નવી દિલ્હી: વડાપ્રધાન નરેન્દ્ર મોદીએ નાણા મંત્રી નિર્મલા સીતારમણ દ્વારા આજે જાહેર કરવામાં આવેલા GSTના 'નેક્સ્ટ જનરેશન રિફોર્મ્સ'ની પ્રશંસા કરી છે. એક સોશિયલ મીડિયા પોસ્ટ દ્વારા તેમણે આ સુધારાઓને સામાન્ય માણસ, ખેડૂતો, MSME, મધ્યમ વર્ગ, મહિલાઓ અને યુવાનો માટે અત્યંત લાભદાયી ગણાવ્યા છે.
પીએમ મોદીએ જણાવ્યું કે સરકારે 'ઈઝ ઓફ લિવિંગ'ના ઉદ્દેશ્યથી GST દરોને તર્કસંગત બનાવવા અને પ્રક્રિયાગત સુધારાઓ માટે એક વિગતવાર પ્રસ્તાવ તૈયાર કર્યો હતો. તેમણે ભારપૂર્વક કહ્યું કે આ સુધારાઓ નાના વેપારીઓ અને ઉદ્યોગો સહિત સૌ કોઈ માટે 'ઈઝ ઓફ ડૂઈંગ બિઝનેસ' સુનિશ્ચિત કરશે.
વડાપ્રધાને યાદ અપાવ્યું કે તેમણે પોતાના સ્વતંત્રતા દિવસના ભાષણમાં GSTમાં નેક્સ્ટ-જનરેશન સુધારાઓ લાવવાની સરકારની ઈચ્છા વ્યક્ત કરી હતી, અને આજે થયેલી આ જાહેરાતો તે પ્રતિબદ્ધતાનું પરિણામ છે.