નવી દિલ્‍હી તા.૧૩: આ તહેવારોની મોસમમાં સામાન્‍ય માણસને મોટી રાહત મળવા જઈ રહી છે. સરકારે રોજિંદા વસ્‍તુઓ પર જીએસટીમાં ઘટાડો કરવાની જાહેરાત કરી છે. દિવાળી પહેલા નવા જીએસટીદર લાગુ થવાની શકયતા છે. આ કારણે ઘણી વસ્‍તુઓના ભાવ ઘટશે. સરકાર ૩૨ ઇંચથી મોટા ટીવી સેટ, એસી અને ડીશવોશર પર પણ જીએસટી૨૮ ટકાથી ઘટાડીને ૧૮ ટકા કરી શકે છે. જીએસટીમાં ઘટાડાને કારણે, ટીવીના દર દસ હજાર રૂપિયા સુધી ઘટશે. આ તહેવારોની સિઝનમાં હોમ એપ્‍લાયન્‍સ મેન્‍યુફેક્‍ચરિંગ કંપનીઓ સારા વેચાણની અપેક્ષા રાખી રહી છે.

ઉદ્યોગ નિષ્‍ણાતો કહે છે કે દિવાળી જેવા મોટા તહેવાર પહેલા જીએસટીમાં આ ઘટાડો મેગા ફેસ્‍ટિવલ વેચાણને વેગ આપશે. જીએસટીમાં આ ઘટાડો છેલ્લા ઘણા વર્ષોમાં ગ્રાહક ભાવમાં સૌથી મોટો ઘટાડો સાબિત થઈ શકે છે. ખાસ કરીને તે ખરીદદારો માટે આ રાહત હશે જેમની આવક પ્રારંભિક શ્રેણીના ઉત્‍પાદનોની વધતી કિંમતોની તુલનામાં વધી શકી નથી અને આ બજાર લાંબા સમયથી સ્‍થિરતાનો સામનો કરી રહ્યું હતું.

એર કંડિશનર (એસી) પર જીએસટી સ્‍લેબ વર્તમાન ૨૮ ટકાથી ઘટાડીને ૧૮ ટકા કરવાનો પ્રસ્‍તાવ મૂકવામાં આવ્‍યો છે. સરકારના આ પગલાથી, મોડેલના આધારે એસીના ભાવમાં લગભગ ૧૫૦૦ રૂપિયાથી ૨૫૦૦ રૂપિયાનો ઘટાડો થવાની સંભાવના છે. એક  અહેવાલ મુજબ, બ્‍લુ સ્‍ટારના મેનેજિંગ ડિરેક્‍ટર બી થિયાગરાજને તેને એક મહાન પગલું ગણાવ્‍યું છે

પેનાસોનિક લાઈફ સોલ્‍યુશન્‍સ ઈન્‍ડિયાના ચેરમેન મનીષ શર્મા કહે છે કે જો એસી અને અન્‍ય ઉપકરણો પર જીએસટી૨૮ ટકાથી ઘટાડીને ૧૮ ટકા કરવામાં આવે છે, તો બજારમાં કિંમતમાં ૬-૭ ટકાનો સીધો ઘટાડો થશે, કારણ કે જીએસટીસામાન્‍ય રીતે બેઝ પ્રાઇસ પર વસૂલવામાં આવે છે. સરકારનું આ ખૂબ જ સારું પગલું બની રહેશે.

એન્‍ટ્રી-લેવલ હેચબેક, નાની સેડાન અને મીની-એસયુવીને જીએસટીના ૧૮% ટેક્‍સ સ્‍લેબ હેઠળ લાવી શકાય છે. હાલમાં, તેમના પર ૨૮%જીએસટીઅને ૧-૩% સેસ વસૂલવામાં આવે છે, જે ૩૧% ટેક્‍સ લે છે. જો જીએસટીઘટાડવામાં આવે છે, તો મારૂતી સુઝુકી અલ્‍ટો કેન્‍ટેન એસ પ્રેસો, રીનોલ્‍ટ વેગન, સુઝુકી ડીઝાયર ઓરા, ટીગોર, પંચ, એકસેન્‍ટ અને કીગર જેવા વાહનો સસ્‍તા થશે. (૩૮.૩)