તા. ૧૧ જાન્યુઆરી ર૦ર૫ વિક્રમ સંવત ર૦૮૧ પોષ સુદ – ૧૨ શનિવાર
ધોરણ ૧૧ના વિદ્યાર્થીનું માથું ધડથી અલગ કરી પોલીથીનમાં લપેટીને ફેંકી દીધું
લોકોએ શંકા વ્યક્ત કરી હતી કે કાળા જાદુને કારણે યશની ક્રૂરતાથી હત્યા કરવામાં આવી હતી અને શરીરના ઘણા ટુકડા કરવામાં આવ્યા હતા
પ્રયાગરાજ,તા.૨૯: યુપીના પ્રયાગરાજના ઔદ્યોગિક વિસ્તારમાં સરસ્વતી હાઇ-ટેક સિટી નજીક કુરિયા યાદવ બસ્તી નજીક એક નાળામાં માથા વગરનો મૃતદેહ મળ્યાના ૨૪ કલાકની અંદર, પોલીસે સીસીટીવી ફૂટેજના આધારે લાશ ફેંકીને ભાગી ગયેલા સ્કૂટર સવારની ઓળખ કરી લીધી છે. તેને કસ્ટડીમાં લઈ પૂછપરછ કરવામાં આવી છે. મૃતક છોકરાની ઓળખ ૧૭ વર્ષીય પિયુષ સિંહ ઉર્ફે યશ તરીકે થઈ છે.
આરોપી યશનો પાડોશી શરણ સિંહ હોવાનું કહેવાય છે. જો કે, આ ભયાનક હત્યા પાછળનું કારણ હજી સ્પષ્ટ નથી. સૂત્રોના જણાવ્યા મુજબ, આરોપીની ઓળખ થતાં પોલીસે યશનું માથું પણ શોધી કાઢ્યું છે. બીજી તરફ, ગુસ્સે ભરાયેલા લોકોએ કારેલી પોલીસ સ્ટેશનનો ઘેરાવ કર્યો હતો અને આરોપીને ફાંસી આપવાની માગ કરી હતી. મંગળવારે બપોરે લગભગ ૨.૩૦ વાગ્યે કુરિયા યાદવ બસ્તી પાસે એક સ્કૂટી સવાર આવ્યો હતો અને કાપેલુ માથું, હાથ અને પગ સાથેની લાશને પોલીથીનમાં ફેંકી ભાગી ગયો હતો. નજીકમાં ભેંસો ચરાવતી એક વૃદ્ધ મહિલાએ બૂમ પાડી ત્યારે ગ્રામજનો અને પોલીસને આ વાતની જાણ થઈ. લાશને પોતાના કબજામાં લીધા બાદ, પોલીસે I-TripleC ની મદદથી સીસીટીવી ફૂટેજ તપાસ્યા હતા.
ગુનાના સ્થળથી થોડે દૂર લાગેલા કેમેરા ફૂટેજમાં, એક સ્કૂટી સવાર સ્કૂટીના આગળના ફૂટરેસ્ટ પર કપડામાં લપેટાયેલો અડધો કાપેલો મૃતદેહ લઈ જતો દેખાય છે. સ્કૂટીના નંબરના આધારે, પોલીસે કારેલી પોલીસ સ્ટેશન વિસ્તારના સાદિયાપુરના આરોપી શરણ સિંહને કસ્ટડીમાં લીધો છે અને શરીરના અન્ય ભાગો પણ કબજે કર્યા છે. પોલીસ અધિકારીઓએ જણાવ્યું હતું કે આ કેસ ટૂંક સમયમાં ઉકેલાઈ જશે.
પિયુષ સિંહ ઉર્ફે યશ મંગળવારે સવારે શાળાએ જવા માટે ઘરેથી નીકળ્યો હતો. જ્યારે વિસ્તારના લોકોને ખબર પડી કે યશની હત્યા કરનાર અને લાશના ટુકડા કરીને નાળામાં ફેંકનાર વ્યક્તિ તેનો પાડોશી શરણ સિંહ છે, ત્યારે વિસ્તારમાં રોષ ફેલાઈ ગયો.
કારેલી પોલીસ સ્ટેશન વિસ્તારના સાદિયાપુરનો યશ ૧૧મા ધોરણનો વિદ્યાર્થી હતો. તેના પિતાનું અવસાન થઈ ચૂક્યું છે. મંગળવારે સવારે લગભગ ૮ વાગ્યે યશ સ્કૂલે જવા નીકળ્યો હતો. પરંતુ, તે મોડી સાંજ સુધી ઘરે પાછો ફર્યો ન હતો. યશની માતા કામિની સિંહે કારેલી પોલીસ સ્ટેશનમાં ગુમ થયાની ફરિયાદ નોંધાવી હતી. બુધવારે મોડી સાંજે પરિવારને યશની હત્યાની જાણ થઈ. યશની માતા સહિતના લોકએ કહ્યું કે આરોપી ગુનેગાર સ્વભાવનો માણસ છે. તે કાળો જાદુ પણ કરે છે. અને કાળા જાદુને કારણે યશની ક્રૂરતાથી હત્યા કરવામાં આવી હતી અને શરીરના ઘણા ટુકડા કરવામાં આવ્યા હતા.
પોલીસના જણાવ્યા મુજબ, પૂછપરછ દરમિયાન, આરોપીએ જણાવ્યું કે થોડા સમય પહેલા તેની પુત્રી અને પુત્રએ આત્મહત્યા કરી હતી. આ ઘટનાથી તે ખૂબ જ આઘાત પામ્યો હતો. તેણે એક તાંત્રિકનો સંપર્ક કર્યો, જેણે કહ્યું કે જો તે તેના પુત્ર અથવા પુત્રીની ઉંમરના કિશોરનું બલિદાન આપશે તો તેના બધા ગ્રહ દોષો સમાપ્ત થઈ જશે. આ કારણે, તેણે પિયુષને મારી નાખવાની યોજના બનાવી, હત્યા પછી, તેણે પિયુષના હાથ, પગ અને માથું કાપીને કરેડા જંગલમાં ફેંકી દીધું, જ્યારે તેણે ધડ સ્કૂટર પર મૂકીને ઔદ્યોગિક વિસ્તારમાં છોડી દીધું. આરોપીના ઈશારા પર પોલીસે કરેડા જંગલમાંથી માથું, હાથ અને પગ પણ કબજે કર્યા છે.(૪૦.૯)
(9:25 AM IST)
છેલ્લા 8 દિવસમાં સૌથી લોકપ્રિય 
