કોમર્શિયલ સિલિન્ડરના ભાવમાં સતત પાંચમા મહિને ઘટાડો
સપ્ટેમ્બરના પહેલા દિવસે લોકોને મોંઘવારીથી રાહત મળી છે : ઓઇલ માર્કેટિંગ કંપનીઓએ સતત પાંચમા મહિને ૧૯ કિલો LPG સિલિન્ડરના ભાવમાં ઘટાડો કર્યો છે : દિલ્હીમાં કોમર્શિયલ સિલિન્ડર હવે ૫૧.૫૦ રૂપિયા સસ્તો થયો છે : છેલ્લા ૫ મહિનામાં તેની કિંમત ૨૨૩ રૂપિયા ઘટી છે
નવી દિલ્હી, તા.૧: સરકારે તહેવારોની મોસમમાં લોકોને મોટી રાહત આપી છે. ઓઇલ માર્કેટિંગ કંપનીઓએ સતત પાંચમા મહિને ૧૯ કિલો LPG સિલિન્ડરના ભાવમાં ઘટાડો કર્યો છે. દિલ્હીમાં કોમર્શિયલ સિલિન્ડર હવે ૧૫૮૦ રૂપિયા છે જ્યારે પહેલા તેની કિંમત ૧૬૩૧.૫૦ રૂપિયા હતી. આ રીતે, તેની કિંમતમાં ૫૧.૫૦ રૂપિયાનો ઘટાડો કરવામાં આવ્યો છે. ઘટાડેલી કિંમત આજથી અમલમાં આવી છે. જોકે, ફરી એકવાર ઘરોમાં વપરાતા ૧૪.૨ કિલો LPG સિલિન્ડરના ભાવમાં કોઈ ફેરફાર કરવામાં આવ્યો નથી. દિલ્હીમાં સામાન્ય ગ્રાહકો માટે, તેની કિંમત ૮૫૩ રૂપિયા યથાવત છે.
કોલકાતામાં ૧૯ કિલોગ્રામ સિલિન્ડરની કિંમત હવે ૧૬૮૪ રૂપિયા છે. મુંબઈમાં, તે હવે ૧૫૩૧.૫૦ રૂપિયામાં ઉપલબ્ધ થશે જ્યારે ચેન્નાઈમાં તેનો દર ઘટીને ૧૭૩૮ રૂપિયા થઈ ગયો છે. આ નાણાકીય વર્ષમાં કોઈ પણ મહિનામાં કોમર્શિયલ સિલિન્ડરની કિંમતમાં વધારો કરવામાં આવ્યો નથી. માર્ચમાં, દિલ્હીમાં કિંમત ૧૮૦૩ રૂપિયા હતી જે ૧ એપ્રિલે ઘટીને ૧૭૬૨ રૂપિયા થઈ ગઈ. ૧ મેના રોજ, તે ફરીથી ઘટાડવામાં આવી અને તે ૧૭૪૭.૫૦ રૂપિયા થઈ ગઈ. ૧ જૂનના રોજ તેની કિંમત ૧૭૨૩.૫૦ રૂપિયા, ૧ જુલાઈના રોજ ૧૬૬૫ રૂપિયા અને ૧ ઓગસ્ટના રોજ ૧૬૩૧.૫૦ રૂપિયા હતી. આ રીતે, ૫ મહિનામાં તેની કિંમતમાં ૨૨૩ રૂપિયાનો ઘટાડો થયો છે.
ઘરમાં વપરાતા ૧૪.૨ કિલોગ્રામના સિલિન્ડરનો ભાવ છેલ્લે ૮ એપ્રિલે બદલવામાં આવ્યો હતો. દિલ્હીમાં, સામાન્ય ગ્રાહક માટે તેનો ભાવ ૮૫૩ રૂપિયા છે. તેવી જ રીતે, કોલકાતામાં તે ૮૭૯ રૂપિયા, મુંબઈમાં ૮૫૨.૫૦ રૂપિયા અને ચેન્નાઈમાં ૮૬૮.૫૦ રૂપિયા છે. જોકે, ઉડ્ડયન બળતણ એટલે કે એટીએફના ભાવમાં ફેરફાર કરવામાં આવ્યો છે. દિલ્હીમાં તેની કિંમત હવે ૯૦,૭૧૩.૫૨ રૂપિયા પ્રતિ કિલોલીટર થઈ ગઈ છે.(૨૩.૨)
(10:44 AM IST)
છેલ્લા 8 દિવસમાં સૌથી લોકપ્રિય 
