મુંબઇઃ આજે  શનિવારે મુંબઈ એરપોર્ટ પર લેન્ડિંગ દરમિયાન ઈન્ડિયા એરલાઈન્સના વિમાનનો પાછળનો ભાગ રનવે સાથે અથડાઈ ગયો હતો. મુંબઈમાં ભારે વરસાદ અને ખરાબ હવામાનને કારણે ઓછી દૃશ્યતા દરમિયાન આ ઘટના બની હતી. ઈન્ડિગો એરલાઈન્સના જણાવ્યા અનુસાર, માનક સલામતી પ્રક્રિયાઓ અનુસાર વિમાનને નિરીક્ષણ અને સમારકામ માટે મોકલવામાં આવશે, ત્યારબાદ જ તેને ફરીથી ઉડાન ભરવાની મંજૂરી આપવામાં આવશે.
ઈન્ડિગોના પ્રવક્તાએ જણાવ્યું હતું કે મુંબઈમાં પ્રતિકૂળ હવામાનને કારણે ઈન્ડિગો એરબસ A321 વિમાનનો પાછળનો ભાગ ઓછી ઊંચાઈએ ઉડતી વખતે રનવે સાથે અથડાઈ ગયો હતો. આ પછી, વિમાને બીજી ઉડાન ભરી. પ્રવક્તાના જણાવ્યા અનુસાર, વિમાન સુરક્ષિત રીતે ઉતર્યું.