શિલ્પા અને રાજ કુન્દ્રા ફરી મુશ્કેલીમાં, ૬૦ કરોડની છેતરપિંડીનો કેસ દાખલ
કેસ શિલ્પા અને રાજની બંધ બેસ્ટ ડીલ ટીવી પ્રાઇવેટ લિમિટેડ માટે લોન અને રોકાણ સોદા સાથે સંબંધિત
મુંબઇ તા.૧૪: બોલિવૂડ અભિનેત્રી શિલ્પા શેટ્ટી અને તેના પતિ રાજ કુન્દ્રા ફરી એકવાર હેડલાઇન્સમાં છે. કારણ કોઈ ફિલ્મ કે અંગત જીવન નથી. બલ્કે, બંને સામે છેતરપિંડીનો કેસ નોંધવામાં આવ્યો છે. જોકે રાજ કુન્દ્રાનો વિવાદો સાથે લાંબા સમયથી સંબંધ છે. પરંતુ આ વખતે તેમની પત્ની અને અભિનેત્રી શિલ્પા શેટ્ટી પણ તેમની સાથે મુશ્કેલીમાં ફસાયેલી જોવા મળી રહી છે. શિલ્પા, રાજ કુન્દ્રા ઉપરાંત, એક અજાણ્યા વ્યક્તિ સામે ૬૦ કરોડની છેતરપિંડીનો કેસ દાખલ કરવામાં આવ્યો છે. અભિનેત્રી અને તેના પતિ વિરુદ્ધ મુંબઈના જુહુ પોલીસ સ્ટેશનમાં કેસ દાખલ કરવામાં આવ્યો છે.
માહિતી અનુસાર, આર્થિક ગુના શાખા (ઇઓડડબ્લ્યુ) એ મુંબઈના એક ઉદ્યોગપતિ પાસેથી ૬૦.૪૮ કરોડની છેતરપિંડીનો કેસ દાખલ કર્યો છે. વાસ્તવમાં, આ કેસ શિલ્પા અને રાજની બંધ બેસ્ટ ડીલ ટીવી પ્રાઇવેટ લિમિટેડ માટે લોન અને રોકાણ સોદા સાથે સંબંધિત હોવાનું કહેવાય છે.
ઉદ્યોગપતિ દીપક કોઠારીએ આરોપ લગાવ્યો છે કે તેમણે તેમને ૨૦૧૫-૨૦૨૩ ની આસપાસ વ્યવસાય વિસ્તરણ માટે ૬૦.૪૮ કરોડ રૂપિયા આપ્યા હતા. પરંતુ તેમણે તે વ્યક્તિગત ખર્ચ તરીકે ખર્ચ્યા. એટલું જ નહીં, દીપક કોઠારીએ એવો પણ દાવો કર્યો હતો કે તેઓ ૨૦૧૫ માં એક એજન્ટ રાજેશ આર્ય દ્વારા શિલ્પા શેટ્ટી અને રાજ કુન્દ્રાના સંપર્કમાં આવ્યા હતા. તે સમયે બંને ઓનલાઈન શોપિંગ પ્લેટફોર્મ, બેસ્ટ ડીલ ટીવીના ડિરેક્ટર હતા. તે સમયે શિલ્પા શેટ્ટી પાસે કંપનીમાં ૮૭ ટકાથી વધુ શેર હતા.
તે જ સમયે, તેમણે એવો પણ આરોપ લગાવ્યો છે કે રાજેશ આર્યએ કંપની માટે ૧૨ ટકા વાર્ષિક વ્યાજ પર ૭૫ કરોડ રૂપિયાની લોન માંગી હતી. પરંતુ ઊંચા કરથી બચવા માટે, તેમણે આ પૈસા રોકાણ કરવાનું સૂચન કર્યું. ત્યારબાદ એક બેઠક યોજાઈ અને પૈસા સમયસર પરત કરવાના વચન સાથે સોદો અંતિમ સ્વરૂપ આપવામાં આવ્યું.
માહિતી અનુસાર, આ સોદા માટે તેમના દ્વારા ૬૦.૪૮ કરોડ રૂપિયાથી વધુ રકમ આપવામાં આવી છે. તે જ સમયે, ૩.૧૯ લાખ રૂપિયાની સ્ટેમ્પ ડ્યુટી પણ ચૂકવવામાં આવી હતી. કોઠારી કહે છે કે શિલ્પા શેટ્ટીએ તેમને એ-લિ ૨૦૧૬ માં વ્યક્તિગત ગેરંટી પણ આપી હતી. પરંતુ થોડા મહિના પછી એટલે કે સપ્ટેમ્બરમાં, તેમણે કંપનીના ડિરેક્ટર પદ પરથી રાજીનામું આપ્યું. આ પછી તરત જ, કંપની સામે ૧.૨૮ કરોડ રૂપિયાનો નાદારીનો કેસ પ્રકાશમાં આવ્યો.
તેમનું કહેવું છે કે તેમણે વારંવાર પૈસા પાછા માંગ્યા છે. પરંતુ તેના પર કોઈ ધ્યાન આપવામાં આવ્યું ન હતું. ત્યારબાદ, કોઠારીએ તેમની ફરિયાદમાં શિલ્પા અને રાજ કુન્દ્રા પર ૨૦૧૫-૨૦૨૩ દરમિયાન કાવતરું ઘડવાનો આરોપ લગાવ્યો છે. જેમાં તેઓએ વ્યવસાયિક હેતુ માટે પૈસા માંગ્યા હતા અને તેને વ્યક્તિગત ખર્ચ પર ખર્ચ્યા હતા.
શિલ્પા શેટ્ટી અને રાજ કુન્દ્રાના વકીલ -શાંત પાટીલે આરોપોને નકારી કાઢયા છે. તેમણે દાવો કર્યો છે કે આનો નિર્ણય ઓક્ટોબર ૨૦૨૪ માં નેશનલ કંપની લો ટ્રિબ્યુનલ (એનસીએલટી) માં થઈ ચૂકયો છે. તેમનું કહેવું છે કે આ મામલે કોઈ ગુનાહિતતા નથી અને તેમણે ઇઓડબલ્યુને તમામ જરૂરી દસ્તાવેજો સબમિટ કર્યા છે.(૩૮.૮)
(9:51 AM IST)
છેલ્લા 8 દિવસમાં સૌથી લોકપ્રિય 
