નવી દિલ્‍હી તા.૧૯: વસ્‍તીની દ્રષ્ટિએ ભારત હવે વિશ્વનો સૌથી મોટો દેશ બની ગયો છે. આ સાથે, ઘણા ભારતીયો લાંબા સમયથી વધુ સારા જીવન, કારકિર્દી અને શિક્ષણની તકોની શોધમાં વિદેશમાં સ્‍થળાંતર કરી રહ્યા છે. આજે ભારતમાં વિશ્વનો સૌથી મોટો પ્રવાસી સમુદાય છે. વિદેશ મંત્રાલય અનુસાર, લગભગ ૩.૫ કરોડ ભારતીયો ભારતની બહાર રહે છે. જેમાં NRI અને ભારતીય મૂળના લોકોનો સમાવેશ થાય છે. આ પ્રવાસીઓએ માત્ર વિવિધ દેશોની અર્થવ્‍યવસ્‍થામાં યોગદાન જ નહીં, પરંતુ તેમની સાંસ્‍કળતિક ઓળખને પણ મજબૂત રાખી છે. આવી સ્‍થિતિમાં, ચાલો આજે તમને જણાવીએ કે, ભારત સિવાય કયા પાંચ દેશોમાં સૌથી વધુ ભારતીયો રહે છે.

અમેરિકા એ દેશ છે, જ્‍યાં સૌથી વધુ ભારતીય પ્રવાસીઓ રહે છે. જ્‍યાં લગભગ ૫૪ લાખ ભારતીયો રહે છે. જેમાં વિદ્યાર્થીઓ, વ્‍યાવસાયિકો અને પરિવારોનો સમાવેશ થાય છે. ભારતીય અમેરિકન સમુદાયને આજે અમેરિકામાં સૌથી સફળ વંશીય જૂથોમાંનો એક માનવામાં આવે છે. ટેકનોલોજી, આરોગ્‍ય, શિક્ષણ અને વ્‍યવસાય જેવા ક્ષેત્રોમાં તેમની હાજરી મજબૂત છે. ભારતીય વસ્‍તી ખાસ કરીને ન્‍યુ યોર્ક, કેલિફોર્નિયા, ટેક્‍સાસ અને ન્‍યુ જર્સી જેવા રાજ્‍યોમાં વધુ છે.

યુએઇ ભારતીયો માટે બીજા ક્રમનું સૌથી મોટું સ્‍થળ માનવામાં આવે છે. અહીં લગભગ ૩૬ લાખ ભારતીયો રહે છે, યુએઇની કુલ વસ્‍તીના લગભગ એક તળતીયાંશ ભાગ છે. આ સમુદાયમાં કામદાર વર્ગથી લઈને મોટા ઉદ્યોગપતિઓ અને વ્‍યાવસાયિકો સુધીના લોકોનો સમાવેશ થાય છે. ભારતીયો ફક્‍ત યુએઈના અર્થતંત્રનો એક મહત્‍વપૂર્ણ ભાગ નથી, પણ તેની સામાજિક અને સાંસ્‍કળતિક ઓળખ સાથે પણ ઊંડાણપૂર્વક જોડાયેલા છે.

મલેશિયામાં લગભગ ૨૯ લાખ ભારતીયો રહે છે. આ દક્ષિણ પૂર્વ એશિયામાં સૌથી મોટો ભારતીય પ્રવાસી સમુદાય છે. તેમાંના મોટાભાગના તમિલ મૂળના લોકો છે. જેમને બ્રિટિશ શાસન દરમિયાન મજૂરી માટે લાવવામાં આવ્‍યા હતા. આજે મલેશિયન ભારતીયો કાયદા, આરોગ્‍ય ક્ષેત્ર, શિક્ષણ અને વ્‍યવસાયના ક્ષેત્રમાં સક્રિય છે, અને અહીં રહેતા ભારતીયો પણ તેમના સાંસ્‍કળતિક મૂળ સાથે જોડાયેલા છે.

કેનેડામાં લગભગ ૨૮ થી ૨૯ લાખ ભારતીયો રહે છે. ૧૯૬૭ થી અહીં ભારતીય પ્રવાસીઓની સંખ્‍યા ઝડપથી વધી છે. આજે, ભારતીય કેનેડિયન સમુદાય પણ દેશના રાજકારણ અને જાહેર જીવનમાં મજબૂત હાજરી ધરાવે છે.