૫૦% ટ્રમ્પ ટેરિફ લાગુ : દાવ પર ૪૮ અબજ ડોલર : ૧૨ સેકટરને અસર
૫૦ ટકા હાઇ ટેરિફથી ૪૮ અબજ ડોલરથી વધુ મુલ્યની ભારતીય નિકાસ પર ખતરાના વાદળો કેટલીક ચીજ વસ્તુઓની નિકાસ માત્રામાં ૭૦% સુધીનો ઘટાડો થશે : ભારતની અમેરિકામાં નિકાસ ૪૩% ઘટી શકે છે
નવી દિલ્હી, તા.૨૭: અમેરિકી રાષ્ટ્રપતિ ડોનાલ્ડ ટ્રમ્પ દ્વારા ભારત દ્વારા રશિયન તેલ અને શષાોની ખરીદી પર લાદવામાં આવેલ વધારાનો ૨૫્રુ ટેરિફ આજથી લાગુ થઈ રહ્યો છે. આ સાથે ભારત હવે બ્રાઝિલ સાથે સૌથી વધુ યુએસ ટેરિફ ધરાવતા દેશોની યાદીમાં જોડાઈ જશે, જે ૫૦% છે. બે તબક્કામાં જાહેર કરાયેલા આ યુએસ ટેરિફ ભારતના કોમોડિટી વેપારના લગભગ બે તળતીયાંશ ભાગને આવરી લે છે, જે તેનું સૌથી મોટું નિકાસ બજાર છે. આની ખાસ કરીને ૧૨ મુખ્ય ક્ષેત્રો પર મોટી અસર પડી શકે છે અને ક્રિસિલ રેટિંગ્સે પણ આ અંગે મોટી ચેતવણી આપી છે.
ડોનાલ્ડ ટ્રમ્પ દ્વારા ભારતીય માલની આયાત પર લાદવામાં આવેલ ૫૦% ઉચ્ચ ટેરિફ ૪૮ અબજ ડોલરથી વધુ મૂલ્યની ભારતીય નિકાસને જોખમમાં મૂકી રહ્યું છે, કારણ કે અમેરિકા ભારતીય માલ માટેનું સૌથી મોટું બજાર છે. આ ટેરિફ ભારત પર બે તબક્કામાં લાગુ કરવામાં આવી રહ્યો છે. વાસ્તવમાં, જુલાઈમાં ૨૫્રુ ટેરિફની જાહેરાત કરવામાં આવી હતી, પરંતુ પછી ઓગસ્ટ મહિનામાં, ટ્રમ્પ દ્વારા વધારાનો ૨૫્રુ ટેરિફ જાહેર કરવામાં આવ્યો હતો. આ વધારાનો ટેરિફ કથિત રીતે દંડ તરીકે લાદવામાં આવ્યો હતો અને ટ્રમ્પ વહીવટીતંત્રના જણાવ્યા મુજબ, ભારત દ્વારા રશિયન તેલ અને શષાોની સતત આયાતના જવાબમાં આ ટેરિફ લાદવામાં આવ્યો છે.
આ ૧૨ ક્ષેત્રો પર ટેરિફની મોટી અસર પડશે
કાપડ અને વષાો $૧૦.૯ બિલિયન
હીરા, ઝવેરાત $૧૦ બિલિયન
મશીનરી અને સાધનો $૬.૭ બિલિયન
કળષિ, પ્રોસેસ્ડ ફૂડ $૬ બિલિયન
ધાતુઓ (સ્ટીલ, એલ્યુમિનિયમ, તાંબુ) $૪.૭ બિલિયન
કાર્બનિક રસાયણો $૨.૭ બિલિયન
ઝીંગા અને સીફૂડ $૨.૪ બિલિયન
હસ્તકલા-કાર્પેટ, ચામડું-ફર્નિચર $૫ બિલિયનથી વધુ
જોકે, હાલમાં ટ્રમ્પના ટેરિફથી કેટલાક ક્ષેત્રોને રાહત મળી છે, જેમાં જો આપણે કેટલીક શ્રેણીઓ વિશે વાત કરીએ, તો તે ફાર્માસ્યુટિકલ્સ, ઇલેક્ટ્રોનિક્સ અને પેટ્રોલિયમ ઉત્પાદનો છે, જે ભારતની કુલ નિકાસના ૩૦% છે અને હજુ પણ ટેરિફ મુક્ત છે. જ્યારે ભારતની મોટાભાગની નિકાસ પર હવે ૫૦્રુ ડ્યુટી લાગુ થશે, જે યુએસ બજારમાં નિકાસકારો માટે પડકારોને ઘણી હદ સુધી વધારશે.
ટ્રમ્પ ટેરિફની અસર ભારતના તિરુપુર, નોઈડા, સુરત, વિશાખાપટ્ટનમ અને જોધપુર જેવા ઉત્પાદન કેન્દ્રોમાં પહેલાથી જ દેખાઈ રહી છે અને ઉત્પાદનને તેનાથી ખરાબ અસર થઈ છે, જ્યારે ક્રિસિલ રેટિંગ્સે ચેતવણી આપી છે કે આ નાણાકીય વર્ષમાં કેટલીક ચીજવસ્તુઓના નિકાસ વોલ્યુમમાં ૭૦% સુધીનો ઘટાડો થઈ શકે છે અને ભારતની અમેરિકામાં નિકાસમાં ૪૩%નો ઘટાડો થઈ શકે છે.
ભારતની નિકાસમાં ઘટાડાથી વિયેતનામ, બાંગ્લાદેશ, ચીન, તુર્કી, ઇન્ડોનેશિયા અને મેક્સિકો જેવા સ્પર્ધાત્મક દેશોને ફાયદો થઈ શકે છે, જેમની પાસે ભારત કરતા ઘણા ઓછા ટેરિફ છે. આ દેશો ભારતમાંથી નિકાસ કરાયેલા માલનો પુરવઠો કરીને યુએસ બજારમાં -વેશ કરી શકે છે.
ટેરિફનો સામનો કરવા માટે ભારતની તૈયારી : ભારતે યુએસ ટેરિફની અસર ઘટાડવા માટે પણ તૈયારી કરી છે અને રિપોર્ટ અનુસાર, ભારત સરકાર ૨૫,૦૦૦ કરોડ રૂપિયાના નિકાસ પ્રમોશન મિશન પર કામ કરી રહી છે. આમાં ટ્રેડ ફાઇનાન્સ અને ક્રેડિટ એક્સેસ, ટેક્સટાઇલ અને ફૂડ પ્રોસેસિંગ માટે GSTમાં ફેરફાર, SEZ માં સુધારા, ‘બ્રાન્ડ ઇન્ડિયા' હેઠળ વૈશ્વિક ઈ-કોમર્સ અને વેરહાઉસિંગને પ્રોત્સાહન આપવાનો સમાવેશ થાય છે.
કેન્દ્રીય વાણિજ્ય મંત્રી પીયૂષ ગોયલે યુએસ ટેરિફ સામે બદલો લેવાની શકયતાને નકારી કાઢી હતી, પરંતુ સ્પષ્ટપણે જણાવ્યું હતું કે ભારત નિકાસકારો અને નોકરીઓનું રક્ષણ કરવા માટે દરેક ઉપલબ્ધ માધ્યમો (નીતિ, નાણાકીય અને રાજદ્વારી)નો ઉપયોગ કરશે. દરમિયાન, ભારત તેના નિકાસ બજારોમાં વૈવિધ્ય લાવવા અને યુએસ સાથે જોડાણ કરવા માટે કામ કરી રહ્યું છે.(૨૩.૮)
(10:49 AM IST)
છેલ્લા 8 દિવસમાં સૌથી લોકપ્રિય 
