છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
લ્યો બોલો...યુવકને કરડયાં પછી કૂતરું મરી ગયું
કૂતરું મરી જતાં ગભરાયેલો યુવાન સારવાર લેવા દવાખાને પહોંચ્યો
પાણીપત,તા.૨૮: દેશભરમાં હાલ રખડતાં કૂતરાઓનો મુદ્દો ચર્ચાનું કેન્દ્ર બન્યો છે. આ મામલો એટલો વકર્યો હતો કે છેવટે સુપ્રીમ કોર્ટ સુધી પહોંચ્યો હતો. રખડતાં કૂતરાઓના ત્રાસના કિસ્સા તો સૌએ સાંભળ્યાં કે અનુભવ્યાં હશે. જોકે હરિયાણાના પાણિપત જિલ્લાની એક બજારમાં દુકાનદારને કરડ્યા પછી કુતરાનું મોત થઈ ગયું હોવાની ચોંકાવનારી ઘટના બનતા લોકો આﾍર્યમાં મુકાઈ ગયા હતાં. આ ઘટનાને નજરે જોનારા અન્ય દુકાનદારોની સાથે-સાથે બજારના તમામ લોકો પણ આﾍર્યમાં પડી ગયા કે છેવટે કુતરાનું મોત થયું કેવી રીતે. જ્યારે ઘાયલ દુકાનદારને સરકારી હોસ્પિટલમાં સારવાર માટે દાખલ કરવામાં આવ્યો છે.
પ્રાથમિક માહિતી મુજબ, દુકાનદાર લલિત બજાજે જણાવ્યું કે મહાવીર બજારમાં પ્રેમમંદિરની પાસે પોતાની કરિયાણાની હોલસેલની દુકાન છે. હું મારી દુકાનની બહાર બાઇક પર જઈ રહ્યો હતો, ત્યારે બે કુતરા લડી રહ્યા હતા. મેં કુતરાઓને હટાવવાની કોશિશ કરી, કારણ કે કુતરાઓ દુકાન પર આવતા ગ્રાહકોને કરડવાની કોશિશ કરતા હતા. આ દરમિયાન એક કુતરો મને કરડ્યો, તેના થોડા સમય પછી કુતરાનું મોત થઈ ગયું.
બજાજે કહ્યું કે કુતરાનું મોત કેવી રીતે થયું તેની મને ખબર નથી. મને આસપાસના દુકાનદારોએ માહિતી આપી કે મને કરડ્યા પછી કુતરાની તબિયત બગડી અને પછી તેનું મોત થઈ ગયું. જેના કારણે મને પણ ટેન્શન થયું કે મને કરડ્યા પછી અચાનક કુતરો કેવી રીતે મરી ગયો. હું મારી સારવાર કરાવવા માટે સિવિલ હોસ્પિટલમાં આવ્યો છું, જ્યાં ડોક્ટરોએ મને ઈન્જેક્શન આપ્યું છે.
જ્યારે જનસેવા દળના એક પદાધિકારી ચમન ગુલાટીએ જણાવ્યું કે આજે રાજ્યના દરેક શહેરમાં રખડતા કુતરાઓની સંખ્યા વધી ગઈ છે અને સરકારી હોસ્પિટલોમાં રોજ કુતરા કરડવાના કેસો વધી રહ્યા છે. પરંતુ યુવકને કરડ્યા પછી કુતરાનું મોત થયું તેવી ઘટના પહેલીવાર બની છે.(૪૦.૧૨)
(9:44 AM IST)
