૫૦ ટકા ટેરિફને કારણે અમેરિકામાં ધંધો કરતા ઈન્ડિયન બિઝનેસ ઓનર્સ પરેશાન
કપડાં અને ગ્રોસરી વેચવાથી લઈને ઈન્ડિયન રેસ્ટોરાં ચલાવતા નાના ઈન્ડિયન ધંધાર્થીઓ ઉપર આર્થિક બોજ વધી ગયો
વોશીંગ્ટન,તા.૧૬: ઈન્ડિયાથી માલ મગાવતા અમેરિકાના સ્મોલ બિઝનેસિસ ૫૦ ટકા ટેરિફને કારણે ભીંસમાં આવી ગયા છે, અમેરિકામાં રેસ્ટોરાંથી લઈને ક્લોધિંગ શોપ્સ ધરાવતા બિઝનેસ ઓનર્સનું કહેવું છે કે તેમની પાસે હવે ખૂબ જ મર્યાદિત ઓપ્શન્સ રહી ગયા છે, કારણકે ટેરિફને લીધે થયેલા ભાવવધારાને એક હદથી વધુ સહન કરવો શક્ય નથી જેથી પ્રાઈસ વધાર્યા વિના છૂટકો નથી અને જો ભાવવધારો થાય તો કસ્ટમર્સ ગુમાવવાનો ડર છે.
ઈન્ડિયા પર ટેરિફ લાગવાથી અમેરિકામાં જેમના ધંધા પર અસર થઈ છે તે જાણવા અને સમજવા માટે એનબીસી ન્યૂઝ દ્વારા કેટલાક ઈન્ડિયન બિઝનેસ ઓનર્સ સાથે વાત કરવામાં આવી હતી, જેમાં સધર્ન કેલિફોર્નિયામાં ઓલ ઈન્ડિયા કાફે નામની એક રેસ્ટોરાં ચેઈન ચલાવતા એક ઈન્ડિયન ફેમિલીએ જણાવ્યું હતું કે ટેરિફ ભલે ૫૦ ટકા હોય પરંતુ ઈન્ડિયાથી આવતા મરીમસાલા તેમજ લીકરની કિંમત લગભગ ડબલ થઈ ચૂકી છે.
આ રેસ્ટોરાં ચલાવતા પવનદીપ કૌર ખિંડાએ NBCને જણાવ્યું હતું કે ઓપરેટિંગ કોસ્ટ વધી જતાં હવે મેનુ પ્રાઈસમાં વધારો કરવા કે પછી સ્ટાફના અવર્સ ઓછા કરવાની સાથે ધંધો બંધ કરી દેવા સિવાય બીજો કોઈ ઓપ્શન નથી રહ્યો. પવનદીપ કૌરનું એવું પણ કહેવું છે કે હાલ તો તેમણે ટેરિફની કોસ્ટ કસ્ટમર્સ પર નથી નાખી પરંતુ આવું લાંબો સમય નહીં ચાલે. તેમણે એમ પણ જણાવ્યું હતું કે એકાદ-બે અઠવાડિયામાં જ મેનુની કિંમત વધારવી પડશે નહીંતર રેસ્ટોરાં બંધ કરવાનો વારો આવશે અને પોતે આમ કરી શકે તેમ નથી.
અમેરિકા ઈન્ડિયાનું સૌથી મોટું એક્સપોર્ટ પાર્ટનર છે, ૨૦૨૪માં ઈન્ડિયાથી ૮૭ બિલિયન ડોલરનો માલસામાન અમેરિકા મોકલવામાં આવ્યો હતો. ઈન્ડિયાથી જે ચીજવસ્તુઓ અમેરિકા મોકલાય છે તેમાં ફાર્મા અને ઈલેક્ટ્રોનિક્સ આઈટમ્સ સહિતની વસ્તુઓ સૌથી વધારે હોય છે પરંતુ હાલ જે ટેરિફ નખાયો છે તેમાં આ બંને વસ્તુઓને બાકાત રાખવામાં આવી છે. જોકે, નાના વેપારીઓને તેનાથી કશોય ફાયદો નથી થવાનો. આ સિવાય ઈન્ડિયાથી જે ટેક્સટાઈલ અને ગારમેટ પ્રોડક્ટ્સ અમેરિકા જાય છે તેના પર ઈન્ડિયામાં ૪૫ મિલિયન જેટલા લોકોને રોજગારી મળે છે.
જોકે, ૫૦ ટકા ટેરિફને લીધે અમેરિકામાં ઈન્ડિયાથી આવતા કપડાં તેમજ બીજી વસ્તુઓ વેચતા લોકોના ગણિત ખોરવાઈ ગયા છે. કેલિફોર્નિયાના આર્ટેસિયામાં ઈન્ડિયન સાડી વેચતા હીરલ મહેતાએ ફગ્ઘ્ ન્યૂઝને આ અંગે જણાવ્યું હતું કે હાલમાં જ તેમણે ૨૦૦ જેટલા બ્રાઈડલ આઉટફિટ્સ ઈન્ડિયાથી મગાવ્યા હતા જેના પર ઼૬૨,૦૦૦ ટેરિફ ચૂકવવો પડ્યો હતો. તેમણે એમ પણ કહ્યું હતું હવે પોતાને એવો ડર લાગી રહ્યો છે કે ક્યાંક સ્ટોર જ બંધ કરવાની નોબત ના ઉભી થઈ જાય.
હીરલ મહેતાનું કહેવું હતું કે ટેરિફને કારણે તેઓ ચાલુ વર્ષે કંઈ ખાસ કમાઈ નથી શક્યા અને ઈન્ડિયાથી જે માલ આવે છે તેનું અમેરિકામાં પ્રોડક્શન કરવું અશક્ય છે. યુએસમાં લશકારા નામથી ઈન્ડિયન ક્લોધિંગ કંપની ચલાવતી સુમરી માટે ઈન્ડિયામાં ૬૦૦ લોકો કામ કરે છે, તેમણે જણાવ્યું હતું કે પોતે હજુય ત્રણ મહિના સુધી રાહ જોઈ શકે તેમ છે. જો ત્યાં સુધી ટેરિફ રદ ના થયો તો પછી સ્ટાન્ડર્ડ ટેરિફ ચાર્જ પર ઓર્ડર લાગુ કરવાની ફરજ પડશે. ટેરિફની અસર જેટલી અમેરિકામાં દેખાઈ રહી છે તેનાથી વધારે ઈન્ડિયામાં દેખાઈ રહી છે, તેની જાહેરાત થયા બાદ સુરતની સાડી બનાવતી મિલ્સે પોતાનું પ્રોડક્શન અડધું કરી નાખ્યું છે. અમેરિકામાં રમકડાં, એગ્રિકલ્ચર પ્રોડક્ટ, સી-ફુડ, જેમ્સ એન્ડ જ્વેલરી તેમજ લેધર પ્રોડક્ટ્સની એક્સપોર્ટ કરતા બિઝનેસિસની સ્થિતિ પણ કંઈક આવી જ છે.(૪૦.૧૨)
(9:21 AM IST)
છેલ્લા 8 દિવસમાં સૌથી લોકપ્રિય 
