હવે સહેજ પણ બેદરકારી એરપોર્ટ ચલાવતી એજન્સીને મોંઘી પડશે
જો સામાન મેળવવામાં વિલંબ થાય અથવા શૌચાલય ગંદા જોવા મળે તો એરપોર્ટને દંડ ભરવો પડશે
નવી દિલ્હી, તા.૧: હવે સહેજ પણ બેદરકારી એરપોર્ટ ચલાવતી એજન્સીને મોંઘી પડશે. જો એરપોર્ટ પર શૌચાલય ગંદા જોવા મળે છે, સામાન મેળવવામાં વિલંબ થાય છે અથવા ચેક-ઇન, સુરક્ષા અને ઇમિગ્રેશનમાં લાંબી કતારો હોય છે, તો એરપોર્ટને દંડ ભરવો પડશે. એરપોર્ટ ઇકોનોમિક રેગ્યુલેટરી ઓથોરિટી એ એક પ્રસ્તાવ મૂકયો છે. આ અંતર્ગત, એરપોર્ટની યુઝર ડેવલપમેન્ટ ફી ઘટાડી શકાય છે.
ટાઈમ્સ ઓફ ઈન્ડિયા અનુસાર, AERA બધા મુખ્ય એરપોર્ટ માટે સમાન નિયમો બનાવવા માંગે છે. આ નિયમો એવા એરપોર્ટ પર લાગુ થશે જ્યાં દર વર્ષે ૩૫ લાખથી વધુ મુસાફરો આવે છે. આ નિયમોનું પાલન કરનારા એરપોર્ટને પુરસ્કાર આપવામાં આવશે. જેઓ નહીં કરે તેમને દંડ કરવામાં આવશે. થર્ડ પાર્ટી ઓડિટથી ખબર પડશે કે એરપોર્ટ નિયમોનું પાલન કરી રહ્યા છે કે નહીં.
પ્રસ્તાવિત યોજનામાં દરેક સ્થળે મહત્તમ રાહ જોવાનો સમય શામેલ છે. એટલે કે, ટર્મિનલમાં -વેશ, ચેક-ઇન, સુરક્ષા, ઇમિગ્રેશન અને સામાન સંગ્રહ માટે કેટલો સમય લેવો જોઈએ તે નક્કી કરવામાં આવશે. સ્વચ્છતા, આવશ્યક સુવિધાઓની ઉપલબ્ધતા અને ડિજી યાત્રા જેવી ટેકનોલોજીનો ઉપયોગ પણ જોવામાં આવશે.
AERA કહે છે કે આ નિયમો મુસાફરોના હિતોનું રક્ષણ કરશે, જવાબદારી વધારશે અને એરપોર્ટની કામગીરીમાં સતત સુધારો કરશે. ઓથોરિટીએ ૬૦ લાખથી વધુ મુસાફરો ધરાવતા એરપોર્ટને એક અલગ શ્રેણીમાં મૂકવાની યોજના બનાવી છે. તેમનું કહેવું છે કે આ એરપોર્ટ પર ઇન્ફ્રાસ્ટ્રક્ચર અને કામગીરી થોડી અલગ છે.
એક ઉદ્યોગ નિષ્ણાતે જણાવ્યું હતું કે એરલાઇન્સ, CISF, બ્યુરો ઓફ ઇમિગ્રેશન અને ગ્રાઉન્ડ-હેન્ડલિંગ એજન્સીઓ અલગથી કામ કરે છે. પરંતુ એરપોર્ટ ઓપરેટરે ખાતરી કરવી પડશે કે દરેક જગ્યાએ પર્યાપ્ત કાઉન્ટર અને સુવિધાઓ છે.
તેમણે વધુમાં જણાવ્યું હતું કે સમગ્ર હવાઈ મુસાફરી વ્યવસ્થા એકબીજા સાથે જોડાયેલી છે. ચેક-ઇન કરેલ સામાન સમયસર કન્વેયર બેલ્ટ સુધી પહોંચે તે સુનિﾍતિ કરવાની જવાબદારી એરલાઇનની છે. એરલાઇન માટે ગ્રાઉન્ડ હેન્ડલિંગ એજન્સી આ કામ કરે છે અને એજન્સીનો એરપોર્ટ ઓપરેટર સાથે કરાર છે. ચેક-ઇન એ એરલાઇનની જવાબદારી છે, સુરક્ષા તપાસ CISF ની છે... બધું જોડાયેલું છે.
આ અંગે આવતા અઠવાડિયે એક બેઠક યોજાવાની છે. ૨૪ સપ્ટેમ્બર સુધીમાં આ દરખાસ્ત પર મંતવ્યો આપી શકાય છે. AERA બધા સૂચનો પર વિચાર કરશે. આ પછી જ નવા નિયમો લાગુ કરવામાં આવશે. આનાથી મુસાફરોને એરપોર્ટ પર સારી સુવિધાઓ મળશે અને તેમને ઓછી મુશ્કેલીનો સામનો કરવો પડશે. એરપોર્ટ પર રાહ જોવાનો સમય ઓછો થશે અને સ્વચ્છતા પણ સારી થશે.
(2:01 PM IST)
છેલ્લા 8 દિવસમાં સૌથી લોકપ્રિય 
