માંડવિયાએ નરેન્દ્રભાઈ મોદીના ૭૫મા જન્મદિવસે શાસન-મંત્રને બિરદાવ્યોઃ ગુજરાત મોડેલ બન્યું ‘‘વિકસિત ભારતનું મોડેલ''
રાજકોટઃ વડાપ્રધાન નરેન્દ્રભાઈ મોદીના ૭૫મા જન્મદિવસ નિમિત્તે, કેન્દ્રીય શ્રમ અને રોજગાર મંત્રી મનસુખભાઈ માંડવિયાએ તેમને શુભેચ્છાઓ પાઠવતા જણાવ્યું કે, મોદીજીએ ગુજરાતના મુખ્યમંત્રી તરીકેના તેમના બહોળા અનુભવને રાષ્ટ્રીય સ્તરે કામે લગાડીને શાસનનું એક સફળ ભારતીય મોડેલ બનાવ્યું છે. આ મોડેલનો મૂળમંત્ર વચનોથી વધુ કામ છે, જેના કારણે આજે દેશ વિકાસની નવી ઊંચાઈઓ સર કરી રહ્યો છે.
શ્રી માંડવિયાએ મોદીજીના શાસનકાળની મુખ્ય વિશેષતાઓને મુદ્દાસર વર્ણવી હતીઃ
૧. શાસનનો મૂળમંત્રઃ અમલીકરણ પર ભાર મુખ્યમંત્રી તરીકે, મોદીજીએ યોજનાઓ જમીની સ્તરે શા માટે સફળ કે નિષ્ફળ થાય છે તેનો ઊંડો અભ્યાસ કર્યો હતો. આ અનુભવથી તેમણે માત્ર નીતિ-નિર્માણ પર જ નહીં, પરંતુ તેના અસરકારક અમલીકરણ પર સૌથી વધુ ધ્યાન કેન્દ્રિત કર્યું. તેમનો આ જ અભિગમ આજે દેશના છેવાડાના માનવી સુધી સરકારી યોજનાઓનો લાભ પહોંચાડી રહ્યો છે.
૨. ગુજરાતની સફળ યોજનાઓ, રાષ્ટ્રીય સ્તરે વિસ્તરી
વીજળીઃ ગુજરાતની 'જ્યોતિગ્રામ યોજના'ની સફળતાને તેમણે 'દીનદયાળ ઉપાધ્યાય ગ્રામ જ્યોતિ યોજના' તરીકે દેશભરમાં લાગુ કરી, જેનાથી હજારો ગામડાઓ વીજળીથી ઝળહળી ઉઠ્યા.
બેન્કિંગઃ જન-ધન યોજના દ્વારા કરોડો પરિવારોને બેન્કિંગ સિસ્ટમ સાથે જોડી, આધાર અને મોબાઇલ (JAM) દ્વારા સીધા નાણાકીય લાભ (DBT) પહોંચાડીને વચેટિયાઓની ભૂમિકાને સમાપ્ત કરી.
આવાસઃ પ્રધાનમંત્રી આવાસ યોજના હેઠળ જીઓ-ટેગિંગ જેવી ટેકનોલોજીનો ઉપયોગ કરી, લાભાર્થીઓને માત્ર કાગળ પર નહીં, પરંતુ સંપૂર્ણ તૈયાર મકાનો મળે તે સુનિﾍતિ કર્યું.
૩. રોકાણકારો અને નાગરિકોનો અતૂટ વિશ્વાસ
વાઇબ્રન્ટ ગુજરાત સમિટ દ્વારા જે રીતે ગુજરાતને રોકાણ માટેનું વિશ્વસનીય સ્થળ બનાવ્યું, તે જ અનુભવથી પ્રેરાઈને મેક ઇન ઇન્ડિયા અભિયાન શરૂ કર્યું. પરિણામે, છેલ્લા દાયકામાં ભારતમાં ૮૩ લાખ કરોડ રૂપિયાનું વિદેશી રોકાણ આવ્યું. આજે દેશના સામાન્ય નાગરિકોને પણ વિશ્વાસ છે કે વીજળી, શૌચાલય, ગેસ અને અન્ય સરકારી સુવિધાઓ તેમના સુધી અવશ્ય પહોંચશે.
૪. વિકસિત ભારત ૨૦૪૭નો મજબૂત પાયો
શ્રી મનસુખભાઈ માંડવિયાએ જણાવ્યું કે સબકા સાથ, સબકા વિકાસ, સબકા વિશ્વાસ, સબકા પ્રયાસએ માત્ર સૂત્ર નથી, પરંતુ શાસનનું કાર્યકારી મોડેલ છે. આ ભારતીય મોડેલના આધાર પર જ દેશ ૨૦૪૭ સુધીમાં વિકસિત ભારત બનવાના લક્ષ્ય તરફ મક્કમ ગતિએ આગળ વધી રહ્યો છે, જેનો શ્રેય વડાપ્રધાન મોદીના દીર્ઘદ્રષ્ટિપૂર્ણ નેતૃત્વને જાય છે.(૩૮.૩૨)
(3:52 PM IST)
છેલ્લા 8 દિવસમાં સૌથી લોકપ્રિય 
