બેંગલુરુ,તા.૧૬: કેન્‍દ્રીય અન્‍વેષણ બ્‍યુરો (સીબીઆઈ) એ વાલ્‍મીકિ કોર્પોરેશનના સરકારી નાણાંની ઉચાપત અને તેને નેતાઓના સંબંધીઓ તથા નજીકના લોકોના ખાતામાં ટ્રાન્‍સફર કરવાના કેસમાં બેંગલુરુ અને આંધ્ર પ્રદેશમાં ૧૬ સ્‍થળોએ દરોડા પાડ્‍યા હતા. આ સરકારી સંસ્‍થા જે કર્ણાટક સરકાર હેઠળ કાર્ય કરે છે, તેનો યુનિયન બેંક ઓફ ઇન્‍ડિયાની પ્‍ઞ્‍ રોડ શાખામાં એકાઉન્‍ટ છે.

આ કૌભાંડનો કેસ ૩ જૂન, ૨૦૨૪ના રોજ નોંધવામાં આવ્‍યો હતો, જ્‍યારે યુનિયન બેંકના ડીજીએમ દ્વારા ફરિયાદ કરવામાં આવી કે ખાતામાંથી રૂ.૮૪.૬૩ કરોડની છેતરપિંડી, નકલી દસ્‍તાવેજો અને ગેરકાયદેસર ટ્રાન્‍સફર દ્વારા ઉપાડ કરવામાં આવ્‍યો હતો. આ પૈસાની ટ્રાન્‍સફરનો ખેલ ૨૧ ફેબ્રુઆરી, ૨૦૨૪ થી ૬ મે, ૨૦૨૪ દરમિયાન થયો હતો. કર્ણાટક હાઈકોર્ટે આ મામલાની ગંભીરતાને ધ્‍યાનમાં લઈને ૧૬ નવેમ્‍બર, ૨૦૨૪ના રોજ ધારાસભ્‍ય બસનગૌડા આર પાટીલે હાઈકોર્ટમાં એક અરજી દાખલ કરીને ઘ્‍ગ્‍ત્‍ને શક્‍ય તેટલી વહેલી તકે અંતિમ અહેવાલ રજૂ કરવા અને સમયાંતરે સ્‍ટેટસ રિપોર્ટ આપવા જણાવ્‍યું હતું. અત્‍યાર સુધીમાં ચાર રિપોર્ટ રજૂ કરવામાં આવ્‍યા છે અને કોર્ટ આ મામલા પર સતત નજર રાખી રહી છે.

કોર્ટના આદેશ બાદ શરૂ થયેલી સીબીઆઈ તપાસમાં મોટા ખુલાસા થયા હતા. તપાસમાં બહાર આવ્‍યું છે કે માત્ર વાલ્‍મીકિ કોર્પોરેશન જ નહીં, પરંતુ એસટી વેલફેર ડિપાર્ટમેન્‍ટ અને કર્ણાટક જર્મન ટેકનિકલ ટ્રેનિંગ ઇન્‍સ્‍ટિટ્‍યૂટ (KGTTI)ના નાણાં પણ ગેરકાયદેસર રીતે ટ્રાન્‍સફર કરવામાં આવ્‍યા હતા. બેંક ઓફ બરોડા, સિદ્ધૈયા રોડ, બેંગલુરુથી રૂ.૨.૧૭ કરોડ જેવી રકમ M/s SKR Infrastructure અને M/s Golden Establishment જેવી કંપનીઓ મારફતે M/s Dhanalaxmi Enterprisesના ખાતામાં મોકલવામાં આવી હતી. આ કંપની પ્રધાન બી. નાગેન્‍દ્રના નજીકના નેક્કંતી નગરાજની છે. તેમાંથી લગભગ રૂ.૧.૨૦ કરોડ સરકારના પ્રધાનના સંબંધીઓ, જેમ કે તેમની બહેન, બનેવી અને અંગત સહાયકના ખાતામાં પહોંચાડવામાં આવ્‍યા હતા.

એ જ રીતે, કેનરા બેંક, વિલ્‍સન ગાર્ડન શાખામાંથી રૂ.૬૪ લાખ M/s Sadguru Education Trust, M/s Sadguru Solutions, M/s Skillpoint Training, અને M/s Style Machine જેવી કંપનીઓના ખાતામાં ફરતા ફરતા એન. રવિકુમાર (નેક્કંતી નગરાજનો ભાઈ) અને એન. યશવંત ચૌધરી (ભત્રીજો) સુધી પહોંચ્‍યા હતા. હાઈકોર્ટે આ તમામ આરોપોની તપાસ માટે ઘ્‍ગ્‍ત્‍ને મંજૂરી આપી છે. ઘ્‍ગ્‍ત્‍ના આ દરોડા અને તપાસથી સ્‍પષ્ટ થાય છે કે સરકારી યોજનાઓનો ઉપયોગ નેતાઓના અંગત લાભ માટે કરવામાં આવ્‍યો હતો. હવે આગળની કાર્યવાહીમાં વધુ ખુલાસા થાય તેમ માનવામાં આવી રહ્યું છે.