વર્દી પહેર્યા પછી પોલીસે વ્યક્તિગત અને ધાર્મિક પૂર્વગ્રહો છોડવા જોઈએઃ સુપ્રીમ કોર્ટ
મહારાષ્ટ્રમાં કોમી રમખાણો દરમિયાન યુવકની હત્યા મામલે ગુનો દાખલ કરવા અને તપાસ માટે એસઆઇટી બનાવવા આદેશ
નવી દિલ્હી તા.૧૨: મહારાષ્ટ્રના અકોલા ખાતે વર્ષ ૨૦૨૩માં ફાટી નીકળેલા કોમી રમખાણો દરમિયાન હત્યાના કેસમાં પોલીસની બેદરકારીની સુપ્રીમ કોર્ટે આકરી ટીકા કરી છે. આ કેસમાં ગુનો દાખલ કરવા અને તપાસ માટે સ્પેશિયલ ઈન્વેસ્ટિગેશન ટીમ (એસઆઈટી)ની રચના કરવા સુપ્રીમ કોર્ટે આદેશ આપ્યો છે. આ સાથે કોર્ટે પોલીસ અધિકારીઓને વર્દી પહેર્યા પછી વ્યક્તિગત, સામાજિક, ધાર્મિક તથા અન્ય પ્રકારના પૂર્વગ્રહોનો ત્યાગ કરવા સૂચના આપી છે.
હત્યા જેવા ગંબીર કેસમાં ફરિયાદ દાખલ કરવામાં બેદકારી અને ઢીલાશ ભદલ મહારાષ્ટ્ર પોલીસની આકરી ટીકા કરતાં જાસ્ટિસ સંજય કુમાર અને સતીષ ચંદ્ર શર્માની બેન્ચે રાજ્યના ગૃહ સચિવને આ કેસની તપાસ માટે એસઆઈટીની રચના કરવા અને તેમાં હિન્દુ-મુસ્લિમ બંને સમુદાયના અધિકારીઓને સમાવવા નિર્દેશ આપ્યા છે. વર્દી પહેરનારા પોલીસ અધિકારીઓને તમામ પ્રકારના પૂર્વગ્રહો ત્યાગીને સંપૂર્ણ નિષ્ઠા અને વફાદારી સાથે ફરજ પાલન કરવા સુપ્રીમ કોર્ટે સલાહ આપી છે.
પ્રસ્તુત કેસની વિગતો મુજબ, મોહંમદ પયગંબર અંગે વિવાદી પોસ્ટ બાદ અકોલાના જૂના શહેર વિસ્તારમાં મે ૨૦૦૨૩ દરમિયાન રમખાણો હાટી નીકળ્યા હતા. જેમાં વિલાસ માધવરાવ ગાયકવાડનું મોત થયું હતું તથા અરજદાર સહિત આઠ પાયલ થયા હતા. મોહમ્મદ અફઝલ મોહમ્મદ શરીફ સહિત ચાર વ્યક્તિએ પાઈપ, તલવાર જેવા હથિયારો સાથે ગાયકવાડ પર હુમલો કર્યો હતો. હુમલાખોરોએ વાહનોમાં તોડફોડ કરી અન્ય લોકોને પણ ઈજા પહોંચાડી હતી.
અરજદારને હોસ્પિટલમાં દાખલ કરાયો હતો અને પોલીસે નિવેદન પણ લીધુ હતું. જો કે ફરિયાદ નોંધી ન હતી. આ કેસમાં હુમલાનો ભોગ બનેલો શરીફ સગીર હોવાથી તેના પિતાએ FIR દાખલ કરવા મુંબઈ હાઈકોર્ટમાં અરજી દાખલ કરી હતી. મુંબઈ હાઈકોર્ટ તેના ઈરાદા અંગે શંકા રાખી અરજી ફગાવી દીધી હતી. મહારાષ્ટ્ર પોલીસે હત્યા કેસમાં તપાસ હાથ ધર્યા વગર જ અરજદાર પ્રત્યક્ષદર્શી હોવાના દાવાને ફગાવી દીધા હતા. સુપ્રીમ કોર્ટે આ કેસમાં બેદરકારી દાખવનારા પોલીસ અધિકારીઓ સામે પગલાં લેવા રાજ્યના ગૃહ સચિવને નિર્દેશ આપ્યા ૂ છે. આ સાથે એઆઈટીની રચના કરી ત્રણ મહિનામાં તપાસ અહેવાલ રજૂ કરવા નિર્દેશ આપ્યા હતા.(૩૮.૩)
(9:48 AM IST)
છેલ્લા 8 દિવસમાં સૌથી લોકપ્રિય 
