિકારી એ.બી.પાંડોર, અગ્રણી  ચેતનાબેન તિવારી તેમજ મયુરભાઈ ગઢવી, ઉપરાંત વન વિભાગના અધિકારીશ્રીઓ અને મોટી સંખ્‍યામાં સ્‍થાનિકો ઉપસ્‍થિત રહ્યા હતા. (તસ્‍વીર - અહેવાલ : કૌશલ સવજાણી (ખંભાળીયા) મુકુંદ બદિયાણી- (જામનગર)

(12:12 PM IST)