છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
રશીયા - યુક્રેન વચ્ચે યુધ્ધ બંધ નહી થાય તો આર્થિક યુધ્ધ શરૂ થશે : ટ્રમ્પની ધમકી
અમેરિકી રાષ્ટ્રપતિએ બંને દેશો ઉપર પ્રતિબંધ ભારે પડશેનું જણાવ્યું
નવી દિલ્હી, તા.૨૮: લાંબા સમયથી ચાલી રહેલ યુક્રેન અને રશિયા વચ્ચેના યુદ્ધનો હજુ સુધી કોઈ ઉકેલ આવ્યો નથી. અમેરિકાના પ્રમુખ ડોનાલ્ડ ટ્રમ્પે પણ આ મામલાને ઉકેલવાનો પ્રયાસ કર્યો હતો, પરંતુ હવે તેમને પણ સફળતા મળતી દેખાતી નથી. અલાસ્કામાં રશિયન રાષ્ટ્રપતિ વ્લાદિમીર પુતિન સાથે એક બેઠક યોજાઈ હતી,
જેમાં ટ્રમ્પે યુક્રેન યુદ્ધ વિશે વાત કરી હતી. જોકે, હજુ સુધી શાંતિ સમજૂતી શકય બની નથી. જોકે હવે ટ્રમ્પે ઝેલેન્સ્કી પર પોતાનો ગુસ્સો ઠાલવી રહ્યા છે. તેમણે યુક્રેનને ધમકી આપી છે.
વ્હાઇટ હાઉસ ખાતે પત્રકારો સાથે વાત કરતા ટ્રમ્પે કહ્યું કે યુદ્ધ બંને બાજુથી થાય છે. આ માટે એકને દોષ આપવો ખોટું છે. તેમણે કહ્યું, દર અઠવાડિયે હજારો લોકો પોતાનો જીવ ગુમાવી રહ્યા છે, જેમાંથી મોટાભાગના યુવાનો છે. જો મારે તેમને બચાવવા હોય તો મારે પ્રતિબંધો લાદવા પડશે. તેનો ઉકેલ મારી રીતે લાવવો પડશે. ટ્રમ્પે કહ્યું કે જો પ્રતિબંધો લાદવામાં આવશે તો તે રશિયા અને યુક્રેન બંને પર ભારે પડશે.
ટ્રમ્પે ધમકી આપી છે કે જો યુદ્ધ બંધ નહીં થાય તો આર્થિક યુદ્ધ શરૂ થઈ શકે છે. તેમણે કહ્યું કે તેના ગંભીર પરિણામો જોવા મળશે. તે વિશ્વ યુદ્ધ નહીં હોય, પરંતુ તે ચોક્કસપણે આર્થિક યુદ્ધ હશે. તે ખૂબ જ ખરાબ સાબિત થશે. અમેરિકા રાજદ્વારી સ્તરે યુક્રેન સંઘર્ષને રોકવા તરફ આગળ વધી રહ્યું છે. આ ક્રમમાં, આ અઠવાડિયે અમેરિકા અને યુક્રેનના પ્રતિનિધિઓ વચ્ચે એક બેઠકનું આયોજન કરવામાં આવ્યું છે. ટ્રમ્પના રાજદૂત સ્ટીવ વિટકોફે કહ્યું કે તેઓ આ અઠવાડિયે ન્યૂયોર્કમાં યુક્રેનિયન પ્રતિનિધિઓને મળશે. વિટકોફે ફોક્સ ન્યૂઝને આપેલા ઇન્ટરવ્યુમાં કહ્યું, હું આ અઠવાડિયે યુક્રેનના પ્રતિનિધિઓને મળવા જઇ રહ્યો છું. હું તેમને ન્યૂયોર્કમાં મળીશ.
(3:17 PM IST)
