મુંબઈના દહિસરમાં 24 માળની ઇમારતમાં આગ લાગવાથી એક મહિલાનું મોત થયું છે અને 18 લોકો ઘાયલ થયા છે. અધિકારીએ જણાવ્યું હતું કે દહિસર પૂર્વના શાંતિ નગરમાં સ્થિત ન્યૂ જનકલ્યાણ સોસાયટીમાં બપોરે 3 વાગ્યે આગ લાગી હતી

અધિકારીઓના જણાવ્યા અનુસાર, 24 માળની ઇમારતમાં લાગેલી આગમાંથી 36 લોકોને બચાવી લેવામાં આવ્યા છે, જેમાંથી 19 લોકોને અલગ અલગ હોસ્પિટલોમાં દાખલ કરવામાં આવ્યા છે.
રોહિત હોસ્પિટલમાં દાખલ કરાયેલા સાત લોકોમાંથી એક મહિલાનું મોત થયું છે. આમાંથી એક પુરુષની હાલત ગંભીર છે. અન્ય લોકોની હાલત સ્થિર છે. ઘાયલોમાંથી દસને નોર્ધન કેર હોસ્પિટલમાં અને એક-એકને પ્રગતિ હોસ્પિટલ અને શતાબ્દી હોસ્પિટલમાં લઈ જવામાં આવ્યા છે.