બેંગલુરુ: 14 ઑગસ્ટ, 2025: રાઇડ-હેલિંગ પ્લેટફોર્મ Rapido એ હવે ફૂડ ડિલિવરી સેક્ટરમાં પણ એન્ટ્રી કરી છે. કંપનીએ 'Ownly' નામની એક નવી એપ લૉન્ચ કરી છે, જે ગ્રાહકોને સસ્તા ભાવે ઘરે બેઠા ભોજન મંગાવવાનો વિકલ્પ આપશે. આ પગલાથી હવે ફૂડ ડિલિવરી બજારમાં Swiggy અને Zomato જેવી દિગ્ગજ કંપનીઓને સખત સ્પર્ધા મળવાની શક્યતા છે.

Ownly એપનો મુખ્ય ઉદ્દેશ્ય લોકોને પોષણક્ષમ ભાવે ભોજન પૂરું પાડવાનો છે. આ એપ દ્વારા ₹150 કે તેથી ઓછા ભાવે રોટલી-શાક કે દાળ-ભાત જેવું મુખ્ય ભોજન મંગાવી શકાય છે.

Swiggy અને Zomatoથી વિપરીત, Ownly એપ રેસ્ટોરન્ટ્સ પાસેથી કમિશન લેતી નથી. તેના બદલે, તે દરેક ઓર્ડર માટે રેસ્ટોરન્ટ પાસેથી એક નિશ્ચિત ફી વસૂલશે. આનાથી રેસ્ટોરન્ટ્સને પણ ફાયદો થશે.

Rapido ની આ નવી એપ રેસ્ટોરન્ટથી 4 કિલોમીટરની ત્રિજ્યામાં નિશ્ચિત ડિલિવરી ફી વસૂલશે.
o    ₹100થી ઓછાના ઓર્ડર માટે ₹20 ફી.
o    ₹100થી ₹400ના ઓર્ડર માટે ₹25 ફી.
o    ₹400થી વધુના ઓર્ડર માટે ₹50 ફી.
o    આ ઉપરાંત, ડિલિવરી ફી પર GST પણ લાગુ પડશે.

હાલમાં Rapido એ પોતાની આ 'Ownly' એપ બેંગલુરુના કેટલાક વિસ્તારોમાં શરૂ કરી છે, જેમાં કોરમંગલા, બાયરાસાન્ડ્રા અને તાવરેકેરે જેવા વિસ્તારોનો સમાવેશ થાય છે. જો આ પ્રયોગ સફળ થશે, તો કંપની તેને અન્ય શહેરોમાં પણ વિસ્તારી શકે છે.