નવી દિલ્‍હીઃ જો તમે દિવસભર ઇન્‍સ્‍ટાગ્રામ પર ઘણી સ્‍ટોરી પોસ્‍ટ કરો છો અને વિચારો છો કે આ તમારી રીચ ઘટાડે છે, તો તમારા માટે સારા સમાચાર છે. ઇન્‍સ્‍ટાગ્રામે સત્તાવાર રીતે સ્‍પષ્ટતા કરી છે કે તેણે તે બગને ઠીક કરી દીધો છે જેના કારણે વધુ સ્‍ટોરી પોસ્‍ટ કરનારા વપરાશકર્તાઓની પહોંચ રીચ રહી હતી.

ઇન્‍સ્‍ટાગ્રામના વડા એડમ મોસેરીએ એક વિડિઓ દ્વારા જણાવ્‍યું હતું કે વપરાશકર્તાઓ સતત ફરિયાદ કરી રહ્યા હતા કે એક દિવસમાં વધુ સ્‍ટોરી પોસ્‍ટ કર્યા પછી તેમની રીચ ઓછી થઈ રહી છે. તેમણે કહ્યું કે આ ઇરાદાપૂર્વકનું પગલું નથી પરંતુ ટેકનીકલ ખામી છે. હવે તે સુધારી દેવામાં આવ્‍યું છે અને જો તમે ઇચ્‍છો તેટલી સ્‍ટોરીે પોસ્‍ટ કરો તો તમારી રીચ મર્યાદિત રહેશે નહીં. મોસેરીએ એ પણ સ્‍પષ્ટતા કરી હતી કે બગને દૂર કરવાનો અર્થ એ નથી કે તમારા બધા ફોલોઅર્સ દરેક સ્‍ટોરી જોશે. જો કોઈ યુઝર  ઘણી બધી સ્‍ટોરી પોસ્‍ટ કરે છે, તો ઘણી વખત ફોલોઅર્સ થાકી શકે છે અને તેમને સ્‍કીપકરી  શકે છે. એટલે કે, તે તમારી કન્‍ટેન્‍ટ અને ફોલોઅર્સની રુચિ પર પણ આધાર રાખે છે.

ઇન્‍સ્‍ટાગ્રામે છેલ્લા કેટલાક મહિનામાં ઘણી નવી સુવિધાઓ રજૂ કરી છે. તાજેતરમાં, કંપનીએ લગભગ એક દાયકા પછી આઈપેડ માટે એપ લોન્‍ચ કરી છે અને યુટયુબ જેવા પિક્‍ચર-ઇન-પિક્‍ચર મોડ પર પણ કામ કરી રહી છે, જેના દ્વારા રીલ્‍સ ફ્‌લોટિંગ વિન્‍ડોમાં જોઈ શકાય છે