યોગી આદિત્યનાથ પર બનેલી ફિલ્મ પહેલા જોશે હાઈકોર્ટઃ પછી લેશે રિલીઝનો નિર્ણય
મુંબઈ હાઈકોર્ટે ‘અજેયઃ ધ અનટોલ્ડ સ્ટોરી‘ ફિલ્મ પોતે જોવાનો નિર્ણય લીધોઃ હુકમ સોમવારે સંભળાવવામાં આવશે
મુંબઈ,તા.૨૨: ઉત્તર પ્રદેશના મુખ્યમંત્રી યોગી આદિત્યનાથના જીવન પર આધારિત ફિલ્મ ‘અજેયઃધ અનટોલ્ટ સ્ટોરી‘ને લઈને મુંબઈ હાઈકોર્ટે પોતે ફિલ્મ જોવાનો નિર્ણય લીધો છે. કોર્ટ આ અઠવાડિયાના અંતે ફિલ્મ જોશે અને સોમવારે આદેશ આપશે.
મુંબઈ હાઈ કોર્ટે ગુરુવારે કહ્યું કે તે ફિલ્મ ‘અજેયઃધ અનટોલ્ડ સ્ટોરી‘ જોયા પછી જ ફિલ્મ નિર્માતાઓ દ્વારા દાખલ અરજી પર નિર્ણય લેશે. જેમાં સેન્ટ્રલ બોર્ડ ઑફ ફિલ્મ સર્ટિફિકેશન દ્વારા ફિલ્મને પ્રમાણિત કરવાની ના પાડવાનો પડકાર આપવામાં આવ્યો છે. આ ફિલ્મ ‘ધ મોન્ક હૂ બિકમ ચીફ મિનિસ્ટર‘ પુસ્તકથી પ્રેરિત છે અને આ પુસ્તક ઉત્તર પ્રદેશના મુખ્યમંત્રી યોગી આદિત્યનાથના જીવન પર આધારિત કહેવામાં આવી રહી છે.
ગુરુવારે ન્યાયાધીશ રેવતી મોહિતે ડેરે અને નીલા ગોખલેની બેન્ચે ફિલ્મ નિર્માતાઓને ફિલ્મની એક નકલ કોર્ટમાં સબમિટ કરવાનો નિર્દેશ આપ્યો, જેમાં સીબીએફસી દ્વારા ચિﾎતિ કરેલા દ્રશ્યો અથવા ભાગોને સ્પષ્ટ રીતે ચિﾎતિ કરવામાં આવ્યા હોય. ફિલ્મ જે પુસ્તક પર આધારિત છે તેની એક નકલ કોર્ટમાં પહેલાથી જ સબમિટ કરવામાં આવી છે. ૭ ઓગસ્ટના રોજ અગાઉના આદેશમાં, કોર્ટે સીબીએફસી ને ૧૧ ઓગસ્ટ સુધીમાં ફિલ્મ જોવા અને ફિલ્મ નિર્માતાઓ સાથે તેના વાંધા શેર કરવાનો નિર્દેશ આપ્યો હતો જેથી તેઓ જરૂરી ફેરફારો કરી શકે.
સીબીએફસીની તપાસ સમિતિએ ૧૧ ઓગસ્ટના રોજ ૨૯ વાંધાઓ સૂચિબદ્ધ કર્યા હતા. જો કે, ફિલ્મ નિર્માતાઓએ ૧૨ ઓગસ્ટ સુધી કોઈ જવાબ આપ્યો ન હતો અથવા કોઈ ફેરફારનો પ્રસ્તાવ મૂક્યો ન હતો. તેથી, સીબીએફસીની સુધારણા સમિતિએ ફિલ્મ જોવાનો નિર્ણય લીધો. રિવાઇઝિંગ કમિટીએ અગાઉના ૮ વાંધાઓ દૂર કર્યા હતા, પરંતુ આખરે ૧૭ ઓગસ્ટના રોજ પ્રમાણપત્રને નકારી કાઢ્યું હતું.ફિલ્મ નિર્માતાઓએ રિવાઇઝિંગ કમિટીના રિજેક્શન ઓર્ડરને પડકારવા માટે તેમની અરજીમાં સુધારો કરવાની પરવાનગી માંગી હતી. ત્યારબાદ કોર્ટે આ મામલાની સુનાવણી ગુરુવારે નક્કી કરી હતી.
સીબીએફસી વતી હાજર રહેલા વરિષ્ઠ વકીલ અભય ખાંડેપારકરે કોર્ટને જણાવ્યું હતું કે બોર્ડે સમગ્ર પ્રક્રિયા દરમિયાન કુદરતી ન્યાયના સિદ્ધાંતોનું પાલન કર્યું છે અને ફિલ્મ નિર્માતાઓ પાસે હજુ પણ સિનેમેટોગ્રાફ એક્ટ હેઠળ હાઇકોર્ટમાં અપીલ કરવાનો ઉપાય છે. જોકે, ફિલ્મ નિર્માતાઓએ દલીલ કરી હતી કે આ અરજી આ કોર્ટ સમક્ષ સ્વીકાર્ય છે. તેમના વતી હાજર રહેલા વરિષ્ઠ વકીલ રવિ કદમે દલીલ કરી હતી કે સીબીએફસી રિવાઇઝિંગ કમિટીનો અસ્વીકાર માત્ર ફિલ્મ નિર્માતાના મૂળભૂત અધિકારોનું ઉલ્લંઘન કરે છે, પરંતુ સીબીએફસી એ ફિલ્મ રિલીઝ થાય તે પહેલાં ખાનગી વ્યક્તિ (યોગી આદિત્યનાથ) પાસેથી NOC મેળવવાનો નિર્દેશ આપીને તેના અધિકારક્ષેત્રની બહાર પણ કાર્ય કર્યું છે.
(10:06 AM IST)
છેલ્લા 8 દિવસમાં સૌથી લોકપ્રિય 
