છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ટીમ ઈન્ડિયાએ પાક.ને ધૂળ ચટાવી : સૂર્યાના જન્મદિનની ભેટ
મેચની શરૂઆતથી જ ભારતે પક્કડ જમાવી લીધી હતીઃ પાક.ના ચારો ખાતે ચીત : કુલદીપ, હાર્દિક, બુમરાહ, અક્ષરે બોલીંગમાં કમાલ બતાવ્યા બાદ તિલક વર્મા અને અભિર્ષક શર્માની શાનદાર બેટીંગઃ સૂર્યાએ છગ્ગો ફટકારી ભારતને જીત અપાવીઃ હવે શુક્રવારે ભારતનો ઓમાન સામે જંગ
નવી દિલ્હીઃ દુબઈ ઇન્ટરનેશનલ સ્ટેડિયમમાં એશિયા કપ ૨૦૨૫નો છઠ્ઠો મુકાબલો ભારત અને પાકિસ્તાન વચ્ચે રમાયો હતો, જેમાં ભારતીય ટીમે શાનદાર પ્રદર્શન કરી અને પાકિસ્તાનને ૭ વિકેટે હરાવી દીધું. ભારતીય ટીમે શરૂઆતથી જ આક્રમક અંદાજ અપનાવ્યો. જોકે ગિલ વહેલા સ્ટમ્પ આઉટ થઈ ગયા અને ફક્ત ૧૦ રન બનાવી શક્યા. તેમના બાદ અભિષેક શર્માએ મજબૂત બેટિંગ કરી અને માત્ર ૧૩ બોલમાં ૩૧ રન ફટકાર્યા. કપ્તાન સુર્યકુમાર યાદવ અને તિલક વર્માએ ઇન્ડિયાને જીત તરફ લઇ જતી ૫૬ રનની મહત્ત્વપૂર્ણ ભાગીદારી કરી. તિલક વર્મા ૩૧ રન બનાવી ૧૩મા ઓવરમાં આઉટ થયા ત્યારે ભારત ૯૭ રન પર હતું.
બાદમાં સુર્યકુમાર યાદવે પોતાની અનુભવી બેટિંગથી ટીમને સંભાળી રાખી અને ૪૭ રન બનાવ્યા. સુર્યકુમારે ૧૬મા ઓવરમાં એક ભવ્ય છક્કો ફટકારતાં ભારતને જીત અપાવી. ભારતે માત્ર ૩ વિકેટના નુકસાને ૧૨૮ રન બનાવીને મેચ જીતી લીધી. તેઓએ મધ્ય ઓવરોમાં બે મહત્વપૂર્ણ વિકેટ લઈને પાકિસ્તાનની પારી બેસાડી હતી. ભારતની આ જીત એશિયા કપ ૨૦૨૫માં ટીમના આત્મવિશ્વાસ માટે મહત્વપૂર્ણ સાબિત થશે. સુર્યકુમારનું શાંતિભર્યું નેતૃત્વ અને બોલર્સનું પ્રદર્શન ભારતને ફાઈનલ સુધી પહોંચાડવામાં મદદરૂપ બની શકે છે.
ટોસ જીતીને પાકિસ્તાને બેટિંગ કરવાનો નિર્ણય લીધો, પરંતુ શરૂઆતથી જ ટીમ દબાણમાં આવી ગઈ હતી. પહેલી જ ઓવરના પહેલા બોલ પર હાર્દિક પંડ્યાએ સેમ અયૂબને આઉટ કરી ભારતને પહેલી સફળતા અપાવી. ત્યારબાદ બુમરાહે પોતાનું જાદુ બતાવ્યું અને બીજા ઓવરમાં જ મુહમ્મદ હેરિસને પેવેલિયન મોકલી દીધો. ફખર ઝમાને થોડી મેચ સંભાળવાનો પ્રયાસ કર્યો હતો પરંતુ ૧૭ રન બનાવી અક્ષર પટેલના શિકાર બન્યા.
મિડલ ઓર્ડર પાકિસ્તાની બેટ્સમેન નિષ્ફળ રહ્યા. સુકાની સલમાન આઘા માત્ર ૩ રન બનાવી શક્યા. કુલદીપ યાદવે ૧૩મા ઓવરમાં બે વિકેટ ઝડપી હતી અને પાકિસ્તાનને પછાડીને મૂક્યું હતું. ફાઈનલી, પાકિસ્તાની ટીમ માત્ર ૧૨૭ રન સુધી સીમિત રહી ગઈ.પાકિસ્તાને પ્રથમ બેટિંગ કરતાં ૨૦ ઓવરમા ૯ વિકેટ ગુમાવી ૧૨૭ રન બનાવ્યા હતા, જેમાં ભારતીય બોલર્સે ખૂબ જ અસરકારક દેખાવ કર્યો હતો. કુલદીપ યાદવે ૩, બુમરાહ અને અક્ષર પટેલે ૨-૨ વિકેટ ઝડપી હતી.
કુલદીપ યાદવને ‘‘મેન ઓફ ધ મેચ'' ઘોષિત કરવામાં આવ્યા. તેઓએ મિડલ ઓવરોમાં બે મહત્વપૂર્ણ વિકેટ લઈને પાકિસ્તાનની પારી બેસાડી હતી. ભારતની આ જીત એશિયા કપ ૨૦૨૫માં ટીમના આત્મવિશ્વાસ માટે મહત્વપૂર્ણ સાબિત થશે. સુર્યકુમારનું શાંતિભર્યું નેતૃત્વ અને બોલર્સનું પ્રદર્શન ભારતને ફાઈનલ સુધી પહોંચાડવામાં મદદરૂપ બની શકે છે.(૪૦.૧૭)
(10:31 AM IST)
