મહિલાઓ માટે સૌથી સલામત ગણાતા કોલકાત્તામાં ફરી ગેંગરેપ
૨૦ વર્ષીય યુવતીના જન્મદિવસે આ ઘટના ઘટીઃ ચંદન મલિક અને દીપ નામના બન્ને બળાત્કારી હાલમાં ફરાર
કોલકાત્તા તા.૮ : દેશની રાજધાની દિલ્હી સહિત અમુક શહેરો મહિલાઓ માટે સલામત ન હોવાને લીધે બદનામ છે, પરંતુ પﾍમિ બંગાળનું કોલકાત્તામાં મહિલાઓ વિરુદ્ધ ગુનાઓ વધી ગયા હોય તેમ લાગી રહ્યું છે. શહેરમાં ફરી એક ૨૦ વર્ષીય યુવતી પર ગેંગરેપ થયો હોવાનું બહાર આવ્યું છે.
દક્ષિણ ભાગમાં આવેલી એક સોસાયટીમાં રહેતી યુવતીના જન્મદિવસે આ ઘટના ઘટી હતી. ચંદન મલિક અને દીપ નામના બન્ને બળાત્કારી હાલમાં ફરાર છે. પોલીસના કહેવા પ્રમાણે યુવતી ચંદનના સંપર્કમાં આવી. ચંદન બહુ મોટી દુર્ગાપૂજા કમિટીનો સભ્ય હોવાનું તેણે કહ્યું હતું. ત્યારબાદ ચંદન દ્વારા તે દીપના સંપર્કમાં આવી. શુક્રવારે યુવતીનો જન્મદિવસ હતો. ચંદન તેનાં બર્થ ડે સેલિબ્રેશનના બહાના હેઠળ તેને દીપના ઘરે લઈ ગયો હતો. ત્યાં તેઓએ સેલિબ્રેશન કર્યું અને સાથે જમ્યા. ત્યારબાદ યુવતીએ એ જ્યારે ઘરે જવાનું કહ્યું ત્યારે બન્ને યુવકો ન માન્યા. ફલેટનો દરવાજો બંધ કરી દીધો અને યુવતીનો બળાત્કાર કર્યો. યુવતીને તેમણે બીજા દિવસે સવારે ઘરે જવા દીધી હતી.
સવારે ઘરે આવ્યા બાદ તેણે પરિવારને જાણ કરી હતી અને પરિવારે એફઆઈઆર નોંધાવી હતી. પોલીસે જણાવ્યું હતું કે અમે ફરાર થઈ ગયેલા બન્ને આરોપીને શોધી રહ્યા છે.
મહિલાઓમાં માટે ખૂબ જ સલામત અથવા તો દેશમાં સૌથી વધારે સલામત ગણાતા કોલકાત્તામાં હવે વારંવાર આવી ઘટના બનતી રહે છે. નેશનલ ક્રાઈમ બ્યૂરોના રેકોર્ડમાં પણ કોલકાતામાં મહિલાઓ વિરુદ્ધ થઈ રહેલા ગુનાઓ વધી રહ્યા છે.
અગાઉ બનેલી ઘટનાની વાત કરીએ તો સાઉથ કોલકાત્તા લો કોલેજમાં ૨૫મી જૂને એક વિદ્યાર્થિની પર બળાત્કારની ઘટના બની હતી. TMCPના ભૂતપૂર્વ અધ્યક્ષ અને કોલેજના ભૂતપૂર્વ વિદ્યાર્થી મોનોજીત મિશ્રા આ ઘટનાનો મુખ્ય આરોપી હતો.
તે પહેલા આરજી કાર મેડિકલ કોલેજમાં તાલીમાર્થી ડોક્ટરના બળાત્કાર અને હત્યા કેસએ આખા દેશમાં ચકચાર જગાવ્યો હતો. આ રાજ્ય તૃણમુલ કોંગ્રેસના મમતા બેનરજીના સૂકાનમાં ચાલતું હોવાથી વિરોધપક્ષ તરીકે ભાજપ મુદ્દાને રાજકીય રંગ આપે છે, તેવી ફરિયાદો પણ થાય છે.
જોકે દેશના તમામ શહેરો કે ગ્રામ્યવિસ્તારોમાં મહિલાઓ વિરુદ્ધ ગુનાઓમાં, દુષ્કર્મોમાં વધારો થતો જોવા મળે છે. આથી આ કોઈ ખાસ શહેર કે રાજયની નહીં પણ બધા માટે ચિંતા કરવા જેવી ઘટના છે.(૩૮.૧૧)
(9:52 AM IST)
છેલ્લા 8 દિવસમાં સૌથી લોકપ્રિય 
