છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
ભારત પાસેથી જલદી યુદ્ધ ખતમ કરવાની કળા દુનિયાએ શીખવી જોઇએ
વાયુસેનાના IAF ચીફ એપી સિંહે મોટું નિવેદન આપ્યું
નવી દિલ્હી તા.૨૦: વાયુસેનાના વડા એર ચીફ માર્શલ એપી સિંહે મોટું નિવેદન આપ્યું હતું. વાયુસેના એસોસિએશન દ્વારા આયોજિત કાર્યક્રમમાં તેમણે જણાવ્યું હતું કે વિશ્વએ ભારત પાસેથી શીખવું જોઈએ કે કેવી રીતે ઝડપથી સંઘર્ષ શરૂ કરવો અને તેનો અંત કેવી રીતે કરવો. તેમણે ઓપરેશન સિંદૂર દરમિયાન ભારત દ્વારા નિર્ધારિત સ્પષ્ટ ઉદ્દેશ્યો પર પણ ભાર મૂક્યો હતો.
નોંધનીય છે કે વાયુસેના એસોસિએશન દ્વારા આયોજિત એક કાર્યક્રમને સંબોધતા વાયુસેનાના વડા માર્શલ એપી સિંહે કહ્યું કે ઉદ્દેશ્યો પ્રાપ્ત થયા પછી સંઘર્ષોનો અંત આવવો જોઈએ. તેમણે કહ્યું હતું કે પાકિસ્તાન સાથેના સંઘર્ષ દરમિયાન વાયુ શક્તિની શ્રેષ્ઠતા સ્પષ્ટપણે દેખાઈ હતી. S-૪૦૦ મિસાઇલ સિસ્ટમ ગેમ-ચેન્જર સાબિત થઈ, કારણ કે તેની રેન્જ અને ક્ષમતાએ દુશ્મનને સંપૂર્ણપણે પરાજિત કરી દીધો. ઘણા પાકિસ્તાની લશ્કરી ઠેકાણાઓને ભારે નુકસાન થયું હતું, જેમાં તેમના માળખાકીય સુવિધાઓ, રડાર, નિયંત્રણ અને સંકલન કેન્દ્રો અને વિમાનનો સમાવેશ થાય છે.
રશિયા-યુક્રેન યુદ્ધ સહિત વિવિધ સંઘર્ષોનો ઉલ્લેખ કરતા વાયુસેનાના વડાએ કહ્યું કે જ્યારે યુદ્ધ શરૂ થાય છે, ત્યારે દુનિયા તેના ઉદ્દેશ્યો ભૂલી જાય છે. વાયુસેનાના વડાએ ૨૦૧૯ ના બાલાકોટ હવાઈ હુમલાની અસરકારકતાના પુરાવા માંગનારાઓ પર પણ કટાક્ષ કર્યો. તેમણે ઓપરેશન સિંદૂર દરમિયાન પાકિસ્તાનને થયેલા નુકસાનના ગ્રાફિક ફોટોગ્રાફસ બતાવ્યા. તેમણે કહ્યું કે, વિશ્વભરમાં ઘણા યુદ્ધોના લાંબા સમયગાળાને ધ્યાનમાં રાખીને, આ કામગીરીનો એક મુખ્ય પાસું સંઘર્ષનો ઝડપથી અંત લાવવાનો હતો
વાયુસેના વડાએ વધુમાં કહ્યું હતું કે તેમણે એ વિચારને પણ નકારી કાઢ્યો કે ભારતે પાકિસ્તાન સામે લશ્કરી કાર્યવાહી ચાલુ રાખવી જોઈતી હતી. તેમણે કહ્યું, અમે લોકોને કહેતા સાંભળ્યા છે કે અમેયુદ્ધ ખૂબ વહેલું બંધ કરી દીધું. હા, પાકિસ્તાન પીછેહઠ કરી ગયા. તેમાં કોઈ શંકા નથી. પરંતુ અમારા લક્ષ્યો શું હતા? અમારું લક્ષ્ય આતંકવાદ વિરોધી કાર્યવાહી હાથ ધરવાનું હતું. અમારે તેમના પર હુમલો કરવો પડ્યો. અમે તે કર્યું. તો, જો અમારા લક્ષ્યો પ્રાપ્ત થઈ ગયા હોય, તો આપણે સંઘર્ષનો અંત કેમ ન લાવવો જોઈએ? આપણે તેને શા માટે ચાલુ રાખવો જોઈએ? કોઈપણ સંઘર્ષની ભારે કિંમત ચૂકવવી પડે છે.(૩૮.૪)
(9:59 AM IST)
