લંડન તા.૧૭: યુએસ રિપબ્‍લિકન પાર્ટીના નેતા અને ટ્રમ્‍પના કટ્ટર સમર્થક વેલેન્‍ટિના ગોમેઝે બ્રિટનમાં ઇમિગ્રન્‍ટ વિરોધી રેલીને સંબોધિત કરી અને આ દરમિયાન, તેમણે મુસ્‍લિમો વિરુદ્ધ ઝેર ઓક્‍યું. એકસ પર એક પોસ્‍ટમાં, ગોમેઝે કહ્યું કે અમે અમેરિકા અને યુરોપમાંથી ઇસ્‍લામનો નાશ કરીશું. બ્રિટનના જમણેરી કાર્યકર્તા ટોમી રોબિન્‍સનના સમર્થનમાં રેલીને સંબોધિત કરવા આવેલા ગોમેઝે બ્રિટિશ વડા પ્રધાન કીર સ્‍ટારમરને પીડોફાઇલ્‍સ (બાળકોના જાતીય શોષણ કરનારા) ના રક્ષક ગણાવ્‍યા અને મુસ્‍લિમોને બ્રિટન માટે મોટો ખતરો ગણાવ્‍યા. વેલેન્‍ટિની ગોમેઝ પવિત્ર કુરાન બાળવા બદલ વિવાદમાં છે, જેનો વીડિયો તેમણે સોશિયલ મીડિયા પર શેર કર્યો છે.

ગોમેઝે પોતાનો એક વીડિયો શેર કર્યો છે જેમાં તે કહે છે, 'કીર સ્‍ટારમર, તમે પીડોફિલ્‍સના સૌથી મોટા આશ્રયદાતા છો અને ભગવાન જોઈ રહ્યા છે કે તમે ઈંગ્‍લેન્‍ડ સાથે શું કર્યું છે.' ગોમેઝ તે ટીકાનો ઉલ્‍લેખ કરી રહ્યા હતા જેમાં કીર સ્‍ટારમર પર બ્રિટનના મુખ્‍ય ફરિયાદી તરીકે સેવા આપતી વખતે પાકિસ્‍તાની મુસ્‍લિમ પુરુષો દ્વારા સગીર બ્રિટિશ છોકરીઓના જાતીય શોષણને દબાવવાનો પ્રયાસ કરવાનો આરોપ મૂકવામાં આવ્‍યો હતો.

ગોમેઝે રેલીમાં ઉભેલા પોલીસકર્મીઓને સરકારના આદેશોનું પાલન ન કરવા કહ્યું અને દાવો કર્યો કે જ્‍યારે તેમના દેશમાં બળાત્‍કાર થઈ રહ્યો છે ત્‍યારે તેમને બીજી રીતે જોવાનું કહેવામાં આવી રહ્યું છે. મુસ્‍લિમોને બળાત્‍કારીઓ કહેતા, ગોમેઝે લોકોને ઉભા થવા અપીલ કરી અને કહ્યું કે આ હમણાં નહીં તો ક્‍યારેય નહીંનો સમય છે.

બ્રિટનના લોકોને સંબોધતા, અમેરિકન રિપબ્‍લિકન નેતાએ કહ્યું, જો આ બળાત્‍કારી મુસ્‍લિમો (બ્રિટન) પર કબજો કરશે, તો તેઓ ફક્‍ત તમારીસ્ત્રીઓ પર બળાત્‍કાર કરશે નહીં. તેઓ તમારા પુત્રોના શિરચ્‍છેદ કરશે, જેમ તેઓએ ૭ ઓક્‍ટોબરે ઇઝરાયલમાં કર્યું હતું. તેથી આપણે કાં તો લડીએ અથવા મરીએ. આપણે લડવૈયા છીએ...આપણે ઈસુ ખ્રિસ્‍તના યોદ્ધા છીએ.

ગોમેઝે મુસ્‍લિમોને એવા મુસ્‍લિમ દેશોમાં પાછા મોકલવાની હાકલ કરી જ્‍યાં શરિયા કાયદો અમલમાં છે. તેમણે કહ્યું, આપણને (બ્રિટનને) એક નવા વડા પ્રધાનની જરૂર છે જેની પાસે બ્રિટિશ લોકો માટે ઊભા રહેવાની અને આ બળાત્‍કારી મુસ્‍લિમો અને ગંદા હરામીઓને તેમના શરિયા દેશોમાં પાછા મોકલવાની હિંમત હોય. બીજી પોસ્‍ટમાં, વેલેન્‍ટિનો ગોમેઝે કહ્યું કે ઇંગ્‍લેન્‍ડ અંગ્રેજી લોકો માટે છે.