ઝોમેટો અને બ્લિંકિટની પેરેન્ટ કંપની એટરનલને GST નોટિસ મળી છે. ઝોમેટો અને બ્લિંકિટ બ્રાન્ડ્સ ધરાવતી એટરનલને GST વિભાગ તરફથી ત્રણ ઓર્ડર મળ્યા છે, જેમાં વ્યાજ અને દંડ સહિત કુલ 40 કરોડ રૂપિયાથી વધુનો ટેક્સ માંગવામાં આવ્યો છે.

GST ડિમાન્ડ નોટિસ પર, એટરનલની કંપની ઝોમેટોએ જણાવ્યું હતું કે તે જુલાઈ 2017 થી માર્ચ 2020 સુધીના બેંગલુરુના જોઈન્ટ કમિશનર-4 ના ટેક્સ ડિમાન્ડ ઓર્ડર સામે અપીલ કરશે.

સોમવારે રાત્રે એક નિયમનકારી ફાઇલિંગમાં ઝોમેટોએ જણાવ્યું હતું કે તેને 25 ઓગસ્ટ, 2025 ના રોજ બેંગલુરુના સંયુક્ત કમિશનર, અપીલ-4 તરફથી 3 આદેશો મળ્યા હતા, જેમાં 21.42 કરોડ રૂપિયાના વ્યાજ અને 1.72 કરોડ રૂપિયાના દંડ સાથે 17.19 કરોડ રૂપિયાની GST માંગની પુષ્ટિ કરવામાં આવી હતી. તેમણે કહ્યું કે અમને લાગે છે કે અમારો કેસ મજબૂત છે, જેને વકીલોના મંતવ્ય દ્વારા પણ સમર્થન મળે છે, અને કંપની આ આદેશો સામે યોગ્ય અધિકારી સમક્ષ અપીલ દાખલ કરશે.