મુંબઈ : સ્વતંત્રતા દિવસની ભવ્ય ઉજવણીના ભાગરૂપે, લોકપ્રિય ક્વિઝ શો 'કૌન બનેગા કરોડપતિ' (KBC)ની સિઝન 17 એક ખાસ એપિસોડનું આયોજન કરી રહી છે. આ એપિસોડમાં અભિનેતા અમિતાભ બચ્ચન ભારતીય સશસ્ત્ર દળોના ત્રણ સન્માનિત અધિકારીઓનું સન્માન કરશે, જેઓ દેશના હાઈ-રિસ્ક આતંકવાદ વિરોધી મિશન 'ઑપરેશન સિંદૂર' વિશે વિગતો શેર કરશે.
 
ઑપરેશન સિંદૂર શું હતું?

•    જમ્મુ અને કાશ્મીરના મનોહર ઘાસના મેદાનોમાં 26 નાગરિકોના મૃત્યુના જવાબમાં ભારતે આ ઑપરેશન શરૂ કર્યું હતું.
•    આ ઑપરેશનનું લક્ષ્ય આતંકવાદી ઠેકાણાઓનો નાશ કરવાનું હતું. કમાન્ડર પ્રેરણા દેવસ્થલીએ જણાવ્યું કે આ મિશનમાં લક્ષ્યોનો સફળતાપૂર્વક નાશ કરવામાં આવ્યો અને કોઈ નાગરિકને નુકસાન થયું નહોતું.
•    ઝડપી કાર્યવાહી: વિંગ કમાન્ડર વ્યોમિકા સિંહે આ મિશનના ઝડપી અમલને યાદ કરતા કહ્યું કે, "રાત કો એક બાજ કર પાંચ મિનિટ સે લેકર દેઢ બાજે તક, પછીસ મિનિટ મેં ખેલ ખતમ કર દિયા."

KBCના મંચ પર વીરાંગનાઓ
આ ખાસ એપિસોડમાં ભારતીય સેનાના કર્નલ સોફિયા કુરેશી, ભારતીય વાયુસેનાના વિંગ કમાન્ડર વ્યોમિકા સિંહ અને ભારતીય નૌકાદળના કમાન્ડર પ્રેરણા દેવસ્થલી હોટ સીટ પર જોવા મળશે. કર્નલ કુરેશીએ કહ્યું કે, "પાકિસ્તાન યે કરતા ચલા આ રહા હૈ. તો જવાબ દેના બનતા થા સર. ઈસીલિયે ઓપરેશન સિંદૂર કો પ્લાન કિયા ગયા."

આ એપિસોડ 15 ઑગસ્ટના રોજ સ્વતંત્રતા દિવસ નિમિત્તે પ્રસારિત થશે, જ્યાં આ વીરાંગનાઓ દેશની નવી સુરક્ષા વિચારસરણીને રજૂ કરશે. કર્નલ કુરેશીના શબ્દોમાં, "યે એક નયા ભારત નયી સોચ કે સાથ હૈ," જે ભારતના વધેલા સંકલ્પ અને શક્તિનું પ્રતીક છે.