નવી દિલ્હી તા.૮:લોકોના લાડકાં બનેલાં વોટ્સએપને લઈને એક મોટી ખબર સામે આવી છે. આખા ભારતમાં WhatsApp વેબ સેવા ડાઉન થઈ છે. યૂઝર્સ તેમના પીસી અને લેપટોપ પર WhatsApp ઍક્સેસ કરી શકતા નથી. નવા લોગ ઇન થયેલા યૂઝર્સને WhatsAppનો ઉપયોગ કરવામાં સમસ્યાઓનો સામનો કરવો પડી રહ્યો છે. જોકે, મોબાઇલ એપ્લિકેશનમાં WhatsApp યોગ્ય રીતે કામ કરી રહ્યું છે.

બપોરે 1.35 વાગ્યે બંધ થયું

ડાઉનડિટેક્ટરના રિપોર્ટ મુજબ, સેંકડો લોકોએ વોટ્સએપ વેબમાં આ સમસ્યાની જાણ કરી છે. યુઝર્સ બપોરે 1:35 વાગ્યાથી વોટ્સએપ વેબમાં આ સમસ્યાની જાણ કરી રહ્યા છે. વોટ્સએપ વેબમાં આ સમસ્યા અંગે મેટા દ્વારા કોઈ સત્તાવાર નિવેદન જારી કરવામાં આવ્યું નથી.

જુલાઈમાં પણ સેવા બંધ હતી

જુલાઈની શરૂઆતમાં, વૈશ્વિક સ્તરે WhatsApp સેવા ડાઉન થઈ ગઈ હતી, જેના કારણે વપરાશકર્તાઓ એપ્લિકેશન દ્વારા સંદેશા મોકલી શકતા ન હતા. હજારો વપરાશકર્તાઓએ WhatsApp માં સમસ્યાઓની ફરિયાદ કરી હતી. જુલાઈમાં, WhatsApp એપ્લિકેશનની સાથે, WhatsApp વેબની સેવા પણ ડાઉન થઈ ગઈ હતી.

સર્વિસ કેમ ઠપ્પ થાય છે?

સર્વર ડાઉનટાઇમને કારણે સામાન્ય રીતે WhatsApp અને Facebook સહિત સોશિયલ મીડિયા પ્લેટફોર્મ અને વેબસાઇટ્સ પ્રભાવિત થાય છે. ડોમેન નેમ સિસ્ટમ (DNS) સર્વરમાં આઉટેજને કારણે સેવાઓ ખાસ કરીને પ્રભાવિત થાય છે. આ ઉપરાંત, બોર્ડર ગેટવે પ્રોટોકોલ (BGP) માં ખામીઓ અને બેકબોન રાઉટર્સના રૂપરેખાંકનમાં ફેરફારને કારણે સોશિયલ મીડિયા પ્લેટફોર્મની સેવા પ્રભાવિત થાય છે. આ બધા ઉપરાંત, ડિસ્ટ્રિબ્યુટેડ ડિનાયલ ઓફ સર્વિસ (DDoS) હુમલાને કારણે સેવાઓ પણ ખોરવાઈ જાય છે.