નવી દિલ્હી : ટાટા ગ્રુપની હોલ્ડિંગ કંપની ટાટા સન્સને શેરબજારમાં લિસ્ટિંગની જરૂરિયાતમાંથી મુક્તિ મળી શકે છે.  એક અહેવાલમાં સૂત્રોને ટાંકીને જણાવ્યું છે કે RBI ટાટા સન્સને અનલિસ્ટેડ પ્રાઇવેટ લિમિટેડ કંપની રહેવાની મંજૂરી આપવા તૈયાર છે. આ મુક્તિ 30 સપ્ટેમ્બર 2025 ની સમયમર્યાદા પહેલાં આપી શકાય છે. સૂત્રોએ જણાવ્યું હતું કે ટાટા સન્સે RBIની બધી શરતોનું પાલન કર્યું છે.

કંપનીએ તેનું દેવું (લગભગ રૂ. 1,200 કરોડ) ઘટાડ્યું અને NBFC (નોન-બેંકિંગ ફાઇનાન્શિયલ કંપની) લાઇસન્સ છોડી દીધું. ઉપરાંત, ટાટા સન્સે વચન આપ્યું છે કે તે જૂથની અન્ય કંપનીઓ માટે નવી લોન લેશે નહીં અને કોઈ ગેરંટી આપશે નહીં.

ટાટા સન્સ પાસે બે મુખ્ય શેરધારકો છે:

ટાટા ટ્રસ્ટ:- (૬૫.૯% હિસ્સો, જેમાં સર રતન ટાટા ટ્રસ્ટ અને સર દોરાબજી ટાટા ટ્રસ્ટનો સમાવેશ થાય છે). ટાટા ટ્રસ્ટ કંપનીને અનલિસ્ટેડ રાખવા માંગે છે.

શાપૂરજી પલોનજી ગ્રુપ (એસપી ગ્રુપ):- (૧૮.૪% હિસ્સો, મિસ્ત્રી પરિવારની માલિકીનો). તે કંપનીને લિસ્ટેડ કરવાના પક્ષમાં છે. આનાથી તેમના હિસ્સાને રોકડમાં રૂપાંતરિત કરવામાં મદદ મળશે. એસપી ગ્રુપનો હિસ્સો ધિરાણકર્તાઓને ગીરવે મૂકવામાં આવ્યો છે.

બાકીના શેર ટાટા ગ્રુપની કેટલીક કંપનીઓ અને ટાટા પરિવારના સભ્યો પાસે છે.

ટાટા સન્સે એસપી ગ્રુપને મુદ્રીકરણ યોજના ઓફર કરી છે જેથી તેમના હિસ્સાને લિસ્ટિંગ વિના રોકડમાં રૂપાંતરિત કરી શકાય. બંને શેરધારકો વચ્ચે વાતચીત ચાલી રહી છે. પરંતુ, એસપી ગ્રુપે હજુ સુધી આ દરખાસ્ત પર અંતિમ નિર્ણય લીધો નથી. આરબીઆઈ ઇચ્છે છે કે બંને શેરધારકો એકસાથે આવે અને આ બાબતે અભિપ્રાય બનાવે.

આરબીઆઈએ ટાટા સન્સને એનબીએફસી-સીઆઈસી (કોર ઇન્વેસ્ટમેન્ટ કંપની) તરીકે વર્ગીકૃત કર્યું હતું. આ અંતર્ગત, તેને સપ્ટેમ્બર 2025 સુધીમાં શેરબજારમાં લિસ્ટેડ કરવાનું હતું. પરંતુ ટાટા સન્સ શરતોનું પાલન કરે અને દેવું ઘટાડે પછી, RBI તેને NBFC-CIC માંથી દૂર કરી શકે છે. જો આવું થાય, તો લિસ્ટિંગની જરૂરિયાત સમાપ્ત થઈ જશે. અંતિમ નિર્ણય આ વર્ષના અંત સુધીમાં અથવા માર્ચ 2026 સુધીમાં લેવામાં આવી શકે છે.

આ વર્ષની શરૂઆતમાં, ટાટા ટ્રસ્ટે ટાટા સન્સના ચેરમેન એન ચંદ્રશેખરનને કંપનીને અનલિસ્ટેડ રાખવા માટે તમામ પ્રયાસો કરવા વિનંતી કરી હતી. ઉપરાંત, SP ગ્રુપને હિસ્સો વેચવાનો માર્ગ આપવા માટે વાતચીત શરૂ કરવામાં આવી હતી.