નવી દિલ્હી : ભારતીય હવામાન વિભાગ (IMD) એ ૬ થી ૧૨ સપ્ટેમ્બર સુધી દેશના ઘણા ભાગોમાં ભારે વરસાદની ચેતવણી જારી કરી છે. ગુજરાત, રાજસ્થાન, ઉત્તરાખંડ, હિમાચલ, દિલ્હી-એનસીઆર, ઉત્તર પ્રદેશ અને ઉત્તરપૂર્વ ભારતમાં આગામી દિવસોમાં હવામાનમાં મોટો ફેરફાર જોવા મળશે.

કયા રાજ્યોમાં ક્યારે વરસાદ પડશે:

• ગુજરાત અને રાજસ્થાન: ૬ અને ૭ સપ્ટેમ્બરે ગુજરાત અને પશ્ચિમ રાજસ્થાનમાં ભારે વરસાદની શક્યતા છે, જ્યારે ૭ અને ૮ સપ્ટેમ્બરે પૂર્વ અને પશ્ચિમ રાજસ્થાનમાં પણ ભારે વરસાદની આગાહી છે. ગુજરાતના કેટલાક ભાગોમાં ૩૦ સેમીથી વધુ વરસાદ પડી શકે છે.

• ઉત્તરાખંડ, હિમાચલ અને પંજાબ: ૬ થી ૮ અને ૧૨ સપ્ટેમ્બરે ઉત્તરાખંડમાં ભારે વરસાદની આગાહી છે, જ્યારે ૬ સપ્ટેમ્બરે હિમાચલ પ્રદેશ અને પંજાબમાં પણ ભારે વરસાદની સંભાવના છે.

• દિલ્હી-એનસીઆર અને હરિયાણા: ૬ અને ૯ સપ્ટેમ્બરે દિલ્હી-એનસીઆર, હરિયાણા અને ચંદીગઢમાં ભારે વરસાદની ચેતવણી જારી કરવામાં આવી છે.

• ઉત્તર પ્રદેશ અને મધ્ય ભારત: ૧૧ અને ૧૨ સપ્ટેમ્બરે પૂર્વી ઉત્તર પ્રદેશમાં ભારે વરસાદ પડશે. મધ્યપ્રદેશ, છત્તીસગઢ અને ઓડિશામાં ૬ થી ૧૨ સપ્ટેમ્બર દરમિયાન છૂટાછવાયા વરસાદની શક્યતા છે, જ્યારે ૬ સપ્ટેમ્બરે પશ્ચિમ મધ્યપ્રદેશમાં અતિ ભારે વરસાદની આગાહી છે.

• ઉત્તરપૂર્વ અને દક્ષિણ ભારત: આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં ૬ થી ૮ સપ્ટેમ્બર દરમિયાન ભારે વરસાદની સંભાવના છે. તમિલનાડુ, કેરળ, લક્ષદ્વીપ અને આંધ્રપ્રદેશમાં ૯ થી ૧૨ સપ્ટેમ્બર દરમિયાન ભારે પવન સાથે વરસાદ પડી શકે છે.

IMD એ લોકોને સતર્ક રહેવાની સલાહ આપી છે અને સ્થાનિક વહીવટીતંત્રને પૂર અને ભૂસ્ખલન જેવી પરિસ્થિતિઓનો સામનો કરવા માટે તૈયાર રહેવા જણાવ્યું છે.