તા. ૫ સપ્ટેમ્બર ર૦ર૬ વિક્રમ સંવત ર૦૮૨ શ્રાવણ વદ – ૯ શનિવાર
નેપાળમાં કેપી ઓલીની ખુરશી પર ખતરો : ત્રણ મંત્રીઓએ રાજીનામું આપ્યું... સાથી પક્ષે પણ તેમનો સાથ છોડયો
ગળહમંત્રી બાદ કળષિ અને પશુપાલન વિકાસ મંત્રી રામનાથ અધિકારી અને આરોગ્ય મંત્રી પ્રદીપ પૌડેલે રાજીનામું આપ્યું
કાઠમંડુ, તા.૯: જનરલ-ઝેડ વિરોધ પ્રદર્શન બાદ નેપાળમાં રાજકીય ઉથલપાથલ વધુ તીવ્ર બની છે. ગળહમંત્રી બાદ કળષિ અને પશુપાલન વિકાસ મંત્રી રામનાથ અધિકારી અને આરોગ્ય મંત્રી પ્રદીપ પૌડેલે પણ પોતાના પદ પરથી રાજીનામું આપ્યું હતું. તેમણે કહ્યું હતું કે સરકારનું વલણ લોકશાહી મૂલ્યોને બદલે સરમુખત્યારશાહી દિશામાં આગળ વધી રહ્યું છે. પોતાના રાજીનામામાં, નેપાળી કોંગ્રેસના સાંસદે લખ્યું હતું કે સરકારે નાગરિકોના લોકશાહી અધિકારોને માન્યતા આપવાને બદલે દમન, હિંસા અને બળપ્રયોગનો માર્ગ અપનાવ્યો છે, અને તેથી જ તેઓ રાજીનામું આપી રહ્યા છે.
નેપાળ સરકારના મંત્રીએ કહ્યું હતું કે આ પદ્ધતિ દેશને લોકશાહીને બદલે સરમુખત્યારશાહી તરફ લઈ જઈ રહી છે. તેમણે એમ પણ કહ્યું હતું કે તેઓ સત્તામાં રહીને આ પ્રશ્નનો જવાબ આપી શકતા નથી કે સરકારે રાષ્ટ્રનું નિર્માણ જે પેઢીથી થવું જોઈએ તેની વિરુદ્ધ હિંસાનો માર્ગ કેમ પસંદ કર્યો.
રામનાથ અધિકારીનું આ પગલું સોમવારે ગળહમંત્રી રમેશ લેખકના રાજીનામાના એક દિવસ પછી આવ્યું છે. રમેશ લેખકે સોમવારે સાંજે વડા પ્રધાન કેપી શર્મા ઓલીને પોતાનું રાજીનામું સુપરત કર્યું હતું. આ રાજીનામું જનરલ-ઝેડ વિરોધ પ્રદર્શન દરમિયાન થયેલી હિંસા અને મળત્યુ પછી પણ આવ્યું છે.
નેપાળી કોંગ્રેસના મહાસચિવ ગગન થાપાએ વડા પ્રધાન ઓલીના રાજીનામાની માંગણી કરી છે. તેમણે કહ્યું, નિર્દોષ યુવાનોના બિનજરૂરી મળત્યુ થયા છે. વડા પ્રધાને આ માટે નૈતિક જવાબદારી લેવી જોઈએ અને તાત્કાલિક પદ છોડવું જોઈએ. થાપાએ વધુમાં કહ્યું કે નેપાળી કોંગ્રેસ આ પરિસ્થિતિમાં ફક્ત સાક્ષી કે સહભાગી રહી શકે નહીં. તેમણે સ્પષ્ટ કર્યું કે તેઓ પક્ષની બેઠકમાં પણ આ મુદ્દો મજબૂતીથી ઉઠાવશે અને પક્ષને સરકારથી અલગ કરવાનો આગ્રહ રાખશે. નોંધનીય છે કે સોમવારે થયેલા પ્રદર્શનોમાં ૨૦ થી વધુ લોકો માર્યા ગયા હતા અને મોટી સંખ્યામાં લોકો ઘાયલ થયા હતા. સરકાર વતી સુરક્ષા દળોએ કડક વલણ અપનાવ્યું હતું, જેને વિપક્ષી પક્ષો અને વિરોધીઓ દ્વારા દમનકારી ગણાવવામાં આવ્યું હતું. હવે સતત ત્રણ મંત્રીઓના રાજીનામા અને નેપાળી કોંગ્રેસના મહાસચિવની કડક માંગણીએ વડા પ્રધાન ઓલીની મુશ્કેલીઓ વધારી દીધી છે.
(12:59 PM IST)
છેલ્લા 8 દિવસમાં સૌથી લોકપ્રિય 
