મોસ્‍કો  તા.૧૯: રશિયાના રાષ્‍ટ્રપ્રમુખ વ્‍લાદિમીર પુતિન દુનિયાના શક્‍તિશાળી નેતાઓમાંથી એક છે, જેઓ હાલમાં અલાસ્‍કાના પ્રવાસ પર ગયા હતા અને અમેરિકાના રાષ્‍ટ્રપતિ ડોનાલ્‍ડ ટ્રમ્‍પને મળ્‍યા હતા. આ પ્રવાસ દરમિયાન બન્ને દેશો વચ્‍ચે મહત્‍વના મુદ્દે ચર્ચા-વિચારણા થઈ હતી, પરંતુ તેમાં એક મુદ્દો ચર્ચાનું કારણ બન્‍યો તે ઁપૂપ સૂટકેસ છે. આ સૂટકેસ પુતિનની બોડિગાર્ડ ટીમ સાથે રહેતી હતી અને તેમાં પુતિનનું મળ એકઠું કરવામાં આવતું હતું. આ પાછળનું કારણ એ માનવામાં આવે છે કે રશિયા પોતાના વડાનો કોઈ જ પુરાવો અમેરિકામાં છોડવા માગતું નહોતું. આ અંગે ઘણાં રિપોર્ટ્‍સ સામે આવ્‍યા છે અને તેમાં કેટલાક તર્ક વ્‍યક્‍ત કરવામાં આવ્‍યા છે. આમ, આંતરરાષ્‍ટ્રીય રાજકારણની ચમક અને ગ્‍લેમર અને કેમેરાના -કાશ વચ્‍ચે, ઘણા એવા દ્રશ્‍યો છુપાયેલા છે, જેના વિશે સામાન્‍ય લોકો ભાગ્‍યે જ જાણતા હોય છે. જ્‍યારે ૨૦૨૫માં અલાસ્‍કા સમિટ દરમિયાન રશિયન રાષ્‍ટ્રપતિ વ્‍લાદિમીર પુતિન અને તેમના અમેરિકન સમકક્ષ ડોનાલ્‍ડ ટ્રમ્‍પ સામસામે મળ્‍યા, ત્‍યારે તેમની સુરક્ષા વ્‍યવસ્‍થાનું એક વિચિત્ર પરંતુ મહત્‍વપૂર્ણ પાસું સામે આવ્‍યું હતું- જે એક ખાસ સુટકેસ હતું. આ ખાસ સુટકેસમાં, દસ્‍તાવેજો કે શષાો નહીં, પરંતુ રાષ્‍ટ્રપતિ પુતિનના મળને એકત્રિત કરવામાં આવે છે અને સુરક્ષિત રીતે રશિયામાં પરત લઈ જવામાં આવે છે.

 એક્‍સ-ેસ યુએસના અહેવાલ મુજબ, આ સુટકેસ પુતિનના વિદેશ પ્રવાસોનો નિયમિત ભાગ છે. તેનો હેતુ માત્ર સુરક્ષા જ નહીં, પણ પ્રાઈવસી પણ છે. હકીકતમાં, રશિયન ફેડરલ સિકયુરિટી સર્વિસ (એફએસઓ) પુતિનના શારીરિક કચરો - મળ અને પેશાબ - ખાસ પેકેટમાં એકત્રિત કરે છે અને તેને મોસ્‍કો પાછો લઈ જાય છે. આ એટલા માટે છે કે વિદેશી ગુપ્તચર એજન્‍સીઓ તેમના જૈવિક કચરાનું વિશ્‍લેષણ કરી શકે નહીં અને તેમના સ્‍વાસ્‍થ્‍ય વિશે ગુપ્ત માહિતી મેળવી શકે નહીં.

ફ્રેન્‍ચ પ્રકાશન પેરિસ મેચ દ્વારા અગાઉ એક તપાસ અહેવાલમાં ખુલાસો થયો હતો કે આ પ્રથા નવી નથી. આ સિસ્‍ટમ ૨૦૧૭માં પુતિનની ફ્રાન્‍સ અને ૨૦૧૯માં સાઉદી અરેબિયાની મુલાકાત દરમિયાન પણ લાગુ કરવામાં આવી હતી. સુટકેસ હંમેશા ખાસ અંગરક્ષકોના કવચ વચ્‍ચે રાખવામાં આવે છે અને તે પુતિનના પર્સનલ સિકયોરિટી બબલનો એક ભાગ બની ગઈ છે. (૩૮.૫)